Gizimba 4:12 - Bhibhiliya Nya Guage

¹² Uwe ndriyangu eno khundzwa yangu, u lithembwe li bhiyidwego, gibuga gi bhiyidwego, u nambo wu segidwego.

Gizimba 4:12 Iomraidhean Croise

Genesi 29:3

Giwindri gi di redwa basi gikhati yi tshanganago mitshambi yatshavbo ni vahavisi vawe gasi va kodza guya sedza mati dzinvuta va bwelo khavbo va sega gambe likana nya nambo.

Gizimba 4:9

U kotode monyo wangu, ndriyangu, khundzwa yangu, khu gu nyi khedza gwago basi, u kotode monyo wangu, khu githimbwa gimwegyo nya karara wago.

Gizimba 6:11

Mwangadzi —Nyi relede thembweni nya dzindzawa, guya wona gunyuga nya dzimbewu dza kovani ni gu wona gukheni lithembwe li ngu dandra gani ni maromana gu mwendro ma ngu thela wenge.

Gizimba 6:2

Mwangadzi —Gigodwa gyangu gi relede thembweni gwaye, umo gu yadwego misimbo nya gunungele, aya hodzisa umo tshambi waye, ni gu havela senge.

Isaya 58:11

Pfhumu Nungungulu a na gu thangela gikhati gyatshavbo, malangani nya gihala gu na ninga iso u si vbwetago, ni gu tiyisa marambo yago; u khala kha nga lithembwe nya senge li theledzedwago mati, ni gifefe nya mati ma gumba vbela.

Jeremiya 31:12

Va na wuya na va gu womba mikulungwane nya gutsake kala gigomoni gya Siyoni, va tsakela dzithomba va ningidwego khu Pfhumu Nungungulu a gu edzi: Tirigu, wadwa, mafura, dzinvuta ni simombyana; hefemulo wawe wu na khala kha nga lithembwe li theledzedwago mati, gima kha va na nga vbela gambe tshivba.

Hoseya 6:3

Hongoleni hi muti Pfhumu Nungungulu, hi na dzi garadze khu gu vbweta gu muti. Uye a nata gu fanana ni Wuronga, a nata avbo gwathu kha nga ndzadzi nya gilimo, ndzadzi nya maronga yi naganisago mafu, kha na tandrega guta hi phasa.

1 Vakorinto 6:13

Guhodza gu emede guya girumbuni, kha nga girumbu nigyo gi emedego gu hakha guhodza. Aholu, Nungungulu a na pfhungumula sa sivili: Guhodza ni girumbu. Aholu, givili gyathu kha gi yeli gu thumiswa wubhayi, kholu khya Pfhumu, Pfhumu nuye khwa givili.

1 Vakorinto 7:34

A gu khala na kabanegide. Khidzo gambe kharato, nyamayi a ngamba dzegwa, ni nyamahegyane nya likendzi va gu thela kota khu silo sa Pfhumu gasi va khale va nya guaga milini ni hefemuloni. Aholu nyamayi a dzegidwego a gu thela kota khu silo nya mafu, a gu dzi garadza khu gukhuye a na nengedzisa kharini mwama waye.

2 Vakorinto 1:22

khuye a nga hi lova khu gifungo Gyaye a vega gitumbiso nya Liphuvbo myonyoni gwathu.

Vaefeso 1:13

Khu ga Kristo, enu nenu, mu pwide mahungu nya lisine, Ivhangeli nya guvbanyiswe gwanu, mu yi hakhidego khu gukhodwa, mu tiyisidwe khu gifungo nya Liphuvbo nya Guage hi nga bani hi tumbisidwe.

Vaefeso 4:30

Mu nga theli wusiwana Liphuvbo nya Guage la Nungungulu, kholu Liphuvbo khigyo gifungo mu lovidwego khu Nungungulu. Khigyo mu nata tidwago khigyo litshigu Nungungulu a natago a ta mi tshula wugumbini nya guvivbe gwatshavbo.

Gutuledwa 21:27

Dhoropani gakone gima kha gu na bela gilo nya gunyenyeze, ni vathu va girago guvivba ni malipha; aholu va na bela basi vale va lovidwego libhukuni nya womi la Nvutana.

Gutuledwa 7:3

“Mu nga saselini litigo, ambari yiphwa, ni misimbo, na hi si gu lovi gifungo musiwomboni nya sithumi sa Nungungulu wathu.”