Gutuledwa 13:1 - Bhibhiliya Nya Guage

¹ Khavbo avbo, nyi di ema khu funguni nyi wona gambe girengo na gi tumbuluga khu linene. Girengo gyogyo gi diri ni livbandre na mivili mihungo ni likhumi dzikheho, kheho ni kheho yi di ambade gihugu nya wufumu. Mihungoni gwaye gu di lovidwe malina nya guvale Nungungulu.

Gutuledwa 13:1 Iomraidhean Croise

Jeremiya 5:22

Pfhumu Nungungulu a ngu ganela, khuye: Ina kha mu nyi thavi, gani? Ina kha mu ndrendremeli mbeli gwangu, gani? Kholu kheni nyi nga girago vbingano nya linene khu mafu, vbingano nya gukala gupindruga nyamba ndragwa. Ambari ma gu khusega mavimbi yaye li dzuma linene kha wu na ndragwa.

Dhaniyeli 11:36

Mufumeli a na gira gukhedza khu iso a na si golago, a na dzi khusedza ni gu dzi dandrisa mbeli ga vambe vanungungulu; gumogo ni ga Nungungulu nya vanungungulu, a na ganela sihonohono nya guthise. A na andra, kala gu tadzisega likhulo, kholu sile si hungidwego, si na tadzisega.

Dhaniyeli 2:41

Gasi iso u si wonidego migondroni ni dzinyalani gwaye, limbe liphuvbo gu nga bani nari simbi gumbe libumba, gu na bani nari mufumo nya gu kabaniswe khu vbakari, ambari khu kharato, wu na bani wuri ni tshivbanyana yidugwana nya nga simbi, ambari u wu wonidego na wu patedzedwe ni libumba.

Gutuledwa 11:7

Gikhati dzi na vbedzago gu fakaza; gi na duga khu phalani girengo gi dwana nadzo. Girengo gi na pala gi gu songa dzifakazi.

Gutuledwa 12:3

Khavbo avbo, gi di tumbuluga gimbe giwonegiso ndzadzini: Mwamilambo nya khongolo ngudzu, nya gungangamele nga nilo,

Gutuledwa 13:11

Khu hwane nya iso nyi di wona gimbe girengo na gi gu tumbuluga khu tigoni, gi diri ni dzikheho dzimbili kha nga nvuta aholu gi di ganela kha nga mwamilambo.

Gutuledwa 13:14

Gi ngu pengisa vathu va tigoni khu siliwugiso gi ningidwego gu gira khu tshivba nya girengo nya guhegule. Gya gu senga vathu va tigoni va gira gifananiso nya gudhumise girengo nya gukokwe phandza khu litshari gi wuya gi vbanya.

Gutuledwa 13:15

Gi ningidwe gambe tshivba nya guninge hefemulo gifananiso nya girengo, gasi gi kodza gu ganela ni tshivba nya gusonge vatshavbo vale va si khozeligo githombe nya girengo.

Gutuledwa 15:2

Nyi di wona gambe nga yiphwa nya gupatwe ni nilo. Dzindrena dzi nga palago girengo ni gifananiso gyaye, ni tengo nya lina laye, dzi di emide phwani, na dzi pharide mihwambi dzi nga ningwago khu Nungungulu.

Gutuledwa 16:13

Khavbo avbo, nyi di wona maphuvbo mararu nya guvivbe nya gufanane ni vanyakhele na ma gu duga khu kanani ga mwamilambo, ni kanani ga girengo, ni kanani ga muprofeti nya malipha.

Gutuledwa 17:16

Likhumi dzikheho u dzi wonego ni girengo, si na wugela nyamayi nya gibhayi si mu gira gisiwana si mu diga wumbwiri, si hodza nyama yaye, si yi vbisa niloni.

Gutuledwa 17:3

Yi di nyi yisa giwulani khu liphuvbo. Nyi diya wona nyamayi na khilede girengo nya gufuvile, na gi lovetedwe malina nya guvale Nungungulu, giri ni livbandre na mivili mihungo ni likhumi dzikheho.

Gutuledwa 17:5

Vbagiwombotunu gwaye gu di lovidwe lina nya sihalo gupwani: “Bhabhiloni nya Khongolo, Melegi nya sibhayi ni Guvivba ga tigoni.”

Gutuledwa 19:19

Khavbo avbo, nyi di wona girengo ni vafumeli nya mayigo ni mabutho yawe na va tshanganide gasi gu dwanisa wule a nga bani a khilede kavalu ni dzinyimbi dzaye.