Gutuledwa 4:4 - Bhibhiliya Nya Guage

⁴ Na si randrede gikhalo gegi nya wufumu, si diromo magumavili na sina sikhalo nya wufumu, avbo gu nga bani gu khade magumavili na mana madhota, ma na ambade dzingandzu nya guage ni sihugu nya wufumu, nya gugirwe khu ndralama.

Gutuledwa 4:4 Iomraidhean Croise

Dzindzimo 21:3

Kholu uwe wa gu mu thangela khu makategwa nya makhongolo, u ngu mu ambagisa gihugu nya ndralama hungoni.

Matewu 19:28

Jesu a di va hakha, khuye: “Khu lisine nyi ngu mi embelani: Mufumoni wa Nungungulu, gikhati Mwamana wa Muthu a na khalago vbagikhalotunu gwaye nya gutale khu gidhumo, enu mu na nyi landrela, mu na khalani vbasikhalotunu, gasi gu lamulani mahundzu yatshavbo nya likhumi na mavili ya Israyeli.

Luka 22:30

gasi mu hodze ni gu sela vbamezatunu nya buzo wangu. Mu na khalani vbasikhalotunu nya wufumu, mu lamula mahundzu yatshavbo ya Israyeli, nya likhumi na mavili.

2 Thimoti 4:8

Olu gu tshade basi gu hakha tshatshazelo wangu owu Pfhumu a na gu nyi ningago khu litshigu lakone. Uye khuye Mulamuli nya lisine. A na nyi ninga tshatshazelo, nasiri eni basi, aholu ni vale vatshavbo va nga lindrela khu lihaladzo gu wuya gwaye.

Gutuledwa 11:16

Madhota yatshavbo nya magumavili na mana ma khadego vbasikhalotunu gwawe nya wufumu mbeli ga Nungungulu, ma di noga kala vbavbatshi, ma gu khozela Nungungulu,

Gutuledwa 14:3

Va di gu embelela ndzimo nya yiphya mbeli nya gikhalo nya wufumu, mahoni nya sivangwa sa sina nya guvbanye ni manganagana. Mwalo mumbe a kodzago gu yi hevbula ndzimo yile, vbavbandze nya vale nya lizana ni magumana na mana magumi mazana (144.000) nya vathu va nga dzegiswago vbakari nya litigo.

Gutuledwa 19:14

Mabutho ya Ndzadzini ma di mu landrela na ma ambade dzingandzu nya wumburi nya guage ngudzu, na ma khilede dzikavalu nya guage ngudzu.

Gutuledwa 19:4

Vale nya magumavili na mana madhota, ni sivangwa sile nya sina nya guvbanye, va di khidzima va khozela Nungungulu a khadego vbagikhalotunu nya wufumu, khavo: “Amen! Aleluya!”

Gutuledwa 2:10

U nga khali hwanga khu gu wona gutshaniseka gu gu viredego. Ndrani nya matshigu yaya, Sathane a na khothela pasoni vambe ni vambe vbakari nya libandla lanu, gasi gu va lingwa. Mu na wona gutshaniseka nya gukhongolo gipimo nya likhumi matshigu. Tumba kala gufa, nyi na gu ambagisa gihugu nya womi nyamba bela.

Gutuledwa 20:4

Nyi di wona gambe mihefemulo ya vale va nga songwago kholu va nga tumbegago khu gu fakaza Jesu ni Mahungu ya Nungungulu. Avo kha va nga khozela girengo ambari gifananiso gyaye, gambe kha va dzumela gu vegwa gifungo gyaye vbagiwombotunu ambari mandzani. Avovo va wugide va vbanya, va gu fuma gumogo ni Kristo gipimo nya likhumi mazana (1.000) myaga.

Gutuledwa 3:18

Nyi ngu gu laya gukheni renga gwangu ndralama nya gumburisedwe niloni, gasi u fume; u renga dzingandzu nya guage, gasi u ambale, u siha dzitshoni nya wumbwiri wago; u renga rendre nya maho, gasi u dzi todza u kodze gu wona.

Gutuledwa 4:10

madhota yatshavbo nya magumavili na mana ma gu khidzima mbeli ga wule a khadego vbagikhalotunu nya wufumu, gasi gu khozela wule a vbanyago kala gupindruga, va gu tshula sihugu sawe nya wufumu va si vega mbeli nya gikhalo nya wufumu, na va gukhavo:

Gutuledwa 4:6

Mbeli nya gikhalo nya wufumu gi diromo gilo nya gufanane ni yiphwa nya mati nya gugyendze kha nga libona. Khu vbakari, avbo nya gikhalo gegi ni mudzibambe gakone si diromo sirengo sina nya gutale khu maho hwane ni mbeli.

Gutuledwa 5:11

Khavbo avbo, nyi di wona ni gupwa lito nya mwandra nya dzingilozi dzi nga bani dzi randrede gikhalo nya wufumu, ni sirengo sile sa sina ni madhota; tengo wa kona a diri makhulukhulu ni makhulukhulu ni mazanazana.

Gutuledwa 5:14

Sirengo sile sa sina si di hakha, khiso: “Amen!” Gasi madhota nya magumavili na mana ma di khidzima ma gu khozela wule a vbanyago kala gupindruga.

Gutuledwa 5:6

Khavbo avbo, nyi di wona Nvutana na yi emide, vbakari nya gikhalo nya wufumu, nga khwatshi yi di songwa, na yi randredwe khu sirengo sile sa sina ni madhota. Yidiri ni livbandre na dzimbili dzikheho, ni livbandre na mavili maho, a gu livbandre na mavili Maphuvbo ya Nungungulu ma rumedwego mafuni gwatshavbo.

Gutuledwa 5:8

Na gu hakha libhuku, sirengo sile sa sina ni madhota yale nya magumavili na mana ma di khidzima mbeli ga Nvutana, mari ni sitendre ni sikombe nya gugirwe khu ndralama na si tade khu libani, a gu milombelo nya sihathwa.

Gutuledwa 6:11

Moyo ni moyo wawe a di ambagiswa ngandzu nya guage, va embedwa pwani va na hefemule vbadugwana, va lirela gu enedza tengo nya vangana ni vandriyawe, ava va nga gu vbwetago gu songwa nga avo.

Gutuledwa 7:11

Dzingilozi dzatshavbo dzi nga bani dzi randrede gikhalo nya wufumu, madhota ni sirengo sa sina, va di khidzima mbeli nya gikhalo nya wufumu va gu khozela Nungungulu, khavo:

Gutuledwa 7:9

Hwane nya isoso nyi di wona mwandra nya wungi ngudzu nya vathu nya mayigo, mahundzu, mafumbu, malimi yatshavbo, a gu mwalo muthu a dzi kodzago gu wu saya. Va di emide mbeli nya gikhalo nya wufumu ni mbeli nya Nvutana, na va ambade dzingandzu nya guage, va phara migindru mandzani.

Gutuledwa 9:7

Mbasa yoyo yi di fanana ni dzikavalu dzi dongisedwego guya nyimbini. Khovbe kha nga muthu, hungoni yi di ambade kha nga gihugu nya wufumu nya gugirwe khu ndralama.