Gutuledwa 3:2 - Bhibhiliya Nya Guage

² “Dzi wonele, u dwanela gipandre gi si gufigo, kholu kha nyi ma woni gwadi mavbanyelo yago mbeli ga Nungungulu.

Gutuledwa 3:2 Iomraidhean Croise

1 Dzipfhumu 11:4

Kholu gikhati Solomoni a nga gumbago, vanyamayi vava, va di ndreyisa monyo waye, a gu landrela vambe vanungungulu, monyo waye gambe kha wa nga tumbega ga Pfhumu Nungungulu waye, kha nga idzo a nga tumbegago khidzo babe waye Dhavhidhe.

1 Dzipfhumu 15:3

Abhiya a di gira sighoho satshavbo nya gufanane nesi si ghohidwego khu babe waye, uye nasi gu fumi. Monyo waye kha nga tumbega ga Pfhumu Nungungulu waye, kha nga idzo a nga tumbegago khidzo kokwe waye Dhavhidhe.

2 Dzikoronika 25:2

Uye giride ugo gu gu gwadi mbeli ga Pfhumu Nungungulu, aholu kha nga dzi ningela khu monyo waye watshavbo.

Joba 16:5

Nyi di hadza gu mi tangadzisa khu magana yangu, nyi mi tiyisedza guvbisegani gwanu.

Isaya 35:3

Tiyisani mawogo ma garadego, mu tiyisedza dzikhungumudzi dzi rerekidego.

Isaya 56:10

Va woneleli vawe vatshavbo, sikhumu, kha vati gilo; vatshavbo va gu fanana ni dzimbwa nya sidudu, nyamba kodza gu huhula; va gu gola gu wotela, va khala na va lade, va lora dzindroro nya wugara.

Isaya 57:12

Gululama gogo gwago, nyi na gu huwelela, ni mithumo yago, kha yi na gu phasa gilo.

Ezekiyeli 34:16

Nyi na vbwetedzela idzo dzi dzimedego, nyi wuyisa idzo dzi phalalegidego, nyi na hungelela iyo yi bayisidwego, nyi tiyisa iyo yi vbedego tshivba; aholu iyo nya gukanyise ni iyo nya tshivba nyi na dzi mbembisa. Nyi na dzi havisa khu gululama.

Dhaniyeli 5:27

TEKELI: Gu thudwa gupwani: U pimidwe vbagikalotunu, u manega na wu vbevbugide.

Zakariya 11:16

Kholu nyi na rumela tigoni momu muhavisi a na gumbata thela kota khu gu sayisa dzinvuta dzi dwalago, mwendro gu landra edzi dzi dzimedego ni gu handza silondra edzi dzi bayisidwego, a ngamba khathala khu gu havisa edzi dzi vbanyago. Uye a nata hodza nyama nya edzi nya guene gwadi, a gu dzi dusa ni samba gambe!

Matewu 23:5

Satshavbo va girago, va gufela gu wonwa khu vathu. Khu kharato va gu gudzisela mikeka nya milayo va hungago vbagiwombotunu ni mawogoni va laphisa matshakafula nya dzingandzu dzawe.

Matewu 25:13

Khu kharato, khalani na mu dongide, kholu kha mu liti litshigu ni gikhati a natago khigyo Mwamana wa Muthu.

Matewu 25:7

Khavbo avbo, sagadzyana sile si di khendzuga satshavbo, si dongisela dzikandriya dzawe.

Mithumo 18:23

Na khade iyo gipimo nya gukari, a di bwelela nya luphye, a gimbila khu madhoropani yatshavbo ya tigoni ga Galatiya ni Firijiya, a tiyisela vapizane vatshavbo.

Dhewuteronome 3:28

Leletela Josuwa, u mu ninga tshivba ni gu mu tiyisa hwambo; kholu khuye a na thangago mbeli ga vathu vava a gu va bedza ga litigo lile uwe u na gu li wonago khu maho basi.

1 Pedro 4:7

Mahegiso nya silo satshavbo gomo vbafuvbi. Gu vbwetega mu gengela, mu dzi wonela, gasi mu kodze gu lombelela.

1 Pedro 5:8

Dzi phareni, mu dzi wonele, kholu, nala wanu Sathane a ngu mi dzuwulugela na gu dzuma-dzuma nga nghala yi vbwetago muthu gu mu hodza.

Gutuledwa 16:15

(Khalani na mu dzi dongisede kholu nyi na vboha kha nga mbafa; kategide wule a lirelago na vegiside dzingandzu dzaye gasi a si gimbili wumbwiri, dzitshoni dzaye dzi gu wonwa khu vathu).

Gutuledwa 2:4

Aholu, nyi ngu gu sola kholu u digide lihaladzo lago nya guhegule.

Gutuledwa 3:1

Lovela ngilozi ya libandla la Sardhesi, khuwe: “Wule a gu ni livbandre na mavili maphuvbo ya Nungungulu ni livbandre na dzimbili dzinyeledzi, wari, khuye: Nyi ngu yiti mithumo yago, u na ni ndruma nya gupwani u ngu vbanya. Gasi u fude.

Gutuledwa 3:3

Khu kharato dundruga mahungu u ma hakhidego ni gu mapwa. Ma landrise, u vbindrugedza mavbanyelo u wuya ga Nungungulu. Wamba gwadi nyi nata kha nga mbafa nu si giti gikhati nyi na gu gu vbohelago khigyo.