Gizimba 4:16 - Bhibhiliya Nya Guage

¹⁶ Mwangadzi —Wuga uwe phuvbo u tago khu Wuronga! Delu, nuwe phuvbo u tago khu Marandzi! Furugedzani thembweni gwangu, mu phalalegisa mahema yaye. Ah! Naripwani gigodwa gyangu gi nguta thembweni gwaye, ata hodza mihandro yaye nya gutshambe.

Gizimba 4:16 Iomraidhean Croise

Muhevbudzi 1:6

Phuvbo ya gu furugedza yiya Marandzi, yi bwelo khavbo yi furugedza yiya Wuronga; yi enedza gwatshavbo khu gu dzundrulugela, yi simama ni thumo waye nya gudzundrulugele yi hongola ni gu wuya.

Muhevbudzi 2:5

Nyi limide marembwe, nyi yala misimbo nya mihandro nya mafumbu yatshavbo.

Gizimba 1:13

Gigodwa gyangu gya gu fanana ni kwama nya mafura, wu khalago vbamaveletunu gwangu.

Gizimba 1:4

Nyi phare, nyi gulandrela khu gututuma! Mufumeli a nyi bedzide makhuvini gwaye. Hi na gu zundza hi gu tsakela. Hi na nengela ni gutsaka avbo gwago, hi na gualakanya khu lihaladzo lago nya gutshambe guvbindra dosi nya dziuvha. Avo valulamidego, va ngu gu gola.

Gizimba 2:3

Mwangadzi —Gufanana ni likandzu vbakari nya misimbo ya khabini, khidzo kharato a fananago khidzo gigodwa gyangu vbakari nya madzaha. Nyi ngu wu gola ngudzu mutsa waye, nyi na khala vbavbatshi gwaye, nyipwa gulombela nya handro waye.

Gizimba 2:8

Mwangadzi —Ilolo lito la gigodwa gyangu, khuye wule! A nguta, na gu tsemakanya sigomo gu tutuma, a ndragandraga sigomwana.

Gizimba 5:1

Mwama —Nyi bede thembweni gwangu, ndriyangu ni khundzwa yangu, nyi havela misimbo nya mafura yangu nya gunungele, nyi hodza gipapu gyangu nya wulombe, nyi sela vbinyu gumogo ni mahwe yangu. Dzipari dzangu, selani mu kodwa enu dzipari dzangu.

Gizimba 6:2

Mwangadzi —Gigodwa gyangu gi relede thembweni gwaye, umo gu yadwego misimbo nya gunungele, aya hodzisa umo tshambi waye, ni gu havela senge.

Gizimba 8:12

Mwangadzi—Lithembwe leli lomo mandzani gwangu; uwe Solomoni u na hakha likhumi mazana singerengere, gasi mazana mavili ma na lumba avo va li sayisago ni gu havela mihandro.

Isaya 64:1

Oh! Nari gupwani u ngu pferula ndzadzini u tshiga! Sigomo si di hadza gu tsekatseka mbeli gwago!

Ezekiyeli 37:9

Khavbo avbo, a di nyi embela, khuye: “Profeta ga liphuvbo; profeta, uwe mwamana wa muthu, u li embela, khuwe: Mune Pfhumu Nungungulu, a ngu ganela kharati, khuye: Uwe liphuvbo, delu khu maphuvbo ya mana nya mafu, u furugedza ga sirumbi sesi, gasi si vbanya.”

Matewu 26:10

Aholu Jesu, na tugude mahingigedzo yawe, a di khuye: “Khu ginani mu garadzago nyamayi yoyu? Uye a nyi girede thumo nya wadi.

Matewu 26:12

Nyamayi yoyu, khu mafura a nyi todzidego, dongisede gudzingwa gwangu.

Johane 3:8

Phuvbo ya gu furugedza avbo yi gunago; uwe u gupwa ligwaha laye, aholu, u si guti umo yitago khumo, numo yiyago. Khidzo kharato vatshavbo va velegidwego khu Liphuvbo.”

Johane 5:8

Jesu a di khuye: “Khuga u ema, dzega lidawu lago u hongola gaya.”

Mithumo 4:31

Na vari vbakari nya nombelo gu di manega girevareva vbale va nga bani va romo; vatshavbo va di tala khu Liphuvbo nya Guage, va gu ganela mahungu ya Nungungulu na va tiyide.

Varoma 15:16

nya guthumele Jesu Kristo ga va nya mayigo. Kha nga muphasi nya mhamba, thumo wangu khu gu tivisa Mahungu nya Yadi ya Nungungulu gasi va nya mayigo va ningedwe ga Pfhumu kha nga mhamba nya gutsakise Uye, yi agisidwego khu Liphuvbo nya Guage.

Varoma 15:28

Gikhati nyi na vbedzago gu gimbidzisa thumo wowu, na nyi ningede mihengo yatshavbo, nyi na phara liendro nya guhongole Espanya, nyi na vbindra khiyo gwanu nyi mi holela.

1 Pedro 2:5

Hidzimelani nenu mu dzi ningedzela ga Nungungulu, gasi a mi thumise kha nga siwindri nya guvbanye, guvbahani nya nyumba nya Liphuvbo ya Nungungulu. Nyumbani momo, enu mu womo kha nga tsawa nya vaphasi nya mhamba va agisidwego, va hathidwego gasi gu ningela miphaso yi tsakisago Nungungulu khu ga Jesu Kristo.

2 Pedro 3:18

Aholu, simamani gudandra khu wuhigo ni guti ga Pfhumu, Muvbanyisi wathu Jesu Kristo. Wudhumo ga uye, olu ni gikhati gyatshavbo. Amen.