Gizimba 7:7 - Bhibhiliya Nya Guage

⁷ Giemo gyago, gya gu fanana ni ngindru, ni mavele yago ma gu fanana ni sitsatsa nya dzikhindru.

Gizimba 7:7 Iomraidhean Croise

Dzindzimo 92:12

Va nya gululama va na buga kha nga ngindru, va dandra nga misimbo nya sedhari ya Libhanoni.

Gizimba 1:13

Gigodwa gyangu gya gu fanana ni kwama nya mafura, wu khalago vbamaveletunu gwangu.

Gizimba 1:15

Mwama —Gigodwa gyangu, idzo u mburidego khidzo! U mburide ngudzu! Maho yago ma gu fanana ni lituva.

Gizimba 4:5

Mavele yago, ma gu fanana ni ya siyisyana sivili nya wumburi si velegidwego khu mavbaha si havago vbakari nya senge.

Gizimba 7:3

Mavele yago ya mavili ma gufanane ni siyisyana sivili nya mavbaha.

Gizimba 7:6

Mwama —U mburide u bwelo khavbo u tsakisa uwe gigodwa gyangu nya gu nyi nengedzise.

Gizimba 7:8

Nyi di ganela, kheni: “Nyi na lita ngindruni, nyi ya phara matamo yaye.” Mavele yago ma gu fanana ni sitsatsa nya dziuvha, ni gunungela nya guhefemule gwago, gu fanana ni mahema nya likandzu

Gizimba 8:8

Vandruye—Hi na ni ndriyathu a ngarigu gyanana, a si gu dugigo mavele. Gasi hi na khethu ginani khuye, litshigu va na gu lombago gu a dzegwa?

Isaya 66:10

Tsakani enu mwatshavbo mu golago Jerusalema, mu nengela gumogo naye, enu mwatshavbo mu lidego khuye.

Jeremiya 10:5

Sifananiso sawe sa gu fanana ni githombe gi vbayegwago thembweni ga mulimi gi thusa sinyoni, aholu gi si ganeligo; si lindrela muthu nya gu si khuse, kholu kha si kodzi gu gimbila; mu nga thusedzedwi khiso, kholu kha si na mi tshongisa; ambari gu mana tshivba nya gu mi gireleni iso nya sadi.

Vaefeso 3:17

Nyi ngu lomba gambe ga Nungungulu gukheni Kristo a na vbanye myonyoni gwanu khu gukhodwa, mu tiya gwadi, mu tsitsa mikhamba nya gutiye lihaladzoni.

Vaefeso 4:13

kala hatshavbothu hi gu tshanganiswa khu gukhodwa ni guti Mwamana wa Nungungulu. Hi fanede gu dandra hi khala vathu vakhongolo, kala hi gu manela tanga ni giemo gya Kristo.