Gutuledwa 1:11 - Bhibhiliya Nya Guage

¹¹ na li gu, khilo: “Iso u si wonago, si love libhukuni, u li rumela ga livbandre na mavili mabandla ya Aziya a gu aya: Efeso, Esmirina, Pergamo Tiyatira, Sardhesi, Filadhelifiya ni Lawodhikeya.”

Gutuledwa 1:11 Iomraidhean Croise

Isaya 30:8

Khu guralo, olu dzega lipulango u lova mahungu yaya na va gu gu wona, ma love gambe libhukuni nya gukari; gasi ma kodza gu khala wufakazi kala gupindruga.

Jeremiya 30:2

Pfhumu Nungungulu wa Israyeli, a ngu ganela kharati, khuye: Lova libhukuni magana yatshavbo yaya nyi gu embedego.

Habhakuka 2:2

Khavbo avbo, Pfhumu Nungungulu a di nyi phindrula, khuye: Lova giwoniso gegi vbasiwindritunu khu malovelo nya guwonege gwadi, gasi gi kodza gu hevbudwa khu vatshavbo ambari ni wule a vbindrago khu gututuma a kodze nuye gu gi hevbula.

Mithumo 16:14

Nyamayi moyo nya gupwani khu Lidhiya, murengisi nya myendra nya siwunguwungu, wa dhoropani ga Tiyatira, a nga bani ari ni githawo ga Nungungulu, a di hi yingisa. Pfhumu a di tula monyo waye afela gu hakha magana ya Pawulo.

Mithumo 18:24

A di vboha Efeso mwama moyo nya Mujudha nya gupwani khu Apolo, givelegwa gya Alexandriya, a diri mwama a nga bani a etide khu gu hevbula Milowo.

Mithumo 20:17

Pawulo, khu Mileto a di rumela mwango guya ranisa madhota nya libandla la Efeso, va ta wonana naye.

1 Vakorinto 15:32

Nari pwani litunga nya likhongolo ngudzu nyi nga li dwanago dhoropani ga Efeso nyi di dwanela silo nya vathu basi, ginani nyi nga hadza gu wuyedwa khigyo? A gu bani ari lisine gupwani ava va fudego kha va wugi, hi na gira nga esi si nga ganedwago, pwani: “Hi na hodze hi sela kholu mindru hi nafa.”

1 Vakorinto 16:8

Aholu nya gu alakanya gu khala dhoropani ga Efeso kala khu buzo nya Pentekosta,

Vaefeso 1:1

Eni Pawulo, mupostoli wa Jesu Kristo khu gugola gwa Nungungulu, nyi ngu lovela sihathwa ni vakhodwa va Kristo Jesu va vbanyago dhoropani ga Efeso, kheni:

Dhewuteronome 31:19

Olu, nyi ngu mi lovelani ndzimo yeyi; yi hevbudzeni ga va na Israyeli, yi vegeni kanani gwawe, gasi ndzimo yeyi yi khale kha nga fakazi yangu vbakari ga va na Israyeli.

Vakolosi 2:1

Kholu nya gu vbweta muti litunga nya likhongolo nyi li dwanago khu kotani yanu, khu kotani ya va Lawodhikeya, ni vambe va si nyitigo khovbe ni khovbe.

1 Thimoti 1:3

Kha nga idzo nyi nga gu leletisa khidzo gikhati nyi nga bani nyiri liendroni nya guhongole tigoni ga Makedhoniya, nyi ngu gu lomba u simame dhoropani ga Efeso gasi u kawuke vathu nya gukari, va guromo iyoyo, va dige gu hevbudza simbe sihevbudzo nya guhambane ni esi hi hevbudzago;

Gutuledwa 1:17

Gikhati nyi nga mu wona, nyi di thega migondroni gwaye kha nga muthu nya gufe. Aholu, uye a di nyi handzega libogo laye la nyamudye, khuye: “U nga thavi! Eni kheni Guphela ni Guhegisa.

Gutuledwa 1:19

Khu kharato, lova iso u nga si wona: Iso si guromo olu, niso si na gu giregago hwane nya esi.

Gutuledwa 1:2

Uye a gu fakazi nya magana ya Nungungulu, ayo ma ngata tiyiswago khu Jesu Kristo, khu satshavbo esi a nga si wonago.

Gutuledwa 1:20

Sihalo nya livbandre na dzimbili dzinyeledzi u nga dzi wonago na nyi pharide khu nyamudye, nuwo nya livbandre na dzimbili dzikandriya nya ndralama, tshamuselo wakone khoyu: Livbandre na dzimbili dzinyeledzi dza gu tshamusela dzingilozi dza Nungungulu nya livbandre na mavili mabandla. Gasi, livbandre na dzimbili dzikandriya dza gu tshamusela livbandre na mavili mabandla.

