Gutuledwa 13:2 - Bhibhiliya Nya Guage

² Girengo nyi nga gi wonago gi di gu fanana ni likhamba. Sandza nya migondro yaye khwatshi khesi nya yingwe, likana li di gu fanana neli nya nghala. Mwamilambo a di gi ninga tshivba yaye, ni gikhalo gyaye, ni wufumu nya wukhongolo.

Gutuledwa 13:2 Iomraidhean Croise

2 Dzipfhumu 2:24

A di thendregedza a khedza hwane, a di si wona a si vala linani ga Pfhumu Nungungulu; khavbo avbo, gu di duga khu khabini sirengo sivili nya sikankanka si ta vbadzulela magumana na sivili nya sikhwathana sile.

Dzindzimo 22:21

Nyi vbulugise kanani nya nghala ni dzikhehoni nya nyari; ina, nyi ninge phindrulo.

Mavingu 17:12

I tshukwana gutshangana ni gikankanka nya ngadzi gi wandredwego sanana saye, guvbindra gutshangana ni gipumbu gi thumago wuphuguphugu wagyo.

Mavingu 28:15

Mufumeli nya guvivbedwe khu monyo a gu fuma litigo nya sisiwana, a gu fanana ni nghala yi bhongago ni gikankanka gya gupwa ndzala.

Isaya 5:29

Va gu bhonga, va gu fanana ni nghala, va na bhonga kha nga sanana nya nghala. Va na ngurura va gu mana pfimba va wu rwala va hongola, mwalo a na gu va wandrelago.

Jeremiya 13:23

Ina Muetiyopi a ngu dzi kodza gu vbindrugedza tshonge yaye, mwendro likhamba mavalavala yaye, gani? Khu guralo, enu nenu, olu mu nga olovela gu gira guvivba kha mu na dzi khodza gu gira ugo nya gwadi.

Jeremiya 5:6

Khu guralo, nghala yi na duga khu khabini yi ta va songa, lisolwa la giwulani li na va vbadzulela, madhoropa yawe ma na holeledwa khu likhamba; moyo wawe a gu duga a na vbadzuledwa; kholu va di engedzela guvivba nya sighoho sawe, va mu pfhurarela gikhati nya gutale.

Hoseya 11:10

Va na landrela Pfhumu Nungungulu; Uye a nga bhonga nga nghala. Avbo a na gu bhongago, sanana saye si nata khu Pfoladambo na si gu ndrendremela.

Amosi 3:12

Pfhumu Nungungulu a ngu ganela gambe kharati, khuye: “Kha nga muhavisi a vbulugisago mawundru mavili nya nvuta mwendro gipandre gimwegyo nya ndzeve kanani nya nghala, kharato nugo va na vbulugisa guralo sanana sa Israyeli, va vbanyago tigoni ga Samariya, va khadego havo ghagha vbatshani nya masofa nya seda.

Amosi 5:19

Li na gira kha nga muthu a thavago mbeli nya nghala, bwelo khavbo a manana ni gikankanka, mwendro gu muthu a gu bela nyumbani gwaye, mandza yaye a gu phara vbandzaritunu a hodzwa khu nyoga.

Habhakuka 1:8

Dzikavalu dzawe dzi na ni mazambo guvbindra magamba, dzi gira gigaha guvbindra masolwa vbawutshigutunu, vakhileli nya dzikavalu dzawe va gu phalalega malangani yawe va vbuvba nga maghama ma tutumelago guhodza.

2 Thimoti 4:17

Aholu, Pfhumu yi diri ni eni yi nyi ninga tshivba nya gutivise Mahungu maphya nya Yadi ma hakhwa khu va nya mayigo. Khu kharato, nyi vbulugide kanani nya nghala

1 Pedro 5:8

Dzi phareni, mu dzi wonele, kholu, nala wanu Sathane a ngu mi dzuwulugela na gu dzuma-dzuma nga nghala yi vbwetago muthu gu mu hodza.

Gutuledwa 12:13

Gikhati mwamilambo a nga dzipwa na dzudzugidwe vbavbatshi mafuni, a di pheledza gu tutumisa nyamayi wule a nga velega gyanana nya gikhwathana.

Gutuledwa 12:15

Nyoga yi di landra nyamayi khu hwane, yi gamba khu kanani gwaye talo nya mati kha nga tsongo, gasi gu langaladza nyamayi, ma mu ndrindra khu mwedzi.

Gutuledwa 12:9

Khidzo a nga tshipiswa khidzo mwamilambo nya khongolo, mamba nya guhegule, yi ranwago pwani khiyo dhemoni, ni Sathane, mupembi nya litigo latshavbo. Rinyidwe mafuni gumogo ni dzingilozi dzaye.

Gutuledwa 13:12

Girengo gegi khigyo gi gimbidzisago mufumo watshavbo nya girengo nya guhegule kha nga gyandza gyaye; khigyo gi rumago litigo ni vathu vatshavbo va vbanyago ga ilo va khozela girengo nya guhegule, egi nya phandza nya guvbole.

Gutuledwa 13:4

Vathu va di khozela mwamilambo a nga ningago tshivba nya yikhongolo girengo. Va wuya va khozela girengo, khavo: “Khu mani a dzi kodzago gu palisana tshivba ni girengo, khu mani a na gu dzi kodzago gu dwana nagyo?”

Gutuledwa 16:10

Ngilozi nya livbandre yi di vbaladza gikombe gyaye vbatshani nya gikhalo nya wufumu nya girengo, mufumo wa iyo wu di fenengedzwa khu gidema. Vathu va di dzi hodzedzela malimi khu wuvi.

Gutuledwa 17:12

Likhumi dzikheho u nga dzi wona khu likhumi vafumeli vale va si gu hakhiswigo gidhumo nya wufumu, aholu, ndrani nya gikhatinyana va na kabana wufumu ni girengo.

Gutuledwa 19:20

Aholu girengo gi di modwa gumogo ni muprofeti nya malipha, a nga girago siliwugiso tshivbani nya girengo, a gu pengisa vatshavbo ava va nga hakhago gifungo nya girengo ni va khozeli nya gifananiso gyaye. Va vavili va rinyidwe na va gu vbanya tsivani nya nilo wu dzurago na wu gu engedzedwa khu solufa.

Gutuledwa 2:13

Nyi ngu miti mithumo yago ni avbo u vbanyago, khavbo gi guromo gikhalo nya wufumu wa Sathane. Ambari guralo, u ngu pala sigaradzo satshavbo, u namarela, khu gutiya, linani gwangu. Khwa nyenya gukhodwa ga eni. Ambari ga matshigu yale a nga songwago khayo mufakazi wangu nya gutumbege Antipa a nga bani a gu vbanya vbakari gwanu, avbo a vbanyago nuye Sathane.

Gutuledwa 20:2

Iyo yi di mola mwamilambo, nyoga ya gale a gu uye Dhiyabulosi ni Sathane, a gu mu khothela likhumi mazana (1.000) myaga.