Gutuledwa 7:1 - Bhibhiliya Nya Guage

¹ Khavbo avbo, nyi di wona dzingilozi dzina dza Nungungulu na dzi emide mudzikhonani dza dzina nya mafu, na dzi pharide maphuvbo ya mana nya litigo, gasi phuvbo yi si furugedzi tigoni, ni matini ya phwani ambari misimboni.

Gutuledwa 7:1 Iomraidhean Croise

Isaya 11:12

A na khusedza ngavbya vbakari nya mayigo, a tombanisa avo va nga vbagedwago va Israyeli, a wuyisela avo va nga phalalegago va Judha, gukhugela dzikhonani dzatshavbo dza dzina nya litigo.

Isaya 27:3

Eni Pfhumu Nungungulu kheni nyi li sayisago, nyi na li theledzela mati gikhati gyatshavbo, nyi li ghadha wutshigu ni mihani, gasi a si manegi muthu nya gute li ghohetela.

Isaya 27:8

Kha va veta guvbindra pimo, a di va yisa wugumbini, a di va dzega khu phuvbo yaye nya tshivba nya gufanane ni gingulu nya gute khu Khagadambo.

Jeremiya 49:36

Khu dzikhona dza dzina dza damboni nyi na rumela Elamo dziphuvbo dzina, nyi na va phalalegisa ga maphuvbo yatshavbo yoyo; gu mwalo litigo gu na gumba bela valuveli.

Ezekiyeli 37:9

Khavbo avbo, a di nyi embela, khuye: “Profeta ga liphuvbo; profeta, uwe mwamana wa muthu, u li embela, khuwe: Mune Pfhumu Nungungulu, a ngu ganela kharati, khuye: Uwe liphuvbo, delu khu maphuvbo ya mana nya mafu, u furugedza ga sirumbi sesi, gasi si vbanya.”

Ezekiyeli 7:2

“Uwe mwamana wa muthu, indra u ya ganela kharati ga va na Israyeli, khuwe: Mune Pfhumu Nungungulu wari khuye gikhati gyanu nya mahegiso gi ngu vboha; ma ngu vboha mahegiso nya dzikhona dza dzina nya litigo la Israyeli.

Dhaniyeli 11:4

Gambe avbo a na gu dzipwago na tiyide gwadi, mufumo waye wu na pfhungumudwa wu kabaniswa khu sipandre sina sa ndzadzini. Kha wu na thaphela ga situgulwana saye, ni mufumo wakone kha wu na nga mana tshivba nga guhegulani, kholu wu na sigudwa wu ningedwa vambe.

Dhaniyeli 7:2

Dhaniyeli a di ganela, khuye: Na nyi lade ligovbeni, nyi di lora nyi wona dziphuvbo dzina dza ndzadzini na dzi gu dwana ni linene.

Dhaniyeli 8:8

Nyamabhongwe a di phela gu dzi dandrisa ngudzu, aholu avbo a nga dzipwa nari ni tshivba nya yingi, kheho yaye nya yikhongolo yi di fanyega, vbatshani gwaye gu buga dzikheho dzina dzi dandra dzi khedza maphuvbo ya mana ya damboni.

Jona 1:4

Khu guralo, Pfhumu Nungungulu a di rumela phuvbo nya yikhongolo linene, gu manega gingulu nya gikhongolo, avbo litaro li nga hadza gupandrega.

Zakariya 6:1

Nyi di engedza gambe nyi khusa maho yangu: Nyi di wona dzikareta dzina na dzi gu duga khu vbakari nya sigomo sivili; sigomo sesi si diri sa sugu.

Zakariya 6:5

Ngilozi yi di nyi hakha, khiyo: “Aya khu maphuvbo ya mana ya Ndzadzini, ma dugago khavbo ma nga bani ma emide mbeli ga Pfhumu ya mafuni gwatshavbo.

Matewu 24:31

A na rumela dzingilozi dza Nungungulu gu womba pundru nya gudzume ngudzu, gasi gu tombanisa sihathwa sa maphuvbo yatshavbo ya mana, gukhugela mahegiso kala mahegiso nya mafu.

Marko 13:27

A na rumela dzingilozi dzaye gasi guta tombanisa sihathwa sa maphuvbo yatshavbo ya mana, gukhugela mahegiso nya litigo kala mahegiso nya ndzadzi.

Gutuledwa 20:8

A na duga gasi guta senga mayigo nya dzikhona dza dzina dza tigoni: Goge ni Magoge a va tombanisa gasi gu dwana nyimbi. Tengo wawe kha nga fungu wa phwani.

Gutuledwa 6:6

Khavbo avbo, nyi dipwa lito vbakari nya sirengo sa sina, khilo: “Gipimo nya tirigu gu livba thumo nya litshigu, sipimo siraru nya mavbila gu livba thumo nya litshigu aholu u nga pati mati ni vbinyu gambe u nga haganiseli mafura.”

Gutuledwa 7:3

“Mu nga saselini litigo, ambari yiphwa, ni misimbo, na hi si gu lovi gifungo musiwomboni nya sithumi sa Nungungulu wathu.”

Gutuledwa 8:7

Ngilozi nya guhegule yi di womba pundru. Khavbo avbo, gu di thega maralala ni nilo tigoni, na si patidwe ni novba. Gu divbya gipandre nya wuraru nya litigo ni misimbo yakone, mwasi watshavbo nya guvbanye wu di tsagamiswa khu luvbya.

Gutuledwa 9:14

Lito li di embela ngilozi nya livbandre na mweyo yi nga bani yi pharide pundru, khilo: “Tshula dzingilozi dza dzina dzi hungidwego bambe nya tsongo khongolo wa Ewufrate.”

Gutuledwa 9:4

Yi di leletedwa gumba sasela mwasi nya guvbanye wa khabini, mwendro sisimbwana satshavbo ni misimbo nya yikhongolo. Aholu, yi rumedwe basi gu sasela vathu vale va nga bani va sa vegwa gifungo gya Nungungulu vbagiwombotunu.