Gutuledwa 1:12 - Bhibhiliya Nya Guage

¹² Eni nyi di thendregedza gasi gu wona khu mani a ganelago ni eni. Na nyi thendregedzide nyi di wona livbandre na dzimbili dzikandriya nya ndralama.

Gutuledwa 1:12 Iomraidhean Croise

Ekisodha 25:37

U na gi girela gambe livbandre na dzimbili dzikandriya dzi na tshomegwago vbatshani nya gidzigaredzo, dzi wenengedza mbeli gwaye.

Ekisodha 37:23

A di gira dzikandriya dzakone nya livbandre na dzimbili, ni sitshimo sakone ni simbiyana nya guthele umo nguma, satshavbo khu ndralama nya guhutwe.

Mikeya 6:9

Lito la Pfhumu Nungungulu li ngu huwelela ga lidhoropa; uye a gengedego a ngu thava lina laye. Upwani lipitso ni uye a li rumedego.

Zakariya 4:2

Yi di nyi wudzisa, khiyo: “Ginani u gi wonago?” Eni nyi di hakha, kheni: “Nya gu wona gidzigaredzo nya dzikandriya nya ndralama, khu vbatshani gakone gi na ni gyombo nya guthele umo mafura. Gidzigaredzo gi na ni livbandre na dzimbili dzikandriya ni livbandre na mavili matirisida nya dzikandriya.

Gutuledwa 1:13

Vbakari nya livbandre na dzimbili dzikandriya, nyi di wona moyo nya gufanane ni Mwamana wa Muthu, na ambade ngandzu nya gulaphe, na hungide libhandri nya ndralama vbakhanatunu.

Gutuledwa 1:19

Khu kharato, lova iso u nga si wona: Iso si guromo olu, niso si na gu giregago hwane nya esi.

Gutuledwa 1:20

Sihalo nya livbandre na dzimbili dzinyeledzi u nga dzi wonago na nyi pharide khu nyamudye, nuwo nya livbandre na dzimbili dzikandriya nya ndralama, tshamuselo wakone khoyu: Livbandre na dzimbili dzinyeledzi dza gu tshamusela dzingilozi dza Nungungulu nya livbandre na mavili mabandla. Gasi, livbandre na dzimbili dzikandriya dza gu tshamusela livbandre na mavili mabandla.

Gutuledwa 2:1

Lovela ngilozi nya libandla la Efeso, khuwe: “Wule a pharidego livbandre na dzimbili dzinyeledzi khu nyamudye; wule a vbindrago khu vbakari nya livbandre na dzimbili dzikandriya nya ndralama, wari, khuye:

Gutuledwa 4:1

Hwane nya silo sesi, nyi di tula maho, nyi wona lidimba na li tudwe Ndzadzini: Lito nya guphele nyi nga lipwago na li ganela gwangu, kha nga pundru, li di, khilo: “Lita uta eno, gasi nyi gu yeyedze iso si na giregago hwane nya esi:”