Gutuledwa 11:2 - Bhibhiliya Nya Guage

² Aholu, u nga pimi likupakupa li randredego Nyumba ya Nungungulu khu vbavbandze, kholu li ningedwe va nya mayigo va na gandredzelago Lidhoropa nya Gukatege ndrani nya magumana na mivili migima yitago.

Gutuledwa 11:2 Iomraidhean Croise

Gutuledwa 12:6

Nyamayi a di thavela giwulani, avba Nungungulu a nga bani a mu vegisede wulanga nya gusihalege, gasi a mane gu sayiswa ni gu hodziswa gipimo nya likhumi na mavili mazana ni livbandre na limwedo magumi (1.260) matshigu.

Luka 21:24

Nya vangi va na songwa khu matshari, vambe va na vbagedwa va gu yiswa mayigoni kha nga dzikhumbi; Jerusalema gu na gandredzedwa khu va nya mayigo kala gi vbela gikhati gyawe.

Dhaniyeli 7:25

Mufumo wowu, wu nata ganela malito nya guwugele oyu a Khusegidego ngudzu, wu tshanisa sihathwa saye, wu na zama gu vbindrugedza milayo ni matshigu; sihathwa saye si na ningedwa mandzani gwaye khu gikhati nya guningane myaga miraru ni gipandre.

Gutuledwa 11:3

Nyi na rumela dzifakazi dzangu dza dzimbili na dzi ambade gilendra gasi gu profeta mahungu ya Nungungulu, gipimo nya likhumi mazana ni mazana mavili ni livbandre na limwedo magumi (1.260) matshigu.”

Dhaniyeli 12:7

Mwama wule a nga bani na ambade dzingandzu nya seda na khade vbatshani nya mati nya tsongo, avbo a nga khusedzago mandza yaye ya nyamudye ni nyambade nyi di mupwa na gu sambanya khu wule a vbanyago kala gupindruga, khuye. “Si na dzega myaga miraru ni gipandre. Avbo va na gu vbedzago gu tshanisa ni gu mbembisa vathu nya guage, silo sesi satshavbo, si na tadzisega.

Gutuledwa 21:2

Eni Johane, nyi di wona gambe na gu tshiga khu ndzadzini, khiyo ga Nungungulu, Lidhoropa nya gukatege, Jerusalema guphya, gu dzi dongisedego nga nyamayi a dzi mburisedego gasi guya hakha mwama waye.

Isaya 52:1

Khendzuga! Khendzuga, Siyoni, ambala tshivba yago. Ambala guambala gwago nya wumburi, uwe Jerusalema, Lidhoropa nya gukatege; kholu gima kha va na bela gambe ndrani gwago va nyamba hana wugwera ni vale va dzi nyenyezisidego.

Gutuledwa 22:19

A gu kala muthu a vbungula magana nya wuprofeti nya libhuku leli, Nungungulu a na dusa gipandre gyaye simboni nya womi ni Dhoropani nya Guage, si tiviswago libhukuni momu.

Matewu 27:53

na va dugide khu marowoni, hwane nya gu bani a wugide Jesu, va di bela dhoropani nya gukatege, va wonega ga va nya gutala.

Matewu 5:13

“Enu mu munyu nya litigo! Aholu munyu wa gu phusa, wu na lungwa khu ginani? Kha wu nga gu phasa gilo; wa gu vbaladzwa vbavbatshi, wu gandredzedwa khu vathu.

Matewu 4:5

Khavbo avbo, Sathane a di mu dzega a gu hongola naye dhoropani nya gukatege; aya mu emisa gikolitunu nya Nyumba ya Nungungulu,

Dhaniyeli 8:10

Yi dandra kala yi ya ghuma sivangwa sa ndzadzini, yi baga simbe sivangwa ni dzinyeledzi yi si rinya mafuni yi si gandredzela.

