Gizimba 4:1 - Bhibhiliya Nya Guage

¹ Mwama —Idzo u mburidego khidzo gigodwa gyangu! Ah, idzo u mburidego khidzo. Maho yago gukhwatshi maho nya lituva khu ndrani nya gifenengelo gyago. Ndzudzu wago wa gu fanana ni tshambi nya dziphongo dzi havago gigomoni gya Gileyadhi.

Gizimba 4:1 Iomraidhean Croise

Dzindzimo 45:11

Khu wumburi wago, Mufumeli a vbede mapimo yaye yatshavbo; noga mbeli gwaye; kholu uye khuye mune wago.

Gizimba 1:15

Mwama —Gigodwa gyangu, idzo u mburidego khidzo! U mburide ngudzu! Maho yago ma gu fanana ni lituva.

Gizimba 2:10

Gigodwa gyangu gi di nyi embela, khigyo: “Khuga u eme, pari yangu, mburi yangu, hongole.

Gizimba 2:14

Uwe lituva langu u sihalago dziphagoni nya siwindri, ni gukhwekelani nya gusihale; nyi yeyedze khovbe yago, nyi napwe lito lago, kholu lito lago li ngu tshamba, ni khovbe yago yi mburide.”

Gizimba 6:5

Ndreyisa maho yago avbo gwangu, kholu ma ngu nyi vbedza tshivba. Ndzudzu wago wa gu fanana ni tshambi nya dziphongo dzi relelago khu gigomoni gya Gileyadhi.

Gizimba 6:7

Sigundru saye khu ndrani nya gikhongelo gyaye, sa gu fanana ni lipapagayi li pandridwego.

Gizimba 7:5

Hungo wago, wa gu fanana ni gigomo gya Karameli; ndzudzu wa hungoni gwago, wa gu vangamela nga giwunguwungu ambari ni mufumeli a di tshunganiswa khu wumburi wago.

Jeremiya 22:6

Kholu Pfhumu Nungungulu a ngu ganela kharati, mayelano khu ndranga ya mufumeli wa Judha, khuye: “Uwe avbo gwangu wa gu fanana ni gigomo gya Gileyadhi, u nyi tsakisa gu fanana ni gigomo gya Libhanoni; aholu nyi ngu sambanya gukheni nyi na gu vbindrugedza u khala giwula, lidhoropa nyamba khadwa khu muthu.”

Ezekiyeli 16:14

Ndruma nya wumburi wago, yi di phalalega vbakari nya mayigo, kholu gungangamela nyi gu ningidego gu giride gu, wumburi wago, wu khala nya lisima; a ngu ganela Mune Pfhumu Nungungulu.

Mikeya 7:14

Havisa vathu vago khu ndronga yago, a gu dzinvuta nya tshambi nya thomba yago, dzi vbanyago khabini basi, vbakari nya mahawo nya gunone; dzi yise wuhaviseloni ga Bhasani ni Gileyadhi, kha nga matshigu ma vbindridego.

Mitengo 32:1

Sanana sa Rubheni ni esi sa Gadhi, si di fumide mitshambi nya gutale ngudzu. Va di wona litigo la Jazeri ni la Gileyadhi na ma khalegide wulangani nya wadi ngudzu nya gufanele gu havisa umo mitshambi yawe.

Mitengo 32:40

Khu guralo, Mosi a di ningela ga Makiri, mwamana wa Manasi, litigo la Gileyadhi, a khala umo.

Matewu 11:29

Rwalani pingwi wangu, mu hevbula kheni nyi gu ni monyo nya gurule nuwo nya gu dzi sodzise, gasi mu mane gutangala nya mihefemulo yanu.

2 Vakorinto 3:18

Ethu hatshavbo na hi funungude khovbe, hi khedza libona nya wudhumo wa Pfhumu hi ngu vbindrugedza khu wuzundzo ni wudhumo, hi fanana Naye, hi khedziga gikhati gyatshavbo khu tshivba nya Liphuvbo la Pfhumu.