Gizimba 5:2 - Bhibhiliya Nya Guage

² Nyamayana —Eni nyi di gu lala, aholu monyo wangu wu di wona. Nyi dipwa gukhokhota ga lito la gigodwa gyangu, khuye: Nyi tulele lidimba, ndriyangu, gigodwa gyangu, gituvana gyangu, u vbeledego guaga, kholu hungo wangu wu tade khu thondrwane, ni ndzudzu wangu wu naganisidwe khu madododo nya wutshigu

Gizimba 5:2 Iomraidhean Croise

Genesi 29:20

Jakobe khu gufela Rakeli, thumide livbandre na mivili myaga; aholu uye a di yi wona kha nga matshigu madugwana; kholu a di gu haladza ngudzu Rakeli.

Dzindzimo 119:1

Va kategide vale va gimbilago khu ndzila nya gululame, avo va landrisago milayo ya Pfhumu Nungungulu.

Dzindzimo 81:10

Eni kheni Pfhumu Nungungulu wago, nyi nga gu dusago khu tigoni ga Egipito; tulani gwadi magana, nyi na mi hodzisa.

Mavingu 23:26

Nyivbe monyo wago, mwanangu, maho yago ma na landrise dzindzila nyi gu yeyedzago.

Gizimba 1:16

Mwangadzi —Idzo u gu mburi khidzo gigodwa gyangu! U lidzaha nya gunengedzise! Lidahu lathu, khya matamo nya gunyuge,

Gizimba 2:10

Gigodwa gyangu gi di nyi embela, khigyo: “Khuga u eme, pari yangu, mburi yangu, hongole.

Gizimba 2:14

Uwe lituva langu u sihalago dziphagoni nya siwindri, ni gukhwekelani nya gusihale; nyi yeyedze khovbe yago, nyi napwe lito lago, kholu lito lago li ngu tshamba, ni khovbe yago yi mburide.”

Gizimba 2:8

Mwangadzi —Ilolo lito la gigodwa gyangu, khuye wule! A nguta, na gu tsemakanya sigomo gu tutuma, a ndragandraga sigomwana.

Gizimba 3:1

Mwangadzi —Wutshigu watshavbo na nyi lade dawuni gwangu, nyi di vbweta wule a godwago khu monyo wangu, nyi mu vbwetide, aholu kha nya mu mana.

Gizimba 4:7

Gigodwa gyangu, u mburide ngudzu, u mwalo givbango gi gu ni mbanga.

Gizimba 4:9

U kotode monyo wangu, ndriyangu, khundzwa yangu, khu gu nyi khedza gwago basi, u kotode monyo wangu, khu githimbwa gimwegyo nya karara wago.

Gizimba 5:11

Hungo waye wa gu fanana ni ndralama yi hutidwego, ndzudzu waye khwa matshimbo, wu sivbade nga mitenga nya mahigonganye.

Gizimba 5:6

Nyi di tulela gigodwa gyangu, aholu uye a di bani na khugide a hongola; hefemulo wangu wu di nyunguluga gikhati nyi nga mupwa na gu ganela, nyi di mu vbweta aholu kha nya mu mana; nyi mu rana uye a si nyi hakhi gilo.

Gizimba 6:9

aholu uye basi gituvana gyangu, nyamayi nya mapimo a vbeledego! Khuye basi nya gigodwa ndrani ga mayi waye, a gu wonwa khu dzimbiri dzikwawe khavo kategide, dzipfhumugadzi ni sibhayi va gu mu rungudza.

Gizimba 7:9

besu ya kanani gwago ya gu lombela gufanana ni vbinyu yi theledwago gigodwa gyangu yi goga khu vbakari nya gihofu gyaye ni magwaha yaye.

Gizimba 8:7

Ma mwalo mati nya gutale ma dzi kodzago gu tshima lihaladzo leli, ambari milondrwa nya guete, gu li dzamisa. Ambari nari pwani muthu a ngu ningela thomba yatshavbo ya ndrangani gwaye gasi gu renga lihaladzo, guhegisani a di vbweta gu nyenywa.

