Gutuledwa 4:8 - Bhibhiliya Nya Guage

⁸ Gimwegyo ni gimwegyo nya sirengo sesi gi na ni livbandre na limwedo mambapi nya gutale gwatshavbo khu maho, khu ndrani ni vbavbandze. Wutshigu ni mihani sa gu embelela nyamba garala, khiso: “U agide, U agide, U agide, Pfhumu Nungungulu nya Tshivba Yatshavbo, wule a nga bani ari uye, wule a gu uye, wule a na tago.”

Gutuledwa 4:8 Iomraidhean Croise

Gutuledwa 1:8

Pfhumu Nungungulu wari, khuye: “Kheni Alfa ni Omega! Wule a gu Uye, a nga bani ari Uye, wule a na tago; a gu uye Nungungulu nya Tshivba Yatshavbo.”

Gutuledwa 4:6

Mbeli nya gikhalo nya wufumu gi diromo gilo nya gufanane ni yiphwa nya mati nya gugyendze kha nga libona. Khu vbakari, avbo nya gikhalo gegi ni mudzibambe gakone si diromo sirengo sina nya gutale khu maho hwane ni mbeli.

Vahebheru 13:8

Jesu Kristo khuye wa moyo, wa vbanova, wa muhuno, ni wa gikhati gyatshavbo.

Ekisodha 15:11

Khu mani a fananago nago, Uwe Pfhumu Nungungulu vbakari ga vanungungulu vatshavbo? Khu mani nya gungangamele gu fanana ni Uwe, a fanedego gu thawa ni gu rungudzwa? U giride siliwugiso.

Gutuledwa 15:3

Dzi di embelela ndzimo ya Mosi, githumi gya Nungungulu ni ndzimo ya Nvutana, khidzo: “Pfhumu Nungungulu, nya Tshivba Yatshavbo, sigiro sago sikhongolo, si ngu liwugisa! Dzindzila dzago dzi lulamide, dzi na ni lisine, uwe Pfhumu nya mayigo.

Gutuledwa 11:17

na ma gukhayo: “Ethu hi ngu gu bonga Pfhumu, Nungungulu nya Tshivba Yatshavbo, Uwe u guromo, Uwe u nga bani uromo, Uwe u vbwetago guta. Kholu u hakhide tshivba yago nya yikhongolo, gambe u phede gufuma!

Gutuledwa 16:7

Nyi dipwa gambe lito khu giluveloni na li gu ganela, khilo: “Khu lisine, Pfhumu Nungungulu nya Tshivba Yatshavbo, gulamula gwago khwa lisine, gu lulamide.”

Ezekiyeli 1:6

aholu gimwegyo ni gimwegyo nya iso gi diri ni dzikhovbe dzina ni mambapi mana.

Dzindzimo 91:1

Muthu wule a thavelago ga Pfhumu Nungungulu a guromo vbatshani ngudzu, a hefemulago mutsani ga mune nya Tshivba Yatshavbo,

Gutuledwa 7:15

Khiso si va girago va manega mbeli nya gikhalo nya wufumu wa Nungungulu, va mu thumela wutshigu ni mihani nyumbani gwaye. Wule a khadego vbagikhalotunu nya wufumu a na va vhikela khu mwedzi waye.

Genesi 17:1

Abrama a diri ni livbandre na mama magumi ni livbandre na mina (99) myaga nya guvelegwe gwaye, Pfhumu Nungungulu a di dzi wonegisa gwaye a gu mu embela, khuye: “Eni kheni Nungungulu nya Tshivba Yatshavbo. Gimbila mbeli gwangu nu lulamide.

Gutuledwa 21:22

Dhoropani gwatshavbo kha nya wona Nyumba ya Nungungulu. Kholu uye Pfhumu Nungungulu nya Tshivba Yatshavbo, gumogo ni Nvutana, khuye abune Nyumba ya Nungungulu.

Gutuledwa 19:15

Khu kanani gwaye gu di duga litshari nya guvbire gasi gu paya khilo mayigo. Uye a na ma fumela khu ndronga nya dzisimbi; a na gamela maphisoni vbinyu nya likhulo la Nungungulu nya Tshivba Yatshavbo.

Gutuledwa 3:7

Lovela ngilozi ya libandla la Filadhelifiya, khuwe: “Wule a agidego, a gu uye nya lisine, a gu ni pfhungulo ya Dhavhidhe, wule nya gu a gu tula mwalo a segago, a gu sega mwalo a tulago, wari, khuye:

Gutuledwa 1:4

Eni Johane nya gu lovela livbandre na mavili mabandla ya Aziya, kheni: Wuhigo ni gurula gu na khale ni enu khu ga wule a gu uye, a nga bani ari uye, a gu uye a natago, ni ga livbandre na mavili maphuvbo, ma gomogo mbeli nya gikhalo nya wufumu waye.

Gutuledwa 4:4

Na si randrede gikhalo gegi nya wufumu, si diromo magumavili na sina sikhalo nya wufumu, avbo gu nga bani gu khade magumavili na mana madhota, ma na ambade dzingandzu nya guage ni sihugu nya wufumu, nya gugirwe khu ndralama.

2 Vakorinto 6:18

Eni nyi na khala babe wanu, enu mu na khala sanana sangu nya madzaha ni dzimbiri.” Gu ganela Pfhumu nya Tshivba Yatshavbo.

