Gutuledwa 2:3 - Bhibhiliya Nya Guage

³ “U na ni gutimisela, u tshanisekide khu kotani nya lina langu, ambari ulo khwa rereka.

Gutuledwa 2:3 Iomraidhean Croise

Dzindzimo 37:7

Tumba Pfhumu Nungungulu u vega gwaye gitumbo gyago, u nga garadzegi khu vale va dugelelago guvbanyani gwawe, khu kotani nya muthu a thumisago wurena.

Dzindzimo 69:7

Khu kotani nya lihaladzo nyi gu nalo khu uwe, nyi ngu vadwa, khovbe yangu yi fenengedzwa khu dzitshoni.

Mikeya 7:9

Nyi na rwala likhulo la Pfhumu Nungungulu, kholu nyi mu ghohedego; kala a vhikela mahungu yangu a nyi lamula; a na nyi yisa guwonegelani nyi nata wona gululama gwaye.

Marko 15:21

Ndzilani va di tshangana ni mwama moyo nya gupwani khu Simoni wa Sirene, babe wa Alexandre ni Rufu, na gu wuya khu gundze, va mu gurumedza guphasa Jesu gu rwala gihambano.

Luka 14:27

Uye a si rwaligo gihambano gyaye a nyi landrela, kha dzi kodzi gu khala mupizane wangu.

Luka 18:1

Khavbo avbo, a di va embela gipimaniso gi yeyedzago giguruvedzo nya gulombelele nyamba garala, khuye:

Luka 21:19

Khu gu timisela gwanu, mu na vbanyisa mihefemulo yanu.

Luka 5:5

Simoni a di hakha, khuye: “Muhevbudzi, hi gogide wutshigu watshavbo, kha ha mana gilo; aholu kha nga ulo u rumago, nyi na thesa dzikhoga.”

Luka 8:15

Yile yi nga thegela wulimeni nya wadi khu vale nya gu, na va ma pwide, va ma hakha khu monyo nya wadi nya gululame, va ma vegedza nyamba rereka kala va gu thela mihandro.

Johane 15:21

Va na mi gira satshavbo sesi, khu kotani nya lina langu, kholu kha va muti wule a nyi rumedego.

Varoma 12:12

Nengelani gutumbani, mu timisela sigaradzoni, mu pharisa milombeloni.

Varoma 16:12

Losedzelani Tirifena ni Tirifosa va dzi garadzago khu gu thumela Pfhumu, ni Perisidha, pari yangu nya gu yi gole, a thumedego nuye ngudzu Pfhumu.

Varoma 2:7

A na ninga guvbanya nya gupindruge vale va dzi garadzago khu guthuma mithumo nya gululame, vale va mu dhumisago ni gu mu rungudza na va gu dwanela gu mana womi nyamba vbela.

Varoma 8:25

Aholu, ha gu tumba silo nyamba si wona, hi na si lindrela khu gutimisela.

1 Vakorinto 13:7

Lihaladzo li ngu rwala satshavbo, li gu khodwa satshavbo, li gu tumba gikhati gyatshavbo ni guhunisela satshavbo.

1 Vakorinto 16:16

Landrisani sihevbudzo sawe ni sa vambe va va phasedzelago gu thumela libandla.

2 Vakorinto 10:15

Kha hi dzi zundzi gu vbindrisa, khu mithumo ya vambe vathu. Egi hi gi lindrelago nya guvbweta gu zundzega khu gu dandra nya gukhodwe gwanu, nga edzi Nungungulu a nyi pimedego khidzo.

2 Vakorinto 11:23

Avo sithumi sa Kristo? Nya gu ganela nga gipumbu, nyi na ganela kheni, eni nyi womo mbeli ngudzu guvbindra avo. Nyi va vbindride mbeli ga mithumo yatshavbo; gu khothedwa mapasoni, gu kwamudwa khu dzimboma, gu vbuluga gufa gikhati nya gingi.

2 Vakorinto 4:1

Khu guralo, hi nga swihali thumoni momu hi nga ningwago khu wuhindzi wa Nungungulu.

2 Vakorinto 4:16

Khu guralo, kha hi garali. Ambari saye gi hagalago givili gyathu, hefemulo wathu, wa guya na wu gu wusedzwa nyaluphye khu litshigu ni litshigu.

2 Vakorinto 5:9

Khu guralo, gani hi ngu vbanya, gani kha hi vbanyi givilini momu, hongoleni hi dzi garadze khu gu tsakisa Pfhumu.

2 Vakorinto 6:5

gukwamudwa, gukhothedwa, pfilupfilu, gukoroka, gukhevisela ni ndzala.

Vagalatiya 6:2

Phasedzanani khu gyanu, mu na tadzisa kharato nayo wa Kristo.

Vagalatiya 6:9

Hi nga garali khu gu gira esi nya sadi. Kholu, ha gumba rereka, hi na vbwera khu gikhati gyakone.

