Gizimba 4:8 - Bhibhiliya Nya Guage

⁸ Delu hi hongole hatshavbo Libhanoni, uwe ngadzangu, relela khu vbatshani nya gigomo gya Amana, khu tshokhatunu nya gikoli gya Seniri ni Herimoni, khu mavbalani nya dzinghala, ni sigomoni nya dziyingwe.

Gizimba 4:8 Iomraidhean Croise

1 Dzipfhumu 4:33

A di ganela khu misimbo gukhugela eyi nya yikhongolo nya misedhari ya Libhanoni, ni isope yi bugago dzindzarini; ganede gambe khu sirengo, sinyoni, niso nya gukhwirire khu lididi, ni dzindzandzi.

2 Dzipfhumu 5:12

Ina yi mwalo mitsongo nya yingi tigoni ga Dhamasiko, wa Abhana ni Faripari, nya yadi nya guvbindre yatshavbo mitsongo ya Israyeli, gani? Ina nyi di si dzi kodzi gu hamba momo nyi aga gwadi, gani? A di khuga a bwelela na gorogide.

1 Dzikoronika 5:23

Gimbe gipandre nya lihundzu nya sanana sa Manasi, gi di khala tigoni mule gukhugela Bhasani kala Bhahali-Herimoni, ni Seniri, ni gigomoni gya Herimoni na vari vangi ngudzu.

Dzindzimo 45:10

Upwa, nyamahegyane; wona u yingisa gwadi; diga vathu vago, u va divala gumogo ni ndranga ya babe wago.

Dzindzimo 72:16

Tigoni gu na fumwe dzimbewu, dzi fenengedza kala vbatshani nya sigomo, si tala khu dzimbewu kha nga esi sa Libhanoni, avo va vbanyago madhoropani va na rumbuge kha nga mwasi wu fenengedzago thembweni.

Dzindzimo 76:1

Nungungulu a ngu tidwa gwadi tigoni ga Judha; lina laye li zundzegide tigoni ga Israyeli.

Dzindzimo 76:4

Uwe Nungungulu, u zundzegide ngudzu, wudhumo wago wukhongolo guvbindra sigomo nya silo nya guphangwe.

Dzindzimo 89:12

Uwe u giride Wuronga ni Marandzi; sigomo sa Tabhori ni Herimoni si ngu womba mikulungwane si dhumisa lina lago.

Mavingu 9:6

Hambanani ni va nya guvivbedwa khu monyo, mu na vbanya, gimbilani khu ndzila nya mapimo.”

Gizimba 2:13

Mikandzu yi ngu vidziswa mihandro nya guhegule, marembwe ma ngu pandra wuluva nya senge, si phalalegisa mahema nya gunungele; khuga gigodwa gyangu, hongole mburi yangu.

Gizimba 5:1

Mwama —Nyi bede thembweni gwangu, ndriyangu ni khundzwa yangu, nyi havela misimbo nya mafura yangu nya gunungele, nyi hodza gipapu gyangu nya wulombe, nyi sela vbinyu gumogo ni mahwe yangu. Dzipari dzangu, selani mu kodwa enu dzipari dzangu.

Gizimba 7:11

Gigodwa gyangu delu, hongole mahangeni; hi na ya lala mitalalani,

Isaya 62:5

Kholu, kha nga lidzaha li dzeganago ni mbiri, kharato nugo sanana sago si na dzegana nago; kha nga mwama nya khundzwa a tsakiswago khu mwangadzi waye nya khundzwa, kharato nugo Nungungulu wago a na nengela khu uwe.

Ezekiyeli 27:5

Va girede sikhalo sago, khu mapulango nya ndziri ya Seniri; va gu resede misena ya Libhanoni, gasi guta gu girela khiyo miningwati.

Johane 12:26

Uye a vbwetago gu nyi thumela, a na nyi landre; ni avbo nyi na gu manegago, gi na bani giromo nigyo githumi gyangu. Uye a na nyi thumelago, a na rungudzwa khu Babe wangu.

Dhewuteronome 3:25

Nyi ngu gu lomba nyi dige nyi tshatuga, gasi nyi ya wona litigo leli nya ladi li guromo khu khisikheyi nya tsongo wa Joridhani, litigo lile nya gigomo gumogo ni Libhanoni.

Dhewuteronome 3:9

Vasidhoni va di rana gigomo gya Herimoni khu lina la Siriyoni; aholu Vaamori va di gi rana khavo Seniri.

Josuwa 12:1

Ava khu vafumeli Israyeli a nga va khozisa a bwelo khavbo a wandra mayigo yawe, khu tshatugo ga Joridhani, khu Khugadambo, gukhugela gitsongwanani gya Arinoni kala gigomoni gya Herimoni, gumogo gambe ni gipandre gyatshavbo nya lipani la Khugadambo.