Gizimba 3:11 - Bhibhiliya Nya Guage

¹¹ Enu vanyamahegyane va Siyoni, dugani! Deluni mu ta wona mufumeli Solomoni! Uye ambade gihugu nya wufumu, gihugu nya wufumu a ambagisidwego khu mayi waye khu litshigu nya dzegano waye, litshigu monyo waye wu tsakidego ngudzu.

Gizimba 3:11 Iomraidhean Croise

Dzindzimo 48:11

Gi ngu tsaka gigomo gya Siyoni, sanana sa Judha si ngu nengela khu kotani nya gulamule gwago.

Dzindzimo 9:14

Nyi fela gu embelela wuzundzo dzinyangwani ga gyagadzyana gya Siyoni, nyi nengela kholu u nga nyi vbanyisa.

Gizimba 1:5

Nyamayana —Nyi di sivbala sangu, aholu nyi mburide, enu sagadzyana sa Jerusalema, nya gu fanana ni mitshatsha ya Kedhari, gu fanana ni myendra nya makhuvi ya Solomoni.

Gizimba 2:7

Mwama —Nyi ngu sambanya gwanu enu vanyamahegyana va Jerusalema, khu dzitshesi ni vamangulwe va mugigomoni, gukheni mu nga wusi gigodwa gyangu a si gu dzini abune gu wuga.

Gizimba 7:11

Gigodwa gyangu delu, hongole mahangeni; hi na ya lala mitalalani,

Gizimba 8:5

Wuyelelo—Gasi khu mani oyu a gwelago giwulani na wugaredwe magatani ya gigodwa gyaye?

Isaya 4:4

Gikhati Pfhumu a na handzago manyala ya vanyamahegyane va Siyoni ni gu handza novba wu guromo vbakari ga Jerusalema, khu Liphuvbo nya gululame ni Liphuvbo nya agise.

Isaya 53:11

A na wona handro nya gusaniseke nya hefemulo waye, a nengela, githumi gyangu gi lulamidego, khu guti gwaye, gi na agisa nya vangi kholu, gi na rwala guvivba gwawe.

Isaya 62:5

Kholu, kha nga lidzaha li dzeganago ni mbiri, kharato nugo sanana sago si na dzegana nago; kha nga mwama nya khundzwa a tsakiswago khu mwangadzi waye nya khundzwa, kharato nugo Nungungulu wago a na nengela khu uwe.

Isaya 9:6

Kholu hi velegedwe gyanana, hi ningidwe gyanana nya gikhwathana; wufumu womo magatani gwaye; ni lina laye li na ranwa pwani: “Singalagadzi nya Guliwugise, Nungungulu nya Tshivba, Babe nya Gupindruge, Pfhumu nya Gurule.”

Jeremiya 2:2

Indra u ya ganela dzindzeveni ga Jerusalema, magana yaya, khuwe: Pfhumu Nungungulu a ngu ganela kharati, khuye: Nyi ngu alakanya gutumbega gwago na wu ngari lidzaha, nu ngari khundzwa, u di gu nyi haladza, ni edzi u nga bani u gu nyi landrela khidzo giwulani, ga litigo nya gihala nyamba yadwa gilo.

Jeremiya 32:41

Eni nyi na nengela khavo, nyi na va kategisa ni gu va ninga wulanga wu tiyidego tigoni momu, khu monyo wangu watshavbo ni hefemulo wangu watshavbo.

Sofoniya 3:17

Pfhumu Nungungulu wago, womo vbakari gwago, kha nga muvbanyisi nya tshivba; Uye a ngu nengela khu gutsaka khu kotani gwago, khu lihaladzo laye, a na gu wusedza u khala muphya, khu kotani yago, uye a na hana ni guwomba mikulungwane nya litsako.

Zakariya 6:11

Dzega parata ni ndralama, u gire gihugu nya wuzundzo, u gi vega hungoni ga Josuwa, mwamana wa Jozadhaki, muphasi nya khongolo nya mhamba.

Matewu 12:42

Pfhumugadzi ya Marandzi yi na wugela mela yoyu, yi wu ninga nandru. Kholu yi dzude khu mahegiso nya litigo, gasi guta pwa guti ga Solomoni. Avba womo uye a gu khongolo guvbindra Solomoni!

Luka 15:32

Aholu hi na ni fanelo nya gugire buzo, hi tsaka, kholu ndriyago a di fude, olu a ngu vbanya; a di dzimede, olu manegide.’ ”

Johane 15:11

“Nya gu mi embela esi, gasi litsako langu li khale gwanu, ni gunengela gwanu gu tadzisege.

Johane 3:29

Buzoni nya dzegano mudzegi khuye a gu ni mwangadzi gasi phelegedzi ya mudzegi, a gu iyo yi mu bangaladzago ni gu mu yingisa, ya gupwa lito la mudzegi ya gu tsaka ngudzu. Khilo eli litsako langu nya guvbelele.

Vakolosi 1:18

Khuye hungo nya Libandla, a gu givili gyaye; khuye guphela, khuye matiwula nya guwuge ga vafudego. Khuye a thangidego mbeli nya silo satshavbo.

Vahebheru 13:13

Khu guralo, hongoleni nethu vbafuvbi ga Jesu Kristo, vbavbandze nya libhiyo hi ya saniseka ni gu poyidwa gumogo ni uye.

Vahebheru 2:9

Aholu, hi ngu wona Jesu a nga vegwa gikhati gidugwanana vbavbatshi nya dzingilozi dza Nungungulu, olu a khusedzidwego a gu ningwa gungangamela ni gidhumo, khu gufa a gu manego. Nungungulu, khu wuhindzi waye, dzinide gu vbindrugedza gufa ga Jesu a gu gira guvbanya nya vathu.

Gutuledwa 1:7

Mu ngu mu wona, a guta khu mapfhini; vatshavbo va na mu wona, ambari vale va nga mu songago, mafumbu yatshavbo ya mafuni ma na dzi laya khu kotani gwaye. I tiyiso: Amen.

Gutuledwa 19:12

Maho yaye ma di ngangamela nga malavbelavbe nya nilo, hungoni gwaye a na ni sihugu nya singi. A na ni lina li lovidwego, nya gu mwalo a litigo, vbavbandze ga uye mune basi.

Gutuledwa 19:7

Hongoleni hi tsake, hi nengela ni gu mu rungudza, kholu gi vbohide gikhati nya buzo wa Nvutana, mwangadzi waye gambe a dzi dongisede,