Gutuledwa 4:5 - Bhibhiliya Nya Guage

⁵ Gikhalo gegi gi di lasa ni gudzumadzuma, ni gu pandra mabara. Khu mbeli yi di khondrisidwe livbandre na mivili myenge, a gu livbandre na mavili maphuvbo ya Nungungulu.

Gutuledwa 4:5 Iomraidhean Croise

Gutuledwa 11:19

Khavbo avbo, Nyumba ya Nungungulu a guromo ndzadzini yi di tudwa, yi gu wonega Ngasa nya Gidzumeledzwano ndrani nya Nyumba ya Nungungulu, khu gikhati gyogyo, gu di lasa, gu pwala malito ni gu pandra mabara, gu duga girevareva, ni maralala.

Gutuledwa 8:5

Khavbo avbo, ngilozi yi di dzega gifugwana nya libani, yi tadza khu magala nya nilo wa vbagiluvelotunu, yi rinya tigoni. Gukhugela avbovbo, gu di dzuma mabara, gu lasa, bwelo khavbo gu manega girevareva.

Gutuledwa 1:4

Eni Johane nya gu lovela livbandre na mavili mabandla ya Aziya, kheni: Wuhigo ni gurula gu na khale ni enu khu ga wule a gu uye, a nga bani ari uye, a gu uye a natago, ni ga livbandre na mavili maphuvbo, ma gomogo mbeli nya gikhalo nya wufumu waye.

Gutuledwa 5:6

Khavbo avbo, nyi di wona Nvutana na yi emide, vbakari nya gikhalo nya wufumu, nga khwatshi yi di songwa, na yi randredwe khu sirengo sile sa sina ni madhota. Yidiri ni livbandre na dzimbili dzikheho, ni livbandre na mavili maho, a gu livbandre na mavili Maphuvbo ya Nungungulu ma rumedwego mafuni gwatshavbo.

Ekisodha 19:16

Khu litshigu nya wuraru, ni mambagugya, gu di dzuma mabara ni gulasa, vbatshani nya gigomo gu fenengedzwa khu lipfhi nya gusivbale, ni gudzuma nya gukhongolo nya pundru. Vathu vatshavbo va nga bani va romo lizumboni va di ndrendremela.

Gutuledwa 3:1

Lovela ngilozi ya libandla la Sardhesi, khuwe: “Wule a gu ni livbandre na mavili maphuvbo ya Nungungulu ni livbandre na dzimbili dzinyeledzi, wari, khuye: Nyi ngu yiti mithumo yago, u na ni ndruma nya gupwani u ngu vbanya. Gasi u fude.

Zakariya 4:2

Yi di nyi wudzisa, khiyo: “Ginani u gi wonago?” Eni nyi di hakha, kheni: “Nya gu wona gidzigaredzo nya dzikandriya nya ndralama, khu vbatshani gakone gi na ni gyombo nya guthele umo mafura. Gidzigaredzo gi na ni livbandre na dzimbili dzikandriya ni livbandre na mavili matirisida nya dzikandriya.

Ekisodha 20:18

Va na Israyeli vatshavbo va dipwa gupandra nya mabara, ni gudzuma nya pundru, va wona gulasa ni gu tuviga nya wutshi. Avbo vathu va nga wonago esi, va di ndrendremela ngudzu va emela hwindzo.

Joyele 3:16

Pfhumu Nungungulu a na bhonga khu Siyoni, lito laye li na dzuma khu Jerusalema; gu ndrendremela ndzadzi ni mafu, aholu Pfhumu Nungungulu a na khala wuthavelo nya vathu vaye ni likhokhola la va na Israyeli.

Ezekiyeli 1:13

Sivangwa nya guvbanye si di fanana ni magala nya nilo; gu fanana ni myenge. Nilo wu di gu gimbilagimbila maphuvbo yatshavbo khu vbakari nya sivangwa nya guvbanye, gambe, gu di gu dzuma mabara ni gulasa.

Dzindzimo 68:35

Uwe Nungungulu u ngu samadzisa nu khade nyumbani gwago nya guage; Nungungulu wa Israyeli, a ngu ninga tshivba ni wufumu vathu vaye. A na rungudzwe Nungungulu!

2 Dzikoronika 4:20

dzikandriya ni myenge yaye nya ndralama nya guhutwe gasi dzi khondriswa kha nga giolovedzo, vbawulangatunu nya Guage Ngudzu.

Ekisodha 37:23

A di gira dzikandriya dzakone nya livbandre na dzimbili, ni sitshimo sakone ni simbiyana nya guthele umo nguma, satshavbo khu ndralama nya guhutwe.

Mithumo 2:3

Khavbo avbo, gu di tumbuluga kha nga malimi nya malavbelavbe nya nilo ma gu dzi kabanisela, gu mbaka limwedo vbatshani ga moyo ni moyo.

Matewu 3:11

Eni nya gu mi bhapatisa khu mati, gasi mu vbindrugedze; aholu uye a tago khu hwane gwangu a na ni tshivba gu nyi vbindre; eni nyi mwalo fanelo nya gutshule silato saye. Uye a na mi bhapatisa khu Liphuvbo nya Guage ni nilo.

Genesi 15:7

Pfhumu Nungungulu a di mu embela, khuye: “Eni kheni Pfhumu Nungungulu. Kheni nyi nga gu dusa khu dhoropani ga Uri, tigoni gwa Vakalidhiya, nyi fela guta gu ninga litigo leli li khala thomba yago.”

Ekisodha 25:37

U na gi girela gambe livbandre na dzimbili dzikandriya dzi na tshomegwago vbatshani nya gidzigaredzo, dzi wenengedza mbeli gwaye.

Matewu 25:1

“Mufumo wa Ndzadzini wu ngu fanana ni likhumi sagadzyana si nga dzegago dzikandriya dzawe si gu hongola guya khinga mwane.

Gutuledwa 10:3

yi di khusedza lito khu tshivba gu fanana ni nghala ya gu bani yi ngurangura. Gikhati yi khusedzidego lito, gu di pwala malito nya livbandre na mavili mabara.