Gutuledwa 1:8 - Bhibhiliya Nya Guage

⁸ Pfhumu Nungungulu wari, khuye: “Kheni Alfa ni Omega! Wule a gu Uye, a nga bani ari Uye, wule a na tago; a gu uye Nungungulu nya Tshivba Yatshavbo.”

Gutuledwa 1:8 Iomraidhean Croise

Genesi 17:1

Abrama a diri ni livbandre na mama magumi ni livbandre na mina (99) myaga nya guvelegwe gwaye, Pfhumu Nungungulu a di dzi wonegisa gwaye a gu mu embela, khuye: “Eni kheni Nungungulu nya Tshivba Yatshavbo. Gimbila mbeli gwangu nu lulamide.

Genesi 28:3

Nungungulu nya Tshivba Yatshavbo a na gu kategise, a gu dandrisa ni gu gu andrisa gasi u khale talo nya mahundzu!

Genesi 35:11

A di engedza gambe a mu embela, khuye: Eni kheni Nungungulu nya Tshivba Yatshavbo; uwe u na andra u velegelana, khavbo gwago gu na velegwa dhudhudhu nya mayigo ni vathu nya gutale ngudzu;

Genesi 43:14

Nungungulu nya Tshivba Yatshavbo a na mi gire mu mane wuhindzi ga mwama yoyo, gasi mu kodze gu wuya ni ndriyanu a tshadego, gumogo ni Bhejami. Gasi eni, gwa gu vbwetega gupwani, nyi dzegedwa sanana sangu, basi nyi na kheni ginani, nyi na dzegedwe.”

Genesi 48:3

A di ganela ga Josefa, khuye: Nungungulu nya Tshivba Yatshavbo a dzi wonegiside gwangu nari guwonegelani, tigoni ga Khanani, a nyi kategisa,

Genesi 49:25

Khu Tshivba ya Nungungulu wa babe wago, a na khalago muemeli wago; ni Nungungulu nya Tshivba Yatshavbo a na bani ari gikategiso gyago, khu sikategiso sa vbatshani ndzadzini; ni sikategiso sa guetani vbavbatshi nya mafu, khu sikategiso sa maveleni ni mahembeni!

Ekisodha 3:14

Nungungulu a di embela Mosi, khuye: “ENI KHENI WULE A GU ENI.” A engedza a mu embela, khuye: “U na embela sanana sa Israyeli, khuwe: ENI KHENI- a nyi rumede gwanu.”

Ekisodha 6:3

Nyi dzi wonegiside ga Abrahama, ga Isaki ni ga Jakobe, kha nga Nungungulu nya Tshivba Yatshavbo, aholu, khu lina langu nya Pfhumu Nungungulu kha nya tidwa gwadi.

Isaya 41:4

Khu mani a giridego ni gu thuma satshavbo sesi? Khu wule gukhugela guhegulani a giridego gukhuye vathu va manege mafuni, Kheni kamwe Pfhumu Nungungulu, nya guphele ni guhegisa.

Isaya 43:10

“Enu mu dzifakazi dzangu, a ngu ganela Pfhumu Nungungulu,” nyi gu hathide gasi u khala githumi gyangu; gasi u dziti, u khodwa ni gu pima gukhenu eni kheni kamwe, khu hwane gwangu mwalo mumbe Nungungulu a na manegago, khu mbeli gwangu, kha na manega mumbe.

Isaya 44:6

Pfhumu Nungungulu, Mufumeli wa va na Israyeli, ni Mudzegisi wawe, Nungungulu nya Tshivba Yatshavbo, a ngu ganela kharati, khuye: “Eni kheni nya guphele ni guhegisa, vbavbandze ga Eni, mwalo mumbe Nungungulu.

Isaya 48:12

Jakobe, tula ndzeve u nyi yingisa, ni uwe Israyeli, nyi gu ranidego; Eni kheni kamwe, kheni nya guhegule, gambe kheni nya guhegise.

Isaya 9:6

Kholu hi velegedwe gyanana, hi ningidwe gyanana nya gikhwathana; wufumu womo magatani gwaye; ni lina laye li na ranwa pwani: “Singalagadzi nya Guliwugise, Nungungulu nya Tshivba, Babe nya Gupindruge, Pfhumu nya Gurule.”

Mitengo 24:4

magana ya uye a yingisago mahungu ya Nungungulu, ya oyu a wonago Nungungulu nya Tshivba Yatshavbo, uye a dzi nogisago, aholu na ma tulegide maho yaye.