Vafilipi 2:16

mu va tivisa mahungu nya guvbanyise. Khu kharato, litshigu nya gute ga Kristo, nyi napwa gunengela nya gukhongolo ngudzu, kholu nyi na dziti gukheni kha nya garala khu guthuma mahala.

Vafilipi 4:3

Nyi ngu gu lomba uwe pari yangu nya gutumbege, u va phasedzele. Kholu avo va dwanide gumogo ni eni thumoni nya gutivise Mahungu nya Yadi gumogo ni Klementi, ni vatshavbo nyi nga hengelago navo thumoni, malina yawe ma lovidwego libhukuni nya womi.

Vakolosi 1:11

Ha gu lomba ga Nungungulu a mi tiyisa khu tshivba yaye nya yikhongolo, mu kodze gutsarama siloni satshavbo khu gutimisela ni gutsaka.

1 Vatesalonika 1:3

Hi ngu mati gwadi mavbanyelo nya gukhodwe gwanu, ni gu dzi garadza gwanu khu lihaladzo, ni gutiya gutumbani gwanu mu gu nago khu Pfhumu yathu Jesu Kristo, mbeli ga Nungungulu Babe wathu.

1 Vatesalonika 2:9

Vandruye, dundrugani khu lisine gugaradzega ni gugarala gwathu. Hi di thuma wutshigu ni mihani gasi hi si mi lemedzi, khu kharalo, hi di mi tivisani Mahungu nya Yadi ya Nungungulu.

1 Vatesalonika 5:12

Vandruye, hi ngu mi lomba mu ninge githawo ga vale va tago khu lina la Pfhumu va ta thumela enu, vathangeli ni valuleki vanu.

2 Vatesalonika 3:13

Gambe, vandruye, mu nga garali khu gu girani wuwadi.

2 Vatesalonika 3:5

Pfhumu yi na khusedze myonyo yanu lihaladzoni ga Nungungulu, gasi mu virela Kristo khu gutumba.

2 Vatesalonika 3:8

kha ha hodza guhodza ga muthu mahala. Hi di thuma nya guvbindre pimo, wutshigu ni mihani, gasi hi si lemedzi muthu.

1 Thimoti 4:10

Ethu ha gu dzi garadza, hi dzi songa khu gu thuma khu kotani hi vegidego gutumba gwathu ga Nungungulu a vbanyago. Uye khuye muvbanyisi nya vathu vatshavbo ngudzungudzu ga vale va khodwago.

1 Thimoti 5:17

Vathangeli nya libandla, vale va thumago gwadi thumo wawe, va ngu yela gu zundzwa guvbindra pimo, ngudzungudzu ava va tshumayelago ni gu hevbudza.

Vahebheru 10:36

Timiselani gasi mu gira guhaladza ga Nungungulu, mu mane guya hakha esi a mi tumbisago.

Vahebheru 12:1

Khu guralo, ethu hi randredwe khu dzifakazi nya vathu nya vangi ngudzu. Hongoleni hi dige satshavbo esi si hi segelago ndzila, hi diga ni gighoho gi hi namarelago khu tshivba, hi tutuma nyamba vbela tshivba, hi landra pfhuka wu nga tshadego mbeli gwathu.

Vahebheru 13:13

Khu guralo, hongoleni nethu vbafuvbi ga Jesu Kristo, vbavbandze nya libhiyo hi ya saniseka ni gu poyidwa gumogo ni uye.

Vahebheru 6:10

Nungungulu khwadi, kha divaledwi khu thumo mu wu giridego enu, ni lihaladzo mu li yeyedzidego, ni giphaso mu giridego ni olu mu nga gu girago ga vandriyanu nya vakristo.

Vahebheru 6:12

Kha hi vbweti gukhethu mu khale migara, aholu khalani vale va khodwego, muri ni gutimisela, gasi mu fela gu hakha esi mu tumbisidwego khu Nungungulu.

Vahebheru 6:15

Abrahama a di timisela, a si mana kharati esi Nungungulu a nga mu tumbisago.

2 Pedro 1:6

guti mu gu wonegisa khu gu dzi phara; gu dzi phara mu gu pata ni gutimisela; gutimisela mu gu tadzisa khu githawo ga Nungungulu;

Gutuledwa 1:9

Eni Johane nyi gu ndriyanu, muhengeli ni enu sigaradzoni, Gufumani, ni gutimiselani khu ga Jesu Kristo, nyi diromo gidwane gi ranwago Patimosi kotani nya gu pwadze mahungu ya Nungungulu ni gu fakazela Jesu Kristo.

Gutuledwa 3:10

Kha nga ulo u nga landrisago magana nya gutimisele gwangu, eni neni nyi na gu vhikela gikhati litigo latshavbo li na lingwago gasi gu wona khu mani a tiyidego mafuni.