Gutuledwa 13:3 - Bhibhiliya Nya Guage

³ Moyo nya mihungo nya girengo wu di pandridwe phandza nya guhadza gufa. Aholu, phandza yakone yi di vbode. Litigo latshavbo li di liwuga li gu landrisela girengo.

Gutuledwa 13:3 Iomraidhean Croise

Ezekiyeli 30:24

Nyi na ninga tshivba mufumeli wa Bhabhiloni, nyi mu pharisa mandzani litshari langu; aholu nyi na fanya mawogo ya Faro, uye a na dilela khu wuvi nya gupadwe, kha nga muthu a thegago khu gu songwa.

Luka 2:1

Khu matshigu yale, gu di tshayedwa thetho nya gilovela nya litigo latshavbo khu mufumeli nya khongolo Sezari Augusto.

Johane 12:19

Vafarisi va di embeledzelana, khavo: “Mu ngu wonani nya gukhenu gimwalo gilo nya gugire! Vathu vatshavbo va gu landra uye.”

Mithumo 8:13

Simoni nuye a di khodwa, na bhapatisidwe a di bela tsawani wa Filipi. A di liwuga ngudzu khu gu wona siwonegiso ni siliwugiso si nga bani si gu girwa khu Filipi.

Gutuledwa 13:12

Girengo gegi khigyo gi gimbidzisago mufumo watshavbo nya girengo nya guhegule kha nga gyandza gyaye; khigyo gi rumago litigo ni vathu vatshavbo va vbanyago ga ilo va khozela girengo nya guhegule, egi nya phandza nya guvbole.

Gutuledwa 13:14

Gi ngu pengisa vathu va tigoni khu siliwugiso gi ningidwego gu gira khu tshivba nya girengo nya guhegule. Gya gu senga vathu va tigoni va gira gifananiso nya gudhumise girengo nya gukokwe phandza khu litshari gi wuya gi vbanya.

Gutuledwa 17:10

Gambe khu livbandre na vavili vafumeli: Livbandre nya avo va thegide, moyo a nga gu fuma, mumbe a si gu vbohi. Aholu a gu vboha a na fuma gikhatinyana nya gidugwana basi.

Gutuledwa 17:11

Girengo gi nga bani giromo, olu gi gu mwalo gambe, igyo nigyo gya gu tshamusela mumbe mufumeli nya livbandre na wuraru; a guromo tengoni nya vale nya livbandre na vavili vayago vaya mbemba.

Gutuledwa 17:13

Vatshavbo va na ni mapimo mamowo, va na vega tshivba yawe nya wufumu mandzani nya girengo.

Gutuledwa 17:17

Kholu Nungungulu vegide myonyoni gwawe gasi gu gira guhaladza gwaye, va dzumela gu thumela girengo kala ma tadzisega magana ya Nungungulu.

Gutuledwa 17:6

Nyi di wona nyamayi wule na gu levide khu novba wa va nya gukatega ni novba wa dzifakazi dza Jesu; na nyi mu wone nyi di liwuga ngudzu.

Gutuledwa 17:8

“Girengo u nga gi wona gi diromo, aholu gi mwalo gambe; gya gu duga khu phalani giya mbembiswa; vathu va tigoni, vale malina yawe ma sa lowago libhukuni nya womi, gukhugela nya gu vangwe litigo, va na samadziswa khu gu wona gukhavo girengo gi nga bani giromo, gi mwalo gambe, aholu gi na tumbuluga nyaluphye.