Gizimba 8:6 - Bhibhiliya Nya Guage

⁶ Mwama—Nyi bethe nga gitambo monyoni gwago, u nyi betha gambe bogoni gwago, kholu lihaladzo li na ni tshivba kha nga lufu, ni gigaha ni wufu kha nga lithowo, gu vbisa ga ilo gu fanana ni guvbisa nya malavbelavbe nya nilo.

Gizimba 8:6 Iomraidhean Croise

1 Dzikoronika 11:18

Khavbo avbo, dzindrena dza dzitharu dzi di khuga dzi tsemakanya khu vbakari nya mazumbo ya Vafilisitiya, dziya rega mati namboni wa nyangwani ga Bhetlehema, dzi ma resa ga Dhavhidhe; aholu Dhavhidhe kha dzumela gu sela, uye a di ma vbaladza ma khala mhamba nya gulombelele khiyo ga Pfhumu Nungungulu.

Dzindzimo 120:4

Siholoma nya gulodzwe sa ndrena si vbisidwego niloni nya magala nya renge.

Dzindzimo 63:1

Nungungulu, uwe u Nungungulu wangu; nyi ngu gu vbweta khu tshivba. Hefemulo wangu wu na ni lidora nya uwe, eni wurumba wangu nyi ngu gu vbweta ngudzu; kha nga mafu nya gihala ma gu na ni lidora nya mati.

Dzindzimo 84:2

Hefemulo wangu wu ngu dogorela ngudzu gu ya bela umo, nyi ngu suva gu ya khala makhuvini nya Nyumba ya Pfhumu Nungungulu; nyi ngu emba khu gutsaka khu monyo wangu watshavbo ga Nungungulu a vbanyago!

Ekisodha 28:21

gu na bani guri likhumi na sivili siwindri gukhedza khu malina ya sanana sa Israyeli. Avbo nya giwindri ni giwindri gu na lowa lina limwedo nya yale nya likhumi na mavili mahundzu ya na Israyeli. Malina ma na khu gu khandrwa kha nga gifungo.

Mavingu 25:22

Kholu wa gu gira kharato, uwe u na wungedzela magala nya gudzure hungoni gwaye, Pfhumu Nungungulu a na gu ninga tshatshazelo.

Mavingu 6:34

Kholu mwama a mu bhayedego mwangadzi waye a gu vila khu likhulo, kha na mu tsetselela litshigu nya gulamudwe.

Gizimba 5:8

Nyi ngu mi lombani enu sagadzyana sa Jerusalema, mwa gu manani gigodwa gyangu mu na gi embela ginani? Gi embeleni khenu nyi ngu vbisega khu lihaladzo.

Isaya 49:16

Wona nya gukhuwe nyi gu lovide sandzani nya mandza yangu; maho yangu gikhati gyatshavbo, ma gu khedza mabhiyo yago.

Jeremiya 22:24

Kha nga olu nyi vbanyago, a ngu ganela Pfhumu Nungungulu khuye, uwe Jekoniya, mwamana wa Jowakimi, mufumeli wa Judha ambari nari gupwani u phera ya mandzani gwangu ga nyamudye, nyi di hadza gu gu sigula.

Agewu 2:23

Khu litshigu lolo, a ngu ganela Pfhumu Nungungulu nya Tshivba Yatshavbo. Nyi na gu dzega uwe githumi gyangu Zorobhabheli, mwamana wa Salatiyeli, a ngu ganela Pfhumu Nungungulu. Nyi na gu gira kha nga phera nya gifungo; kholu nyi gu hathide, a ngu ganela Pfhumu Nungungulu nya Tshivba Yatshavbo.

Zakariya 3:9

Kholu wonani gukhenu giwindri nyi gi vegidego mbeli ga Josuwa; vbatshani nya giwindri gegi gya gimwegyo basi, momo livbandre na mavili maho; wona nya gukhuwe nyi na betha avbo milowo, gambe nyi na dusa gighoho nya litigo leli khu litshigu limwedo; a ngu ganela Pfhumu Nungungulu nya Tshivba Yatshavbo.

Mitengo 25:11

“Fineya mwamana wa Eleyazari, mwamana wa muphasi nya mhamba Aroni, ndreyiside hwindzo likhulo langu ga va na Israyeli, kholu a simamide gu yeyedza githawo avbo gwangu vbakari gwawe; khu guralo, kha nya mbembisa va na Israyeli khu likhulo langu.

Mitengo 5:14

Aholu mwama a gu beledwa khu liphuvbo nya wufu, a girela wufu mwangadzi waye a ghohidego, ni gu liphuvbo nya wufu li mu belela a girela wufu mwangadzi waye ambari na sa ghoha gilo,

Mithumo 20:24

Aholu kha nyi khathali khu womi wangu. Egi gi vbwetegago khu gu eni nyi vbohisa mahegiso liendro langu, nyifela gu vbedzisa ndrima nya thumo nyi pharisidwego khu Pfhumu yathu Jesu Kristo, nya gutivise Mahungu nya Yadi nya lihaladzo la Nungungulu.

Mithumo 21:13

Aholu uye a di hi hakha, khuye: “Khu ginani mu lilago kharato mu nyi thela wuvi? Eni nyi dzi dongisede, nasiri guya hungeledwa basi, ambari guya songwa Jerusalema khu kotani nya lina la Pfhumu Jesu.”

Varoma 12:20

A engedza gambe, khuye: “Nala wago a gupwa ndzala mu ninge guhodza, a gupwa lidora mu ninge mati a sele. Wa gu gira kharato u na wungedzela magala nya nilo hungoni gwaye.”

2 Vakorinto 11:2

Gu khathala gu ngu nyi girisa wufu, linani ga Nungungulu. Kholu enu mu khade nga sagadzyana nya makendzi, nyi mi ningedego ga mwama moyo basi, a gu Kristo.

Dhewuteronome 32:21

Khu sifaniso sawe va nyi giriside wufu khu egi gi si gu Nungungulu, va nyi wusela likhulo khu sikono nya vanungungulu vawe nya malipha. Eni neni nyi na va wusela wufu khu kotani nya silo si si phasigo gilo, khu gu hatha mayigo ma sirigo mayigo, nyi na va gorosa khu gu hatha litigo nya sipumbu, nyambana mapimo.

2 Thimoti 2:19

Aholu tiyiso wu nga emiswa khu Nungungulu wu tiyide, wari khuwo: “Pfhumu a ngu va ti avo va gu vaye.” Gu lovidwe gambe pwani: “Vatshavbo vale va dhumisago lina la Pfhumu, kha va beli guvivbani.”

Gutuledwa 12:11

Vandriyathu va mu pade khu tshivba nya novba wa Nvutana ni wufakazi wawe nya gutimisele; kholu kha va felela guvbanya gwawe, kala va gu dzumela gufa.