Gutuledwa 11:3 - Bhibhiliya Nya Guage

³ Nyi na rumela dzifakazi dzangu dza dzimbili na dzi ambade gilendra gasi gu profeta mahungu ya Nungungulu, gipimo nya likhumi mazana ni mazana mavili ni livbandre na limwedo magumi (1.260) matshigu.”

Gutuledwa 11:3 Iomraidhean Croise

Genesi 37:34

Khavbo avbo, Jakobe a di pferulela dzingandzu dzaye, a gu hunga libhandri nya miba giwununi, a ambala silendra nya gulile gyanana gyaye, matshigu nya gulaphe ngudzu.

2 Samuweli 3:31

Dhavhidhe a di embela Jowabhi ni masotshwa yaye yatshavbo, khuye: “Pferulani dzingandzu dzanu, mu ambala silendra mu lilani Abhineri!” Mufumeli Dhavhidhe, a di landra khu hwane nya lithatho.

1 Dzipfhumu 21:27

Avbo Akabi, a ngapwago magana yaya, a di pferula ngandzu yaye a ambala saku a hala; a di lala vbasakutunu a vbisega ni guvbela tshivba.

2 Dzipfhumu 19:1

Avbo mufumeli Ezekhiya a ngapwago satshavbo sesi, a di pferula dzingandzu dzaye, a ambala gilendra a bela Nyumbani ga Pfhumu Nungungulu.

1 Dzikoronika 21:16

Dhavhidhe na khuside maho, a di wona Ngilozi ya Pfhumu Nungungulu na yi emide vbakari ni vbakari ga mafuni ni ndzadzini, na yiri ni litshari mandzani, na yi khusedzide gasi gu sasela Jerusalema; khavbo avbo, Dhavhidhe gumogo ni madhota, na va ambade silendra, va di thega khu khovbe mafuni.

Nehemiya 9:1

Khu litshigu nya magumavili na mana nya ngima yoyo, va na Israyeli va di tshangana va hala na va ambade dzisaku na va phorode hungoni khu kudzudzwane.

Joba 16:15

Nyi sonide ngandzu nya gilendra, nyi pfhugunyede khovbe yangu ngumani.

Dzindzimo 69:11

Ambari nyi ambala saku nyi khade gyombo nya gihegiso gwawe.

Isaya 22:12

Ga litshigu lolo, Mune, Pfhumu Nungungulu nya Tshivba Yatshavbo, a ngu mi ramba gu muta lila, ni gutsikwila, mu vbalula ndzudzu hungoni ni gu ambala myendra nya silendra.

Jeremiya 1:10

Wona nya gukhuwe muhuno nyi ngu gu ninga tshivba nya gufumele mayigo ni mifumo, u na wandra ni gu pfhungumula, u mbembisa muphelo; ni gu vbahedza ni gu yala.”

Gililo 2:10

Madhota ya vanyamahegyane va Siyoni ma khade vbavbatshi hayo kape. Va dzi phorodzede nguma hungoni, va ambala silendra, makendzi ya Jerusalema ma nogide dzithamo vbavbatshi. Caf

Ezekiyeli 4:6

Na gi vbede gikhati gegi, u na vbindrugedza u lala khu limbambo lago la nyamudye, u rwala nandru nya sighoho sa va na Judha, gipimo nya magumana (40) matshigu, nyi gu ningide litshigu limwedo kha nga mwaga.

Dhaniyeli 12:7

Mwama wule a nga bani na ambade dzingandzu nya seda na khade vbatshani nya mati nya tsongo, avbo a nga khusedzago mandza yaye ya nyamudye ni nyambade nyi di mupwa na gu sambanya khu wule a vbanyago kala gupindruga, khuye. “Si na dzega myaga miraru ni gipandre. Avbo va na gu vbedzago gu tshanisa ni gu mbembisa vathu nya guage, silo sesi satshavbo, si na tadzisega.

Dhaniyeli 7:25

Mufumo wowu, wu nata ganela malito nya guwugele oyu a Khusegidego ngudzu, wu tshanisa sihathwa saye, wu na zama gu vbindrugedza milayo ni matshigu; sihathwa saye si na ningedwa mandzani gwaye khu gikhati nya guningane myaga miraru ni gipandre.

Dhaniyeli 8:14

Gi di nyi embela, khigyo: “Kala gu vbela magumavili na mararu mazana (2.300) dzimindru ni silambo, khavbo gu na gu agiswago nyumba nya miphaso.”

Joyele 1:13

Enu vaphasi nya mhamba, ambalani silendra mu lila; wombani huwa enu mu thumelago vbagiluvelotunu; belani na mu ambade silendra, mu lila wutshigu watshavbo, enu mu thumelago Nungungulu wangu; kholu miningelo nya dzimbewu niyo nya wadwa, kha yi ningedwi gambe Nyumbani ga Nungungulu wanu.

Jona 3:5

Vathu va Ninivha va di khodwa ga Nungungulu, va emisa litshigu nya guhale, va ambala dzisaku, gukhugela avo nya vakhongolo kala avo nya vadugwane.

Jona 3:8

Aholu, vathu ni sirengo va na ambale dzisaku, va lila khu tshivba yawe yatshavbo ga Nungungulu. Muthu ni muthu a leya ndzilani gwaye nya guvivbe a hambane ni wughevenga wa mandzani gwaye.

Mitengo 11:26

Aholu lizumboni gu di tshade vama vavili; moyo wakone lina laye a diri uye Elidhadhi; mumbe lina laye a diri uye Medhadhi; Liphuvbo li di mbaka vbatshani gwawe kholu va di lovedwe navo, ambari va ngamba khuga va hongola Tshatshani, aholu avo va di profeta na vari lizumboni.

Matewu 11:21

“Libango lago, Khorazini! Libango lago, Bhetisayidha! Kholu nari pwani Tiro ni Sidhoni va di wonide siliwugiso nya nga iso mu nga si wonago enu, na va dzi vbindrugedzide gale khu gu ambala dzisaku ni gu phorola nguma.

Matewu 18:16

Aholu a gumba gu yingisa, dzega muthu moyo mwendro vathu vavili u hongola navo, gasi gu satshavbo si lamudwe khu vafakazi vavili mwendro vararu.

Luka 10:13

“Libango lago Khorazini! Libango lago, Bhetisayidha! Kholu nari pwani Tiro ni Sidhoni va di wonide siliwugiso nya nga iso mu nga si wonago enu, na va dzi sodziside gale khu kotani nya sighoho sawe, va ambala dzisaku ni gu phorola nguma.

Luka 24:48

Enu mu dzifakazi nya silo sesi.

Johane 15:27

A nenu mu na nyi fakazela, kholu mu diri ni eni gukhugela guhegulani.

Johane 3:27

Johane a di phindrula, khuye: “Mwalo a dzi kodzago gu hakha gilo a gu bani a sa ningwa khu Ndzadzini.

Mithumo 1:8

Gasi enu, mu na hakha tshivba gikhati Liphuvbo nya Guage li na gu tshigago gwanu. Mu na khala dzifakazi dzangu gukhugela Jerusalema ni Judheya gwatshavbo, ni Samariya, kala mahegiso nya mafu.”

Mithumo 13:31

Matshigu nya mangi a dzi wonegiside ga vale va nga gwelago Naye gukhugela Galileya kala Jerusalema; Avovo khavo va khadego dzifakazi dzaye vbakari nya vathu.

Mithumo 2:32

Wonani gwadi, Nungungulu wuside Jesu khu ga vafudego, ethu avba mu hi wonago, hi dzifakazi nya mahungu yaya.

Mithumo 3:15

Mu songiside guralo Pfhumu yi ningago guvbanya. Aholu, Nungungulu a mu wuside khu ga vafudego; ethu avba hi dzifakazi nya sigiro soso.

1 Vakorinto 12:28

Nungungulu vegide muthu ni muthu wulanga waye ndrani nya libandla: Guphela khu Vapostoli, gu handzamedza vaprofeti; nya wuraru khu vahevbudzi; gu bela va nya gu gira siliwugiso ni gu hawulugisa madwali, ni va nya gu sayisa sisiwana, ni vathangeli, ni va nya gu ganela malimi nya guhambanelane.

2 Vakorinto 13:1

Egi gikhati nya wuraru nyi tago nyita mi holelani. Mahungu yatshavbo ma na tiyiswe khu dzifakazi dzimbili ambari dzitharu.

Vaefeso 4:11

Khuye a kavedzedego vathu siningwa: Vambe a va ninga wuhigo nya gukhale vapostoli, vambe vaprofeti, vambe vavhangeli, vahavisi, ni vahevbudzi.

Dhewuteronome 17:6

Khu wufakazi wa vathu vavili mwendro vararu, fanede gu songwa; aholu khu wufakazi wa muthu moyo basi, mwalo fanelo nya gusongwe.

Dhewuteronome 19:15

Muthu a gu bani giride gilo nya manyala, mwendro gu gira gighoho nya gukari; a nga giredwi wufakazi khu muthu moyo, aholu a na giredwe wufakazi khu vathu vavili mwendro vararu.

Gutuledwa 1:5

Ni ga Jesu Kristo fakazi nya guthembege, matiwula nya vafi vatshavbo a gu Pfhumu nya vafumeli va mafuni. Uye a hi haladzago a nga hi tshulago sighohoni gwathu khu novba waye;

Gutuledwa 11:2

Aholu, u nga pimi likupakupa li randredego Nyumba ya Nungungulu khu vbavbandze, kholu li ningedwe va nya mayigo va na gandredzelago Lidhoropa nya Gukatege ndrani nya magumana na mivili migima yitago.

Gutuledwa 11:6

Dzifakazi dzedzi dzi na ni tshivba nya gusege ndzadzi yi siwi ndrani nya matshigu yatshavbo nya wuprofeti wawe, ni tshivba gambe nya gu vbindrugedze mati ma gu khala novba, ni gu tsayisa litigo khu mafumbu yatshavbo nya mitungu.

Gutuledwa 12:6

Nyamayi a di thavela giwulani, avba Nungungulu a nga bani a mu vegisede wulanga nya gusihalege, gasi a mane gu sayiswa ni gu hodziswa gipimo nya likhumi na mavili mazana ni livbandre na limwedo magumi (1.260) matshigu.

Gutuledwa 13:5

Girengo gi di dzumedziswa gu ganela magana nya gulemele, nya guvale Nungungulu, gipimo nya magumana na mivili migima.

Gutuledwa 19:10

Eni nyi di thega migondroni gwaye gasi gu yi khozela. Aholu, iyo yi di nyi embela, khiyo: “Ahihi! Wona gwadi! Eni nyi githumi kha nga uwe ni vandriyago vatshavbo va girago wufakazi wa Jesu. Nungungulu khuye basi a fanelago gu khozedwa.” Khu lisine, wufakazi wa Nungungulu khu liphuvbo nya wuprofeti.

Gutuledwa 20:4

Nyi di wona gambe mihefemulo ya vale va nga songwago kholu va nga tumbegago khu gu fakaza Jesu ni Mahungu ya Nungungulu. Avo kha va nga khozela girengo ambari gifananiso gyaye, gambe kha va dzumela gu vegwa gifungo gyaye vbagiwombotunu ambari mandzani. Avovo va wugide va vbanya, va gu fuma gumogo ni Kristo gipimo nya likhumi mazana (1.000) myaga.