Isaya 62:1

Khu kotani nya lihaladzo nyi gu nalo ni Siyoni, kha nyi na degula, khu lihaladzo langu ga Jerusalema, gima kha nyi na hefemula, kala gululama gwago gu duga kha nga wuronga, guvbanyisa gwago, kha nga mwenge wu khondrago.

Isaya 13:6

Wombani huwa khu guvbisega, kholu Litshigu la Pfhumu Nungungulu li vbohide; la guta khiyo ga uye nya Tshivba Yatshavbo gasi guta mbembisa.

Joyele 1:15

Yowe! Litshigu lile! Kholu litshigu la Pfhumu Nungungulu lomo vbafuvbi.

Gutuledwa 16:14

Aya khu maphuvbo nya mandriki ma girago siliwugiso, ma yago ga vafumeli vatshavbo va mafuni gasi gu va tshanganisa vata dwana nyimbi nya Litshigu Likhongolo la Nungungulu nya Tshivba Yatshavbo.

Gutuledwa 14:11

Gu na tuviga wutshi nyamba vbela khu niloni nya gusaniseke gwawe. Vatshavbo va khozelago girengo ni githombe gyaye, mwendro gu vegisa gifungo nya lina laye va na saniseka nyamba hefemula wutshigu ni mihani.”

2 Thimoti 4:2

Ganela Mahungu nya Yadi u simamisa gu gira kharato, gikhati nya gugaradze nigyo nya guvbevbuge kawuka, luleka ni gu khongotela khu gutimisela gwatshavbo ni gu hevbudza.

1 Thimoti 4:16

Dzi wonele uwe wurumba wago, ni esi u hevbudzago. Simama gu ema ga silo sesi. Khu kharato, u na mana guvbanyiswa uwe ni vale va gu yingisago.

1 Vatesalonika 2:9

Vandruye, dundrugani khu lisine gugaradzega ni gugarala gwathu. Hi di thuma wutshigu ni mihani gasi hi si mi lemedzi, khu kharalo, hi di mi tivisani Mahungu nya Yadi ya Nungungulu.

Mithumo 20:31

Khavbo avbo, dzi woneleni. Dundrugani gukhenu, rumba nya myaga miraru, gima kha nya garala khu gu luleka moyo ni moyo nya enu, na nyi gu lila wutshigu ni mihani.

Ekisodha 3:14

Nungungulu a di embela Mosi, khuye: “ENI KHENI WULE A GU ENI.” A engedza a mu embela, khuye: “U na embela sanana sa Israyeli, khuwe: ENI KHENI- a nyi rumede gwanu.”

Ezekiyeli 1:5

Khu vbakari gwaye, gu di gu duga silo nya gufanane ni sivangwa sina nya guvbanye. Khu giemo si di fanana ni muthu,

Ezekiyeli 1:18

Marodha yoyo, ma di laphide guya vbatshani, ma di gu thavisa ngudzu; ma di tade khu maho maphuvbo yatshavbo.

Ezekiyeli 10:12

Givili gyawe gupata ni makosi, mandza ni mambapi si di tade khu maho, gu fanana ni marodha yawe nya mana.

Gutuledwa 4:9

Gikhati sirengo sesi si dhumisago ni gu rungudza ni gu bonga wule a khadego vbagikhalotunu nya wufumu, a gu uye a vbanyago kala gupindruga,

Gutuledwa 5:6

Khavbo avbo, nyi di wona Nvutana na yi emide, vbakari nya gikhalo nya wufumu, nga khwatshi yi di songwa, na yi randredwe khu sirengo sile sa sina ni madhota. Yidiri ni livbandre na dzimbili dzikheho, ni livbandre na mavili maho, a gu livbandre na mavili Maphuvbo ya Nungungulu ma rumedwego mafuni gwatshavbo.

Gutuledwa 6:1

Nyi di wona Nvutana na yi gu namula gifungo nya guphele nya sile satshavbo nya livbandre na sivili. Khavbo avbo, nyi dipwa girengo nya guphele nya sile sa sina na gi gu ganela khu lito nya gudzume kha nga libara, khigyo: “Delu!”

Gutuledwa 6:6

Khavbo avbo, nyi dipwa lito vbakari nya sirengo sa sina, khilo: “Gipimo nya tirigu gu livba thumo nya litshigu, sipimo siraru nya mavbila gu livba thumo nya litshigu aholu u nga pati mati ni vbinyu gambe u nga haganiseli mafura.”

Gutuledwa 7:11

Dzingilozi dzatshavbo dzi nga bani dzi randrede gikhalo nya wufumu, madhota ni sirengo sa sina, va di khidzima mbeli nya gikhalo nya wufumu va gu khozela Nungungulu, khavo:

Gutuledwa 14:3

Va di gu embelela ndzimo nya yiphya mbeli nya gikhalo nya wufumu, mahoni nya sivangwa sa sina nya guvbanye ni manganagana. Mwalo mumbe a kodzago gu yi hevbula ndzimo yile, vbavbandze nya vale nya lizana ni magumana na mana magumi mazana (144.000) nya vathu va nga dzegiswago vbakari nya litigo.

Gutuledwa 15:7

Givangwa gimwegyo nya sile nya sina si vbanyago, gi di ningela ga livbandre na dzimbili dzingilozi, livbandre na sivili sikombe nya ndralama nya gutale khu likhulo la Nungungulu a vbanyago kala gupindruga.

Gutuledwa 19:4

Vale nya magumavili na mana madhota, ni sivangwa sile nya sina nya guvbanye, va di khidzima va khozela Nungungulu a khadego vbagikhalotunu nya wufumu, khavo: “Amen! Aleluya!”