Gizimba 7:13 - Bhibhiliya Nya Guage

¹³ Mizulameti yi ngu dusa mahema nya gunungele. Dzinyangwani gwathu gu ni mafumbu nya mangi nya mihandro nya yiphya ni ya gale, nyi dongisedego uwe gigodwa gyangu.

Gizimba 7:13 Iomraidhean Croise

Genesi 30:14

Tshigu mwedo, khu nango nya gupile tirigu, Rubheni a di duga a hongola thembweni, aya mana mihandro nya lihaladzo. A di hava a dzega aya ningela mayi waye Liya. Rakeli a di embela Liya, khuye: “Nyi girele wuhindzi u nyi bagela mihandro nya lihaladzo ya mwanago.”

Gizimba 2:3

Mwangadzi —Gufanana ni likandzu vbakari nya misimbo ya khabini, khidzo kharato a fananago khidzo gigodwa gyangu vbakari nya madzaha. Nyi ngu wu gola ngudzu mutsa waye, nyi na khala vbavbatshi gwaye, nyipwa gulombela nya handro waye.

Gizimba 4:13

Khavbo gwago gwa gu buga misimbo nya migure, yi dusago mihandro nya gutshambe, ni mahema nya hena ni naridhu,

Gizimba 4:16

Mwangadzi —Wuga uwe phuvbo u tago khu Wuronga! Delu, nuwe phuvbo u tago khu Marandzi! Furugedzani thembweni gwangu, mu phalalegisa mahema yaye. Ah! Naripwani gigodwa gyangu gi nguta thembweni gwaye, ata hodza mihandro yaye nya gutshambe.

Gizimba 6:11

Mwangadzi —Nyi relede thembweni nya dzindzawa, guya wona gunyuga nya dzimbewu dza kovani ni gu wona gukheni lithembwe li ngu dandra gani ni maromana gu mwendro ma ngu thela wenge.

Gizimba 8:1

Nari gupwani u diri ndriyangu, na hi mamide libele limwedo, nya gu tshangana nago ndzilani, nyi di hadza gu gu bhejari nyamba sodwa khu muthu.

Isaya 23:18

Aholu bhindzu nya wurengisi ni wubhayi waye, yi na phasedwa ga Pfhumu Nungungulu; gima kha yi na hengeledzedwa musisangalani ambari gu vegwa kha nga thomba. Yi na thumela gu hodzisa ni gu ambagisa nya dzadi vale va vbanyago mbeli ga Pfhumu Nungungulu.

Matewu 13:52

Khavbo avbo, a di va embela, khuye: “Khu kharato, muhevbudzi watshavbo nya Nayo a hevbudego iso si lumbago Mufumo wa Ndzadzini a ngu fanana ni mune ndranga a dusago khumo nya thomba yaye silo nya siphya niso sa gale.”

Matewu 25:40

Mufumeli a na va hakha, khuye: ‘Khu lisine nyi ngu mi embelani, kheni: Dzinyondro dzatshavbo mu nga bani mu gira kharato ga moyo nya vandriyangu nya gusolege, kheni mu nga bani mu nyi girela.’

Johane 15:8

Babe wangu a na dhumiswa mwa gu ninga mihandro nya yingi; khu kharato, mu na khala vapizane vangu.

1 Vakorinto 16:2

Khu litshigu nya guhegule nya sumana, muthu ni muthu a na kase gipandre nya silo a thumidego ndrani nya sumana a si vega khu phuvbo ndrangani gwaye, gasi mu siti gira mihengo khu gu bani nyi vbohide.

1 Vakorinto 2:9

Aholu, kha nga yi ganelago Milowo nya Guage, khiyo: “Pfhumu dongisede ga vale va mu golago silo nya gu gima mwalo a si wonidego, mwendro gu sipwa, gambe mwalo a nga si pimisa.” Khiso esi Nungungulu a si dongisedego ga avo va mu golago.

Vaefeso 5:9

Guwonegela khugo gu vangago mihandro nya wuwadi watshavbo, ni gululama, ni lisine.

Vafilipi 1:11

na mu tade khu mithumo nya gululame yi girwago gwanu khu Jesu Kristo, gasi a rungudzwe ni gu dhumiswa Nungungulu.

Vakolosi 3:17

Silo satshavbo mu na ganelago mwendro gu si thuma girani khu lina la Pfhumu yathu Jesu Kristo, mu bonga Nungungulu Babe khu uye.

1 Pedro 4:11

Oyu a tivisago, a na tivise Mahungu ya Nungungulu. Oyu a thumago, a na thume khu tshivba a ningwago khu Nungungulu. Girani kharati gasi mithumoni yanu yatshavbo a rungudzwe Nungungulu khu ga Jesu Kristo, a gu na ni wudhumo ni tshivba kala gupindruga! Amen.