Ezekiyeli 42:20

A di pima maphuvbo yatshavbo ya mana, maphuvbo yatshavbo gu diromo libhiyo nya livbandre mazana (500) dzindronga gulapha, livbandre mazana (500) guanama, gasi gu hambanisa Wulanga nya Guage ni uwo nya gunyenyeze.

Gutuledwa 11:11

Aholu, khu hwane nya matshigu ya mararu ni gipandre, li dita khu ga Nungungulu Liphuvbo nya guvbanyise lita bela sirumbini mule. Sirumbi si di khuga si gu ema, vatshavbo avo va nga si wonago, va di bedwa khu hwanga ni rerema nya yikhongolo ngudzu.

Vahebheru 10:29

A gu bani ari guralo, ginani gi na gu dugelelago ga vale va nyenyago Mwamana wa Nungungulu, va gira gilo nya nyalidede, Novba nya gidzumeledzwano gya Nungungulu va handzidwego khuwo? Ginani gi na gu dugelelago ga vale va valago Liphuvbo nya Guage a gu gifefe nya wuhigo?

Dhaniyeli 7:19

Khavbo avbo, nyi vbwetide guti tshamuselo nya girengo nya wu na nya guthise, nya guhambane ni esi simbe, gi gu ni magwaha nya gikete ni samba nya sugu, gi songago gi bwelo khavbo gi vbadzulela gu tshala khu sipandre, iso si tshalago, gi gandredzela khu migondro;

Gililo 1:10

Nala a mu dzegede thomba yaye yatshavbo. Uye wonide va nya mayigo na va gu bela nyumbani gwaye nya miphaso, eyi u nga va himbedzelago, khuwe: Kha va yeli gu gubela tshanganoni gwago.” Caf

Isaya 48:2

Enu mu dzi ranago khu lina nya lidhoropa nya guage, mu sambanyago khu Nungungulu wa Israyeli, lina laye a gu uye Pfhumu Nungungulu nya Tshivba Yatshavbo.

Dzindzimo 79:1

Uwe Nungungulu, tigoni gwago gu bede va nya mayigo va nyenyezisa nyumba yago nya guage, lidhoropa la Jerusalema va li giride marumbi.

Mitengo 14:34

Kha nga olu mu vbedzidego magumana matshigu na mu gu holelela litigo, mu na rwala milandru yanu gipimo nya magumana myaga, kholu litshigu limwedo mwaga rumba; gasi mu fela gu dziti gukhenu Eni nyi Swihade.

Isaya 5:5

Gasi, eni olu, nyi na mi yeyedzani esi nyi vbwetago gu gira ga lithembwe langu: Nyi na thesa libhiyo gasi li khala wuhaviselo, nyi khungumula ni ndzari yaye, gasi li gandredzedwa.

Ezekiyeli 4:6

Na gi vbede gikhati gegi, u na vbindrugedza u lala khu limbambo lago la nyamudye, u rwala nandru nya sighoho sa va na Judha, gipimo nya magumana (40) matshigu, nyi gu ningide litshigu limwedo kha nga mwaga.

Dhaniyeli 8:13

Khu hwane, nyi dipwa gihathwa gi nga bani gi ganela; gimbe gihathwa gi di embela gile gi nga bani gi ganela, khigyo: “Silo sesi nyi si wonago khu giwoniso, si na simama kala lini si ganelago khu phaso nya litshigu ni litshigu, khu gughoha, si nga pfhungumudzisago nyumba nya miphaso, ni sivangwa si ningedwago si gandredzedwa khu migondro nya kheho, na?”

Dhaniyeli 8:14

Gi di nyi embela, khigyo: “Kala gu vbela magumavili na mararu mazana (2.300) dzimindru ni silambo, khavbo gu na gu agiswago nyumba nya miphaso.”

Gutuledwa 21:10

Khavbo avbo, yi di nyi rwala khu Liphuvbo yi nyi yisa gigomoni nya gikhongolo, nya gulaphe yi nyi yeyedza Jerusalema, lidhoropa nya gukatege, li nga bani li gu tshiga khu ndzadzini, khu ga Nungungulu.