Gizimba 3:6 - Bhibhiliya Nya Guage

⁶ Wuyelelo —Gasi ginani egi gi tago khu giwulani nya nga madingo nya wutshi, nya nga gunungela nya mafura ni libani, nya gufanane ni mafura yatshavbo ya varengisi.

Gizimba 3:6 Iomraidhean Croise

Ekisodha 30:34

Pfhumu Nungungulu a di engedza a embela Mosi, khuye: “Vbweta misimbo nya gunungele, mitshafura, libani, ni simbe sinungedziso nya guhambanelane u pima satshavbo khu pimo moyo.

Mavingu 7:17

Nyi theledzede vbadawutunu gwangu mafura nya gunungele nya guhambanelane.

Gizimba 1:13

Gigodwa gyangu gya gu fanana ni kwama nya mafura, wu khalago vbamaveletunu gwangu.

Gizimba 1:3

khu gutshamba nya gunungele nya mafura yago; lina lago la gu fanana ni mafura ma guhudwego; khidzo u haladzwago khidzo khu sagadzyana.

Gizimba 3:7

Eli khu litsira la Solomoni li randredwego khu livbandre na limwedo magumi dzindrena dzi dugago vbakari nya dzindrena dza tigoni gwatshavbo ga Israyeli.

Gizimba 4:6

Na gu si gugi, gu phalalega myedzi, nyi na gwela gigomoni nya mafura nya gunungele ni gigomwanani nya libani.

Gizimba 5:13

Khovbe yaye ya gu fanana ni lithembwe nya misimbo nya mafura nya gunungele sigundru saye sa gu fanana ni senge si dotago mafura nya tengo;

Gizimba 5:5

Nyi wugide gasi guya tulela gigodwa gyangu, khu mandzani gwangu gu di dota mafura nya gunungele, ni dzinyala dzangu dzi di tala khu mafura nya lisima, ma nga bani ma goga vbagikwinyarotunu nya lidimba.

Gizimba 8:5

Wuyelelo—Gasi khu mani oyu a gwelago giwulani na wugaredwe magatani ya gigodwa gyaye?

Isaya 43:19

Wonani nya gukhenu nyi na gira gilo nya giphya, gi na dugago mu gi wona; ina kha mu si woni, gani? Wonani nya gukhenu nyi tude ndzila giwulani, nyi pola mitsongo mafuni nya gihala.

Jeremiya 2:2

Indra u ya ganela dzindzeveni ga Jerusalema, magana yaya, khuwe: Pfhumu Nungungulu a ngu ganela kharati, khuye: Nyi ngu alakanya gutumbega gwago na wu ngari lidzaha, nu ngari khundzwa, u di gu nyi haladza, ni edzi u nga bani u gu nyi landrela khidzo giwulani, ga litigo nya gihala nyamba yadwa gilo.

Jeremiya 31:2

Pfhumu Nungungulu a ngu ganela kharati, khuye: Vathu va vbulugidego gu songwa khu matshari va manide wuhigo giwulani. Eni nyi naya ninga guhefemula Israyeli.

Hoseya 9:10

Israyeli nyi di mu rola nga sitsatsa nya dziuvha mugiwulani, avbo nyi nga wonago vababe vanu, nyi di va wona nga mihandro nya guhegule nya makandzu. Aholu, avbo va nga vboha Bhahali-Peyori, va di dzi ningela va phasela githombe gile nya dzitshoni, va vbindrugedza va nyenyeza kha nga gilo va nga gi gola.

Matewu 2:11

Va di bela nyumbani, vaya wona gyanana ni mayi waye Mariya; va di khidzima va gi khozela; va di tula sikhwama sawe, va gi luva khu ndralama, khu libani ni mafura.

Dhewuteronome 8:2

U na alakanya ndzila yatshavbo eyi Pfhumu Nungungulu wago, a gu gimbidzisidego khiyo giwulani gipimo nya magumana myaga, gasi gu gu vbwasamisa ni gu gu linga, ni guti igyo gi guromo monyoni gwago, gukhuye u na vegedza mwendro khu na vegedza milayo yaye.

Vafilipi 4:18

Eni nyi naso satshavbo khu gutala nya iso. Olu nyi hakhidego satshavbo esi mu nga nyi rumela khu mandzani ya Epafrodito, nyi si mane khu gutala guvbindra esi nyi si vbwetago. Ningelo yoyu kha nga mahema nya yadi nya mhamba yi hakhwago khu Nungungulu yi mu salalegisa.

Gutuledwa 12:14

Aholu, nyamayi a di ningwa mambapi mavili nya lighama nya likhongolo, gasi a kodze gu vbuvba a thavela giwulani avbo a nga bani a dongisedwe gu ya sayiswa avbo gipimo nya myaga miraru ni gipandre nari hwindzo ni hwindzo ni mamba.

Gutuledwa 12:6

Nyamayi a di thavela giwulani, avba Nungungulu a nga bani a mu vegisede wulanga nya gusihalege, gasi a mane gu sayiswa ni gu hodziswa gipimo nya likhumi na mavili mazana ni livbandre na limwedo magumi (1.260) matshigu.

Gutuledwa 18:13

kinamomo, mafura nya gunungele, ni mafura nya gutole, ni libani, ni vbinyu, ni mafura nya guphule khayo, ni wuguvbi, ni tirigu, ni dzimombe, ni dziburu, ni dzinvuta, ni dzikavalu, ni dzikareta, ni dzikhumbi ni vathu.

Gutuledwa 5:8

Na gu hakha libhuku, sirengo sile sa sina ni madhota yale nya magumavili na mana ma di khidzima mbeli ga Nvutana, mari ni sitendre ni sikombe nya gugirwe khu ndralama na si tade khu libani, a gu milombelo nya sihathwa.