Gizimba 5:16 - Bhibhiliya Nya Guage

¹⁶ Khanani gwaye gwa gulombela ngudzu; giemo gyaye gyatshavbo khya gu golega. Khidzo a khadego khidzo gigodwa gyangu eno mwama wangu, enu va nyamahegyanenu va Jerusalema.

Gizimba 5:16 Iomraidhean Croise

2 Samuweli 1:23

Sawule ni Jonatane va di gu godwa ni gu haladzwa, guvbanyani ni gufani, gima kha va hambana! Va di gu vbuvba gu vbindra maghama, ni tshivba gu vbindra dzinghala.

Dzindzimo 119:103

Idzo ma tshambago khidzo mahungu yago kanani gwangu! Ma gu lombela ngudzu guvbindra wulombe.

Dzindzimo 148:13

Mwatshavbo dhumisani lina la Pfhumu Nungungulu, kholu lina laye li khusegide guvbindra malina yatshavbo; wudhumo waye wu khusegide vbatshani nya ndzadzi ni mafu.

Dzindzimo 19:10

Gu ngu tsakisa ngudzu guvbindra ndralama nya gutale, ni siwindri nya lisima ngudzu; magana yaye ma ngu lombela ngudzu guvbindra wulombe.

Dzindzimo 45:2

Uwe khuwe nya gumbure ngudzu vbakari nya sanana nya vathu; wuhigo wu ngu duga khu kanani gwago; khu guralo, Nungungulu a ngu gu kategisa kala gupindruga.

Dzindzimo 89:6

Kholu khu mani a guromo ndzadzini nya gufanane ni Pfhumu Nungungulu? Vbakari nya sivangwa sa ndzadzini, khu mani a fananago ni Pfhumu Nungungulu?

Gizimba 1:16

Mwangadzi —Idzo u gu mburi khidzo gigodwa gyangu! U lidzaha nya gunengedzise! Lidahu lathu, khya matamo nya gunyuge,

Gizimba 1:2

Nga nyi bhejari khu besu ya kanani gwago! Kholu lihaladzo lago la gu lombela guvbindra dosi nya dziuvha,

Gizimba 1:5

Nyamayana —Nyi di sivbala sangu, aholu nyi mburide, enu sagadzyana sa Jerusalema, nya gu fanana ni mitshatsha ya Kedhari, gu fanana ni myendra nya makhuvi ya Solomoni.

Gizimba 2:1

Eni nyi genge gya Saromi, genge gya kovani.

Gizimba 2:16

Gigodwa gyangu gya gulumba eni, eni neni nya gulumba uye tshambi waye a gu havisela vbakari nya senge.

Gizimba 2:3

Mwangadzi —Gufanana ni likandzu vbakari nya misimbo ya khabini, khidzo kharato a fananago khidzo gigodwa gyangu vbakari nya madzaha. Nyi ngu wu gola ngudzu mutsa waye, nyi na khala vbavbatshi gwaye, nyipwa gulombela nya handro waye.

Gizimba 4:3

Sigundru sago sa gu fanana ni keka nya gufuvile; kanani gwago gu mburide ngudzu. Khovbe yago ya gu fanana ni maromana nya gupandrwe, ma ngangamelago khu ndrani nya gifenengelo gyago.

Gizimba 6:3

Eni nyi wa gigodwa gyangu, gigodwa gyangu gya gu lumba eni. Uye a gu risa tshambi vbakari nya senge.

Gizimba 7:9

besu ya kanani gwago ya gu lombela gufanana ni vbinyu yi theledwago gigodwa gyangu yi goga khu vbakari nya gihofu gyaye ni magwaha yaye.

Jeremiya 15:16

Avbo nyi nga mana magana yago, ayo ma di khala guhodza gwangu; ayo ma di khala litsako ni gunengela nya monyo wangu, kholu nya gu ranwa khu lina lago, uwe Pfhumu Nungungulu nya Tshivba Yatshavbo.

Jeremiya 3:20

Pfhumu Nungungulu a ngu ganela, khuye: “Libango lanu enu va na Israyeli, kholu mwa gu fanana ni nyamayi a gumba tumbega ga mwama waye, enu nenu kha mwa tumbegani gwangu.

Hoseya 3:1

Pfhumu Nungungulu a di nyi embela, khuye: Indra gambe uya haladzana ni nyamayi moyo a haladzwago khu pari yago, ambari olu a gu gibhayi. Mu haladze nga idzo Pfhumu a golago khidzo sanana sa Israyeli, ambari ulo avo va mu pfhuraredego va gola vambe vanungungulu ni gu tsakela sibwandzalati nya dziuvha.

Vagalatiya 2:20

Khu kharato, olu khandri eni gambe nyi vbanyago, khu Kristo a vbanyago avbo gwangu. Olu, khu guvbanya nyi gu nago milini gwangu, nya gu vbanya khu gukhodwa ga Mwamana wa Nungungulu a nyi haladzidego kala gu ningela guvbanya gwaye khu kota yangu.

Vafilipi 3:8

Khu lisine, satshavbo soso nya gu si wona nga silo nya ndzilo nya gu si pimanisa ni wuhigo wukhongolo nya guti Kristo Jesu, Pfhumu yangu. Eni nyi nyenyide silo satshavbo khu kotani gwaye.

Jakobe 2:23

Khu guralo, gu di tadzisega avbo Milowo nya Guage yi ganelago, khiyo: “Abrahama khodwe ga Nungungulu. Khu gukhodwa gwaye, Nungungulu a mu wone nga moyo nya gululame.” A di ranwa pwani pari ya Nungungulu.

Jakobe 4:4

Vathu nyamba khodwa! Ina kha mu dziti nya gukhenu wa gu khala pari nya mafu, wa gu dzigira nala wa Nungungulu, gani? Oyu a vbwetago gu khala pari nya litigo, a gu khala nala wa Nungungulu.