Gutuledwa 1:4

Eni Johane nya gu lovela livbandre na mavili mabandla ya Aziya, kheni: Wuhigo ni gurula gu na khale ni enu khu ga wule a gu uye, a nga bani ari uye, a gu uye a natago, ni ga livbandre na mavili maphuvbo, ma gomogo mbeli nya gikhalo nya wufumu waye.

Gutuledwa 1:8

Pfhumu Nungungulu wari, khuye: “Kheni Alfa ni Omega! Wule a gu Uye, a nga bani ari Uye, wule a na tago; a gu uye Nungungulu nya Tshivba Yatshavbo.”

Gutuledwa 10:4

Ga gikhati gile, nyi di vbweta gu lova, aholu nyi dipwa lito nya gute khu ndzadzini li nyi embela, khilo: “Vegedza sihaloni iso si nga ganedwago khu livbandre na mavili mabara. U nga lovi gilo.”

Gutuledwa 14:13

Nyi dipwa lito ndzadzini li nyi embela, khilo: “Lova, khuwe: Va kategide vale, gukhugela muhuno, va na felago mandzani ga Pfhumu.” Liphuvbo li di, khilo: “Ina, khidzo furi! Gugaralani gwawe va na mana guhefemula, kholu mithumo yawe yi ngu va landrela.”

Gutuledwa 19:9

Khavbo avbo, ngilozi yi di nyi embela, khigyo: “Lova, khuwe: Va kategide vale va ranidwego guta hodza buzo nya mutshadho wa Nvutana.” Yi di engedza yi nyi embela, khiyo: “Aya khu magana nya lisine ya Nungungulu.”

Gutuledwa 2:1

Lovela ngilozi nya libandla la Efeso, khuwe: “Wule a pharidego livbandre na dzimbili dzinyeledzi khu nyamudye; wule a vbindrago khu vbakari nya livbandre na dzimbili dzikandriya nya ndralama, wari, khuye:

Gutuledwa 2:12

Lovela ngilozi ya libandla la Pergamo, khuwe: “Wule a lodzidego litshari li vbira eno ni eno, wari, khuye:

Gutuledwa 2:18

Lovela ngilozi nya libandla la Tiyatira, khuwe: “Mwamana wa Nungungulu, oyu a gu ni maho nya gungangamele nga nilo, ni migondro yaye nya gukhwatshi sugu nya gukhedzige, wari, khuye:

Gutuledwa 2:24

“Gasi ga enu ni vambe vathu va Tiyatira vale va si landreligo milayo yeyi, enu mu si gutigo ‘Gueta ga Sathane’ (kha nga edzi gu ganedwago khidzo) kha nyi na mi lemedza khu mimbe mirwalo.

Gutuledwa 2:8

Lovela ngilozi ya libandla la Esmirina, khuwe: “Wule a gu Guphela ni Guhegisa; wule a ngafa a wuya a wuga, wari, khuye:

Gutuledwa 21:5

Wule a khadego vbagikhalotunu nya wufumu a di tivisa, khuye: “Eni nyi ngu gira siphya silo satshavbo.” A engedza gambe, khuye: “Lova kholu magana yaya ma tumbegide, gambe khya lisine.”

Gutuledwa 22:10

Yi di nyi embela gambe, khiyo: “U nga lemi magana nya wuprofeti nya libhuku leli, khaguva gikhati gyomo vbafuvbi ni gu vboha.

Gutuledwa 22:16

“Eni Jesu, nyi rumede ngilozi yangu umo nya mabandla, gasi guta mi fakazela silo sesi. Eni nyi Khamba ni Mbewu nya lihundzu la Dhavhidhe, nyi Thandra nya Wuronga nya guwenengedze ngudzu.”

Gutuledwa 3:1

Lovela ngilozi ya libandla la Sardhesi, khuwe: “Wule a gu ni livbandre na mavili maphuvbo ya Nungungulu ni livbandre na dzimbili dzinyeledzi, wari, khuye: Nyi ngu yiti mithumo yago, u na ni ndruma nya gupwani u ngu vbanya. Gasi u fude.

Gutuledwa 3:14

Lovela ngilozi ya libandla la Lawodhikeya, khuwe: “Wule a gu uye, Amen, a gu fakazi nya guthembege nya lisine a gu uye guphela nya sivangwa sa Nungungulu, wari, khuye:

Gutuledwa 3:4

Ambari ulo, tigoni ga Sardhesi u na ni vathu va ngamba kunedzisa dzingandzu dzawe. Avo nyi na gimbila navo na va ambade dzingandzu nya guage, kholu va na ni fanelo.

Gutuledwa 3:7

Lovela ngilozi ya libandla la Filadhelifiya, khuwe: “Wule a agidego, a gu uye nya lisine, a gu ni pfhungulo ya Dhavhidhe, wule nya gu a gu tula mwalo a segago, a gu sega mwalo a tulago, wari, khuye: