Gizimba 5:1 - Bhibhiliya Nya Guage

¹ Mwama —Nyi bede thembweni gwangu, ndriyangu ni khundzwa yangu, nyi havela misimbo nya mafura yangu nya gunungele, nyi hodza gipapu gyangu nya wulombe, nyi sela vbinyu gumogo ni mahwe yangu. Dzipari dzangu, selani mu kodwa enu dzipari dzangu.

Gizimba 5:1 Iomraidhean Croise

Genesi 37:25

Khavbo avbo, va di khala vbavbatshi va hodza. Aholu na va khuside maho va di wona tsawa nya vasundzi va na Ismayeli na va guta khu Gileyadhi. Dzingameriya dzawe na dzi rwade mirwalo nya mafura ni mirendre nya guhambanelane na va gu hongola nayo tigoni ga Egipito.

Dzindzimo 147:11

Pfhumu Nungungulu a gu tsakiswa khu vale va gu ni githawo gwaye, ni vale va tumbago wuhindzi waye.

Dzindzimo 16:3

Vanungungulu nya malipha va mafuni, avo va gupwani va na ni tshivba, avo gale nyi nga bani nyi va khozela, kha va phasi gilo.

Mavingu 24:13

Hodza wulombe mwanangu, kholu wu ngu tshamba, gipapu nya wulombe gya gu lombela kanani gwago.

Mavingu 9:5

“Deluni mu ta hodza guhodza gwangu ni gu selani wadwa nyi dongisedego.

Muhevbudzi 2:5

Nyi limide marembwe, nyi yala misimbo nya mihandro nya mafumbu yatshavbo.

Gizimba 1:13

Gigodwa gyangu gya gu fanana ni kwama nya mafura, wu khalago vbamaveletunu gwangu.

Gizimba 4:16

Mwangadzi —Wuga uwe phuvbo u tago khu Wuronga! Delu, nuwe phuvbo u tago khu Marandzi! Furugedzani thembweni gwangu, mu phalalegisa mahema yaye. Ah! Naripwani gigodwa gyangu gi nguta thembweni gwaye, ata hodza mihandro yaye nya gutshambe.

Gizimba 4:8

Delu hi hongole hatshavbo Libhanoni, uwe ngadzangu, relela khu vbatshani nya gigomo gya Amana, khu tshokhatunu nya gikoli gya Seniri ni Herimoni, khu mavbalani nya dzinghala, ni sigomoni nya dziyingwe.

Gizimba 6:11

Mwangadzi —Nyi relede thembweni nya dzindzawa, guya wona gunyuga nya dzimbewu dza kovani ni gu wona gukheni lithembwe li ngu dandra gani ni maromana gu mwendro ma ngu thela wenge.

Gizimba 6:2

Mwangadzi —Gigodwa gyangu gi relede thembweni gwaye, umo gu yadwego misimbo nya gunungele, aya hodzisa umo tshambi waye, ni gu havela senge.

Gizimba 8:1

Nari gupwani u diri ndriyangu, na hi mamide libele limwedo, nya gu tshangana nago ndzilani, nyi di hadza gu gu bhejari nyamba sodwa khu muthu.

Gizimba 8:13

Mwama—Uwe u khalago mahangeni, dzipari dzago dzi dembide ndzeve gasi gupwa lito lago, eni neni nyi ngu gola gu lipwa

Isaya 23:18

Aholu bhindzu nya wurengisi ni wubhayi waye, yi na phasedwa ga Pfhumu Nungungulu; gima kha yi na hengeledzedwa musisangalani ambari gu vegwa kha nga thomba. Yi na thumela gu hodzisa ni gu ambagisa nya dzadi vale va vbanyago mbeli ga Pfhumu Nungungulu.

Isaya 5:1

Olu, nyi na embelela ga gigodwa gyangu, ndzimo nya lihaladzo laye khu lithembwe laye nya miuvha. Gigodwa gyangu gi diri ni lithembwe nya vhinya gigomwanani nya mafu nya gunone ngudzu.

Isaya 51:3

Kholu Pfhumu Nungungulu a na tangadzisa Siyoni, ni gupwa gisiro khu malanga yatshavbo ma khadego marumbi; giwula gyaye, a na gi gira gi fanana ni Edheni, marumbi yaye ma fanana ni lithembwe la Pfhumu Nungungulu. Umomo gu na manega litsako ni gughiya, gu na manega gubonga ni dzindzimo nya sizimba.

Isaya 53:11

A na wona handro nya gusaniseke nya hefemulo waye, a nengela, githumi gyangu gi lulamidego, khu guti gwaye, gi na agisa nya vangi kholu, gi na rwala guvivba gwawe.

Isaya 58:11

Pfhumu Nungungulu a na gu thangela gikhati gyatshavbo, malangani nya gihala gu na ninga iso u si vbwetago, ni gu tiyisa marambo yago; u khala kha nga lithembwe nya senge li theledzedwago mati, ni gifefe nya mati ma gumba vbela.

Isaya 61:11

Kholu kha nga mafu ma bugisago misimbo yatshavbo, ni lithembwe li bugisago dzimbewu dzi yadwego umo, kharato nuye Mune, Pfhumu Nungungulu, a na bugisa gululama ni wuzundzo vbakari nya mayigo yatshavbo.

Isaya 65:13

Khu guralo, Mune, Pfhumu Nungungulu, a ngu ganela kharati, khuye: Wonani nya gukhenu sithumi sangu si na hodza si khura, aholu enu, mu na tshaniseka khu ndzala; sithumi sangu si na sela mati, aholu enu, mu dagarela khu lidora, sithumi sangu si na nengela, aholu enu, mu na khala dzitshoni;

Isaya 66:14

Avbo mu na wonago silo sesi si na gu girega, myonyo yanu yi na tsaka, ni marambo ma na nyuga nga mwasi nya nyenvu; kholu tshivba ya Pfhumu Nungungulu, yi na dzi wonegisa ga sithumi saye, aholu likhulo laye li na wugela valala vaye.

Matewu 25:40

Mufumeli a na va hakha, khuye: ‘Khu lisine nyi ngu mi embelani, kheni: Dzinyondro dzatshavbo mu nga bani mu gira kharato ga moyo nya vandriyangu nya gusolege, kheni mu nga bani mu nyi girela.’

Luka 12:4

Jesu a di engedza, khuye: “Nyi ngu mi embelani, enu dzipari dzangu: Mu nga thavi ava va songago givili, na va si dzi kodzi gu gira gimbe gilo.

Johane 3:29

Buzoni nya dzegano mudzegi khuye a gu ni mwangadzi gasi phelegedzi ya mudzegi, a gu iyo yi mu bangaladzago ni gu mu yingisa, ya gupwa lito la mudzegi ya gu tsaka ngudzu. Khilo eli litsako langu nya guvbelele.

Mithumo 11:29

Vapizane va di pwanana gu rumela silo nya guphasedzele vandruye va nga bani va gu khala Judheya, muthu ni muthu a di ninga kha nga gu manela gwaye.

Vaefeso 5:18

Mu nga levi khu wadwa mu nga dwanisana, aholu khalani na mu tade khu Liphuvbo nya Guage.

Gutuledwa 22:17

Liphuvbo ni ngadza Nvutana, vari, khavo: “Delu!” Ni wule a pwago a na ganele nuye, khuye: “Delu!” Wule a gu ni lidora a nate. Oyu a dzinago a na hakhe mahala mati nya guvbanye.

Valamuli 14:11

Gikhati va mu wonego, va di dzega magumararu madzaha gasi gu mu bangaladza.

Valamuli 14:20

Ngadza Samisoni va di mu ningela ga pari yaye, yi nga bani yiri mubangaladzi waye nya dzegano.