Gutuledwa 1:7 - Bhibhiliya Nya Guage

⁷ Mu ngu mu wona, a guta khu mapfhini; vatshavbo va na mu wona, ambari vale va nga mu songago, mafumbu yatshavbo ya mafuni ma na dzi laya khu kotani gwaye. I tiyiso: Amen.

Gutuledwa 1:7 Iomraidhean Croise

Joba 33:26

U na lombelela ga Nungungulu, Uye a na gu hakha; u wona khovbe ya Nungungulu u kulungela khu gutsaka, Uye a na mu bweledzela khu gululama gwaye.

Dzindzimo 22:16

Nya gu randredwa khu tsawa nya sighevenga; kha nga dzimbwa, wu nyi vbadzulede mawogo ni mawundru.

Dzindzimo 68:1

Nungungulu a gu khuga; va gu phalalega valala vaye; avo va mu nyenyago, va gu thava va tutuma mbeli gwaye.

Dzindzimo 97:2

Randredwe khu mapfhi ni gidema, litshina nya wufumu Waye khu gululama ni lisine.

Isaya 19:1

Gitiviso khu litigo la Egipito: Wonani gukhenu, Pfhumu Nungungulu, a nguta na khilede vbatshani nya lipfhi nya mazambo, ata tigoni ga Egipito. Sifananiso nya vanungungulu va Egipito, si na ndrendremela mbeli gwaye, ni myonyo ya Vagipiti yi na ghavata ndrani gwawe.

Dhaniyeli 7:13

Umo nya siwoniso sangu nya wutshigu, nyi di wona na guta khu mapfhini ya ndzadzini, moyo nya gufanane ni mwamana wa muthu. Ata ga wule a nga bani ari lidhota khu gale, va mu hidzimisa vbafuvbi gwaye.

Nahume 1:3

Pfhumu Nungungulu a ngu hwela gu goroga, gambe khongolo khu Tshivba; kha na diga gu tsayisa gighohi. Ndzila yaye yomo omu nya gingulu numo nya gipupwane; mapfhi i kudzudzwane nya migondro yaye.

Zakariya 12:10

Aholu nyumbani ga Dhavhidhe ni ga vavbanyi vatshavbo va Jerusalerma nyi na thela Liphuvbo nya wuwadi nilo nya milombelo; va na khedza wule va mu payidego; va na mu lila gukhwatshi va gu lila gyanana gya gimwegyo basi, va garadzega khu uye, gukhwatshi va gu garadzega khu gyanana nya matiwula

Zakariya 12:11

Khu litshigu lolo, gu na pwala huwa nya yikhongolo Jerusalema, kha nga huwa ya Hadhadhi-Rimoni, kovani ga Megidho.

Mitengo 24:17

Eni nyi ngu mu wona, aholu khandri olu, nyi na mu khedza, aholu nasiri khu vbafuvbi; gu na duga nyeledzi khavbo ga Jakobe ni ndronga nya wufumu khavbo ga Israyeli. Yi na khungumula mihungo ya va na Mowabhi, yi mbembisa sanana satshavbo sa Seti.

Matewu 16:27

Kholu Mwamana wa Muthu a nata ni dzingilozi dza Nungungulu, na tade khu gidhumo gya Babe waye, ata ninga moyo ni moyo, tshatshazelo waye gukhedza khu mithumo yaye.

Matewu 16:28

Khu lisine nyi ngu mi embelani nya gukheni: Vomo hi gu navo avba va na gumba linga lufu, kala va gu wona Mwamana wa Muthu na guta ni mufumo waye.”

Matewu 24:30

Khavbo avbo, gu na wonega Ndzadzini giyeyedzo gya Mwamana wa Muthu, giyeyedzo gi na gu girago vathu vatshavbo nya mafu va lila khu gu wona Mwamana wa Muthu na guta vbakari nya lipfhi, na tade khu tshivba nya yikhongolo ni gidhumo.

Matewu 25:31

“Gikhati Mwamana wa Muthu a na gu tago na tade khu gidhumo gyaye, nari ni satshavbo sihathwa ni dzingilozi dzatshavbo, gumogo naye a nata khala vbagikhalotunu gwaye nya wufumu.

Matewu 26:64

Jesu a di mu hakha, khuye: “U ganede. Ambari ulo nyi ngu mi embelani: Tshigu mwedo mu na wona Mwamana wa Muthu na khade nyamudye ga Nungungulu nya tshivba tyatshavbo, na guta khu mapfhini ya Ndzadzini.”

Marko 13:26

Khavbo avbo, va na wona Mwamana wa Muthu na gu tshiga khu vbakari nya lipfhi na tade khu tshivba nya yikhongolo ni gidhumo.

Marko 14:62

Jesu a di khuye: “Kheni. Mu na wona Mwamana wa Muthu na khade nyamudye ga Nungungulu nya Tshivba Yatshavbo, na gu tshiga khu Ndzadzini vbakari nya mapfhi.”

Luka 21:27

Khavbo avbo, va na wona Mwamana wa Muthu na gu tshiga khu vbakari nya lipfhi, na tade khu tshivba nya yikhongolo ni gidhumo.

Johane 19:34

moyo nya musotshwa a di mu paya limbambo khu litshari, gu duga novba ni mati.

Johane 19:37

Ni yimbe Milowo yi gu, khiyo: Va na mu khedzisa wule va nga mu payago.

1 Vatesalonika 1:10

Olu, na mu gu lindrela guwuya ga Mwanaye, Jesu, khu Ndzadzini, oyu a mu wusidego khu ga vafudego, a na hi vbulugisa ga libango li na gutago.

1 Vatesalonika 4:17

Khu hwane, ethu hi vbanyago, hi na ya hakhwa gumogo navo mapfhini, na hi gu khinga Pfhumu ndrengelengeni. Khu guralo, hi na khala ni Pfhumu kala gupindruga.

Vahebheru 10:29

A gu bani ari guralo, ginani gi na gu dugelelago ga vale va nyenyago Mwamana wa Nungungulu, va gira gilo nya nyalidede, Novba nya gidzumeledzwano gya Nungungulu va handzidwego khuwo? Ginani gi na gu dugelelago ga vale va valago Liphuvbo nya Guage a gu gifefe nya wuhigo?

Vahebheru 6:6

Ambari ulo, va di diga gukhodwa. Khu guralo, kha gu kodzegi gu wuya va dzi laya nyaluphye, kholu va gu khokhothela gambe sivilini gwawe Mwamana wa Nungungulu, va mu poyila.

1 Johane 3:2

Sigodwa sangu, ethu olu hi sanana sa Nungungulu, aholu, hi si gu dziti gukhethu hi na bani hiri ginani. Ethu ha guti esi nya gukhethu, gikhati Kristo a na dzi wonegisago, hi na fanana naye, kholu hi na mu wona wurumba waye, nga edzi a guromo khidzo.

Judha 1:14

Khu kotani yawe, Enoki nuye, gitugulwana nya livbandre na sivili ga Adhamu, profetide khu kotani yawe, khuye: “Wonani, Pfhumu a nguta gumogo ni mabutho nya mazanazana nya sihathwa saye, gasi,

Gutuledwa 22:20

Oyu a gu fakazi nya silo sesi wari, khuye: “Ina, nyi nguta nugunugu!” Amen. Delu Pfhumu Jesu!

Gutuledwa 22:4

Va na wona khovbe Yaye ni lina laye li na lowa siwomboni gwawe.

Valamuli 5:31

Pfhumu Nungungulu, valala vago va na fise guralo, aholu, avo va gu golago va na khale nga lidambo, avbo li dugago khu tshivba yaye yatshavbo.”