2 Vakorinto 6:18

Eni nyi na khala babe wanu, enu mu na khala sanana sangu nya madzaha ni dzimbiri.” Gu ganela Pfhumu nya Tshivba Yatshavbo.

Gutuledwa 1:11

na li gu, khilo: “Iso u si wonago, si love libhukuni, u li rumela ga livbandre na mavili mabandla ya Aziya a gu aya: Efeso, Esmirina, Pergamo Tiyatira, Sardhesi, Filadhelifiya ni Lawodhikeya.”

Gutuledwa 1:17

Gikhati nyi nga mu wona, nyi di thega migondroni gwaye kha nga muthu nya gufe. Aholu, uye a di nyi handzega libogo laye la nyamudye, khuye: “U nga thavi! Eni kheni Guphela ni Guhegisa.

Gutuledwa 1:4

Eni Johane nya gu lovela livbandre na mavili mabandla ya Aziya, kheni: Wuhigo ni gurula gu na khale ni enu khu ga wule a gu uye, a nga bani ari uye, a gu uye a natago, ni ga livbandre na mavili maphuvbo, ma gomogo mbeli nya gikhalo nya wufumu waye.

Gutuledwa 11:17

na ma gukhayo: “Ethu hi ngu gu bonga Pfhumu, Nungungulu nya Tshivba Yatshavbo, Uwe u guromo, Uwe u nga bani uromo, Uwe u vbwetago guta. Kholu u hakhide tshivba yago nya yikhongolo, gambe u phede gufuma!

Gutuledwa 15:3

Dzi di embelela ndzimo ya Mosi, githumi gya Nungungulu ni ndzimo ya Nvutana, khidzo: “Pfhumu Nungungulu, nya Tshivba Yatshavbo, sigiro sago sikhongolo, si ngu liwugisa! Dzindzila dzago dzi lulamide, dzi na ni lisine, uwe Pfhumu nya mayigo.

Gutuledwa 16:14

Aya khu maphuvbo nya mandriki ma girago siliwugiso, ma yago ga vafumeli vatshavbo va mafuni gasi gu va tshanganisa vata dwana nyimbi nya Litshigu Likhongolo la Nungungulu nya Tshivba Yatshavbo.

Gutuledwa 16:7

Nyi dipwa gambe lito khu giluveloni na li gu ganela, khilo: “Khu lisine, Pfhumu Nungungulu nya Tshivba Yatshavbo, gulamula gwago khwa lisine, gu lulamide.”

Gutuledwa 19:15

Khu kanani gwaye gu di duga litshari nya guvbire gasi gu paya khilo mayigo. Uye a na ma fumela khu ndronga nya dzisimbi; a na gamela maphisoni vbinyu nya likhulo la Nungungulu nya Tshivba Yatshavbo.

Gutuledwa 19:6

Nyi dipwa gambe nga lito nya likhongolo nya talo nya vathu, nga gudzuma nya talo nya mati, nga gudzuma nya libara, na va gukhavo: “Aleluya! Kholu Pfhumu, Nungungulu wathu nya Tshivba Yatshavbo a ngu fuma!

Gutuledwa 2:8

Lovela ngilozi ya libandla la Esmirina, khuwe: “Wule a gu Guphela ni Guhegisa; wule a ngafa a wuya a wuga, wari, khuye:

Gutuledwa 21:22

Dhoropani gwatshavbo kha nya wona Nyumba ya Nungungulu. Kholu uye Pfhumu Nungungulu nya Tshivba Yatshavbo, gumogo ni Nvutana, khuye abune Nyumba ya Nungungulu.

Gutuledwa 21:6

A di nyi embela gambe, khuye: “Satshavbo si giregide! Eni kheni Guphela ni Mahegiso (Alfa ni Omega). Oyu a gu ni lidora nyi na mu ninga a sela mahala mati nya gifefe nya guvbanye.

Gutuledwa 22:13

Eni kheni Alfa ni Omega! Oyu nya Guhegule ni uye nya Guhegise. Guphela ni Guhegisa.

Gutuledwa 4:8

Gimwegyo ni gimwegyo nya sirengo sesi gi na ni livbandre na limwedo mambapi nya gutale gwatshavbo khu maho, khu ndrani ni vbavbandze. Wutshigu ni mihani sa gu embelela nyamba garala, khiso: “U agide, U agide, U agide, Pfhumu Nungungulu nya Tshivba Yatshavbo, wule a nga bani ari uye, wule a gu uye, wule a na tago.”