Isaya 50:6

Nyi di ningedzela hwambo wangu ga vale va nyi vetago, nyi ningedzela khovbe yangu ga vale va nga bani va nyi kulela giledzu. Kha nya siha khovbe yangu ga vale va nga bani va gu nyi vala ni gu nyi hetshela.

Isaya 52:14

Kha nga idzo va nga samala khidzo nya vangi mbeli gwaye, kholu khovbe yaye yi di ghohekide guvbindra dzimbe dzikhovbe dza vathu, ni giemo gyaye guvbindra simbe siemo sa vambe vathu.

Dhaniyeli 8:18

A di ganela ni eni, na nyi titivade, khovbe yangu na yi pfugunyede mafuni. Khavbo avbo, uye a di nyi kuha a nyi khusa nyi ema.

Zakariya 4:1

Ngilozi yi nga bani yi ganela ni eni, yi dita gambe yi ta nyi wusa gukhwatshi khu muthu a wuswago ligovbeni gwaye.

Matewu 7:8

Kholu muthu watshavbo a lombago, a ngu ningwa; uye a vbwetago a ngu si mana, ni uye a khokhothago, a ngu tuledwa.

Matewu 8:17

Gasi gu tadzisega, kharati, iso si nga ganedwago khu muprofeti Isaya, nya gukhuye: “Uye dzegide madwali yathu, a gu rwala wuvi wathu.”

Marko 1:35

Ni mambagugya, a di khuga a gu hongola giwulani, gasi guya gira nombelo.

Luka 22:44

[Na gu tshaniseka ngudzu, a di simama gu lombelela, khu tshivba, na gu ruta lithonga nya nga madona nya makhongolo nya novba, ma gu thegela mafuni.]

Luka 6:12

Khu matshigu yale, Jesu a di gwela mugigomoni, gasi guya gira nombelo. A di pilekelana wutshigu watshavbo na gu lombelela ga Nungungulu.

Luka 9:32

Pedro ni vangana vaye va di wongomedwa khu ligovbe. Aholu, na va khendzugide, va di wona gungangamela ga Jesu ni madhota yale ya mavili ma nga bani mari naye.

Johane 10:4

Na dzi duside dzatshavbo, a gu thanga mbeli, gasi idzo dzi landra khu hwane, kholu dzi nguti lito laye.

Vagalatiya 2:20

Khu kharato, olu khandri eni gambe nyi vbanyago, khu Kristo a vbanyago avbo gwangu. Olu, khu guvbanya nyi gu nago milini gwangu, nya gu vbanya khu gukhodwa ga Mwamana wa Nungungulu a nyi haladzidego kala gu ningela guvbanya gwaye khu kota yangu.

Vaefeso 5:14

kholu silo satshavbo sa gu khala guwonegelani, sa gu wenengedzwa. Khidzo gu ganedwago pwani: “Khendzuga uwe u ladego, wuga khu ga vafudego, Kristo a na gu wenengedza.”

Gutuledwa 14:4

Ava khu vale va ngamba dzi nyenyezisa khu vanyamayi, vale va nga khala na va dzi vegiside; khavo va landrelago Nvutana malangani yatshavbo. Va di dzegiswa vbakari nya vathu nga matiwula ga Nungungulu ni ga Nvutana.

Gutuledwa 3:20

Nyi womo vbalidimbatunu nyi khokhotha. Uye a na pwago lito langu a nyi tulela, nyi na bela nyumbani gwaye nyi hodza naye, uye nuye a hodza ni eni.

Gutuledwa 3:4

Ambari ulo, tigoni ga Sardhesi u na ni vathu va ngamba kunedzisa dzingandzu dzawe. Avo nyi na gimbila navo na va ambade dzingandzu nya guage, kholu va na ni fanelo.