Gutuledwa 4:2 - Bhibhiliya Nya Guage

² Khavbo avbo, nyi di dzegela gu beledwa khu Liphuvbo, nyi di wona gikhalo nya wufumu ndzadzini, na khade avbo muthu nya gukari;

Gutuledwa 4:2 Iomraidhean Croise

1 Dzipfhumu 22:19

Mikeya a di engedza a ganela, khuye: “Yingisa magana ya Pfhumu Nungungulu: Nyi wonide Pfhumu Nungungulu na khade vbagikhalotunu gwaye nya wufumu, na randredwe khu nyamudye ni nyambade khu sikwata nya sivangwa sa ndzadzini.

Dzindzimo 11:4

Aholu, Pfhumu Nungungulu womo nyumbani gwaye nya guage; Pfhumu Nungungulu a na ni gikhalo nya wufumu waye ndzadzini, maho yaye ma ngu khedzisa tigoni, a wona sanana nya vathu.

Isaya 6:1

Khu mwaga a fudego khuwo mufumeli Uziya, nyi wonide Pfhumu na khade vbagikhalotunu nya gikhongolo nya wufumu nya gukhugege, guambala gwaye gu di fenengedza Nyumba nya Miphaso.

Jeremiya 17:12

Gikhalo gyathu nya wudhumo, gi khusegidego ngudzu gukhugela guhegulani, khu wulanga wathu nya miphaso.

Ezekiyeli 1:26

Khu vbatshani nya rodha nya mihungo yawe, gu diromo gilo nya gufanane ni gikhalo nya wufumu nya gukhedzige nga giwindri nya safira; khu vbatshani nya igyo nya gufanane ni gikhalo nya wufumu, gu diromo gilo nya gufanane ni muthu khu vbatshani gwaye.

Ezekiyeli 1:28

Gu di gira kha nga khwatshi wulaho wa nyazimu mapfhini litshigu nya guwe ndzadzi, gu diri kharati gungangamela gu nga bani gu mu randrede. Igyogyo a diri gilo nya gufanane ni wudhumo wa Pfhumu Nungungulu. Gikhati nyi nga wu wona, nyi di thega khu khovbe vbavbatshi, gambe nyi dipwa lito nya muthu nya gukari na gu ganela.

Ezekiyeli 10:1

Nyi di khusa maho nyi khedza vbatshani nya langwe, nyi wona gilo nya gufanane ni giwindri nya safira gi nga bani giromo vbatshani nya mihungo nya dzikerubhimi, na gi gu fanana ni gikhalo nya wufumu.

Dhaniyeli 7:9

Na nyi nga gu khevisela, gu di vegwa sikhalo nya wufumu, a dita khala avbo moyo nya lidhota. Dzingandzu dzaye dzi di agide nga thondrwane; ni ndzudzu wa hungoni gwaye, wu di fanana ni mawoya nya wumburi nya nvuta, gikhalo gyaye nya wufumu, gi di fanana ni malavbelavbe nya nilo, marodha yaye, ma di fanana ni gudzura nya nilo.

Matewu 22:43

A di va wudzisa, khuye: “Khu ginani uye Dhavhidhe abune, khu tshivba nya Liphuvbo nya Guage, a nga mu ranago Pfhumu, khuye:

Vahebheru 8:1

Gilo nya gikhongolo ngudzu ga esi hi ganelago khu mahungu nya muphasi hi gu naye: Uye khuye Muphasi nya Khongolo a khadego ndzadzini khu nyamudye nya gikhalo nya wufumu wa Nungungulu nya Tshivba Yatshavbo.

Gutuledwa 1:10

Khu litshigu la Pfhumu nyi di tshigedwa khu liphuvbo, nyipwa hwane gwangu lito nya likhongolo nya nga pundru,

Gutuledwa 12:5

Nyamayi a di hefemula gyanana nya gikhwathana igyo gi na gu fumago mayigo yatshavbo khu ndronga nya gikete. Aholu, gyanana gyaye gi di khusedzwa gi yiswa vbafuvbi ga Nungungulu vbagikhalotunu gwaye nya wufumu.

Gutuledwa 17:3

Yi di nyi yisa giwulani khu liphuvbo. Nyi diya wona nyamayi na khilede girengo nya gufuvile, na gi lovetedwe malina nya guvale Nungungulu, giri ni livbandre na mivili mihungo ni likhumi dzikheho.

Gutuledwa 19:4

Vale nya magumavili na mana madhota, ni sivangwa sile nya sina nya guvbanye, va di khidzima va khozela Nungungulu a khadego vbagikhalotunu nya wufumu, khavo: “Amen! Aleluya!”

Gutuledwa 20:11

Nyi di wona gambe gikhalo nya gikhongolo nya wufumu nya guage ni wule a nga bani a khade ga igyo. Mahoni gwaye ndzadzi ni mafu si di mwalalega nyamba wonega gambe.

Gutuledwa 21:10

Khavbo avbo, yi di nyi rwala khu Liphuvbo yi nyi yisa gigomoni nya gikhongolo, nya gulaphe yi nyi yeyedza Jerusalema, lidhoropa nya gukatege, li nga bani li gu tshiga khu ndzadzini, khu ga Nungungulu.

Gutuledwa 21:5

Wule a khadego vbagikhalotunu nya wufumu a di tivisa, khuye: “Eni nyi ngu gira siphya silo satshavbo.” A engedza gambe, khuye: “Lova kholu magana yaya ma tumbegide, gambe khya lisine.”

Gutuledwa 3:21

“Wule a na palago nyi na mu dzumedzisa gu khala naye vbagikhalotunu gwangu nya wufumu kha nga eni neni nyi nga palago nyi khadego vbagikhalotunu nya wufumu wa Babe wangu.

Gutuledwa 4:10

madhota yatshavbo nya magumavili na mana ma gu khidzima mbeli ga wule a khadego vbagikhalotunu nya wufumu, gasi gu khozela wule a vbanyago kala gupindruga, va gu tshula sihugu sawe nya wufumu va si vega mbeli nya gikhalo nya wufumu, na va gukhavo:

Gutuledwa 4:5

Gikhalo gegi gi di lasa ni gudzumadzuma, ni gu pandra mabara. Khu mbeli yi di khondrisidwe livbandre na mivili myenge, a gu livbandre na mavili maphuvbo ya Nungungulu.

Gutuledwa 4:9

Gikhati sirengo sesi si dhumisago ni gu rungudza ni gu bonga wule a khadego vbagikhalotunu nya wufumu, a gu uye a vbanyago kala gupindruga,

Gutuledwa 5:1

Khavbo avbo, nyi di wona libhuku mandzani ga nyamudye ga wule a khadego vbagikhalotunu nya wufumu; li di lovidwe khu ndrani ni vbavbandze, li lemwa khu livbandre na sivili sifungo.

Gutuledwa 5:13

Sivangwa satshavbo sa ndzadzini, sa mafuni, ni vbavbatshi nya mafu niso sa matini nyi di sipwa satshavbo na si gu khiso: “Wuzundzo ni rungudzo, ni wufumu ni tshivba kala gupindruga ga wule a khadego vbagikhalotunu nya wufumu ni ga Nvutana.”

Gutuledwa 6:16

va di embela sigomo ni siwindri, khavo: “Hi thegeleni mu hi siha ga wule a khadego vbagikhalotunu nya wufumu, ni ga likhulo la Nvutana,