Gutuledwa 2:9 - Bhibhiliya Nya Guage

⁹ Nyi ngu guti gutshaniseka gwago ni wusiwana wago, (aholu u fumide.) Nyi ngu dziti gambe edzi va gu nyenyago khidzo vale va dzi ranago Vajudha vasiri avo, kholu avo tsawa nya valandreli va Sathane basi.

Gutuledwa 2:9 Iomraidhean Croise

Matewu 4:10

Khavbo avbo, Jesu a di mu hakha, khuye: “Suka, Sathane, kholu gu lovidwe, gupwani: U na khozela Pfhumu Nungungulu wago; khuye basi u na gu mu thumelago.”

Luka 12:21

Khidzo kharati gu na giregago ga wule a dwanelago gu fuma thomba nya yingi, aholu nasiri gitetema ga Nungungulu.”

Luka 22:65

Va di mu vala khu simbe nya gutale.

Luka 4:18

“Liphuvbo la Pfhumu li nyi tshigede, kholu li nyi phasede gasi guya hevbudza sisiwana Mahungu nya Yadi; li nyi rumede guya tivisa dzikhumbi gutshulega gwawe, guya tivisa sikhumu guwoniswa gwawe, ni ga vasaniseki gutshulega gwawe;

Luka 6:20

Na khuside maho a khedza vapizane vaye a di khuye: “Mu kategide enu, sisiwana; kholu khwanu Mufumo wa Nungungulu.

Johane 16:33

Nya gu mi embelani esi, gasi mu tshale ni gurula gwangu; mu na mana sigaradzo tigoni, aholu nyi tumbeni, kholu eni nyi pade litigo.”

Mithumo 14:22

Va di tiyisela myonyo nya vapizane, va gu va khongotela gu tiya gukhodwani gwawe, kholu, va di gu ganela, khavo: “Gu vbwetega guvbindra khu sigaradzoni nya singi gasi gu bela Mufumoni wa Nungungulu.”

Mithumo 26:11

Dzinyondro dzingi, eni nyi di bela dzinyumbani nya nombelo nyi va ninga sisaniso nya sikhongolo, khu gufela gukheni va dange gukhodwa gwawe. Khu kotani nya likhulo nyi nga bani nyiri nalo gwawe, nyi di va tutumisela kala ni madhoropani ya mayigoni ya vbavbandze.

Varoma 12:12

Nengelani gutumbani, mu timisela sigaradzoni, mu pharisa milombeloni.

Varoma 2:17

Uwe wari khuwe u Mujudha, u themba Nayo, u dzi gira matshandza khu guti Nungungulu.

Varoma 5:3

Kha hi nengeli basi khesi, ha gu dzi zundza gambe khu kotani nya gusaniseke gwathu, kholu hi ngu dziti nya gukhethu gusaniseka khugo gu girago gutimisela:

Varoma 8:35

Khu mani a na gu hi hambanisago ni lihaladzo la Kristo? Khu gusaniseka, khu sigaradzo, khu guvengwa, khu ndzala, khu wusiwana, khu dzimhango, mwendro khu gufa, gani?

Varoma 9:6

Ambari ulo, khandri gupwani gitumbiso gya Nungungulu gi tandregide. Kholu, khandri satshavbo sanana nya melego wa Israyeli si gu libandla la Nungungulu.

2 Vakorinto 6:10

Gukhwatshi hi swihade, aholu hi ngu nengela gikhati gyatshavbo; gukhwatshi hi sisiwana, aholu hi fumiside nya vangi; gukhwatshi hi mwalo gilo, aholu hi naso satshavbo.

2 Vakorinto 8:2

Ambari va nga bani vari vbakari nya silingo ni gusaniseka, va vbanya khu wusiwana nya wukhongolo. Aholu, va di yeyedza gutsaka gwawe ni wuwadi wawe, va ningela esi nya wusiwana wawe khu matsenya.

2 Vakorinto 8:9

Mu ngu wuti wuhindzi wa Pfhumu yathu Jesu Kristo: Uye a nga bani fumide, a di dzi gira gisiwana khu kota yanu, mufela gu mana gufuma khu kota nya wusiwana waye.

1 Vatesalonika 3:4

Na nyiri iyoyo gwanu nyi di mi embedeni khu libango li nga hadza hi dugelelago. Khu guralo, li giregide nga olu mu dzitigo.

1 Thimoti 1:13

A nyi girede esi, ambari nyi nga bani nyiri muvali, mutshanisi ni muhembululi. Ambari ulo, nyi mane wuhindzi kholu, nyi di gira khu wuhangi, gikhati nyi nga bani nyi si gu hakhi gukhodwa.

1 Thimoti 6:18

Va na thume silo nya sadi, va khale sitetema khu magirelo nya yadi, va yeyedza lihaladzo ni gu ninga sisiwana.

Gutuledwa 1:9

Eni Johane nyi gu ndriyanu, muhengeli ni enu sigaradzoni, Gufumani, ni gutimiselani khu ga Jesu Kristo, nyi diromo gidwane gi ranwago Patimosi kotani nya gu pwadze mahungu ya Nungungulu ni gu fakazela Jesu Kristo.

Gutuledwa 2:13

Nyi ngu miti mithumo yago ni avbo u vbanyago, khavbo gi guromo gikhalo nya wufumu wa Sathane. Ambari guralo, u ngu pala sigaradzo satshavbo, u namarela, khu gutiya, linani gwangu. Khwa nyenya gukhodwa ga eni. Ambari ga matshigu yale a nga songwago khayo mufakazi wangu nya gutumbege Antipa a nga bani a gu vbanya vbakari gwanu, avbo a vbanyago nuye Sathane.

Gutuledwa 2:2

Nyi ngu siti sigiro sago, mithumo yago ni gutimisela gwago, kholu nyi ngu dziti nya gukheni khu pwanani ni vathu nyamba si vadi; ni vale va dzi ranago vapizane vasiri avo, u va lingide, u va kona muguliphani gwawe.

Gutuledwa 2:24

“Gasi ga enu ni vambe vathu va Tiyatira vale va si landreligo milayo yeyi, enu mu si gutigo ‘Gueta ga Sathane’ (kha nga edzi gu ganedwago khidzo) kha nyi na mi lemedza khu mimbe mirwalo.

Gutuledwa 3:9

Nyi na gu ninga tshangano nya valandreli va Sathane, vale va dzi randrago Vajudha nari va gu lipha. Va na khidzima migondroni gwago, gasi va dziti nya gukhavo nyi ngu gu gola.

Gutuledwa 7:14

Nyi di mu hakha, kheni: “Pfhumu yangu, uwe khuwe u dzitigo!” Khavbo avbo, a di nyi tshamusela, khuye: “Ava khu vale va tago khu musigaradzoni nya sikhongolo, vale va nga handzago dzingandzu dzawe va dzi agisela novbani nya Nvutana.