Gizimba 2:5 - Bhibhiliya Nya Guage

⁵ Nyi hodziseni khu sitsatsa nya dzikhure, mu nyi nengedzisa khu makandzu nya gutshambe, kholu nyi ngufa khu lihaladzo.

Gizimba 2:5 Iomraidhean Croise

2 Samuweli 6:19

A di kabanisela vathu vatshavbo ni gidzemo gyatshavbo gya na Israyeli, gukhugela ga vama kala ga vanyamayi, moyo ni moyo, a mana gipandre nya gibaba, gitsuwu nya nyama ni dziuvha nya gubange. Khavbo avbo, vathu va di phalalega, muthu ni muthu a hongola gaya gwaye.

1 Dzikoronika 16:3

Khavbo avbo, a di kabanisela vatshavbo va na Israyeli, vama ni vanyamayi, moyo ni moyo a mana gipandre nya gibaba ni gitsuwu nya nyama ni sibaba nya dziuvha nya gubange.

Dzindzimo 63:8

Nyi ngu namarela gwago khu hefemulo wangu watshavbo, mandza yago ya nyamudye ma ngu nyi seketela.

Gizimba 5:8

Nyi ngu mi lombani enu sagadzyana sa Jerusalema, mwa gu manani gigodwa gyangu mu na gi embela ginani? Gi embeleni khenu nyi ngu vbisega khu lihaladzo.

Gizimba 7:8

Nyi di ganela, kheni: “Nyi na lita ngindruni, nyi ya phara matamo yaye.” Mavele yago ma gu fanana ni sitsatsa nya dziuvha, ni gunungela nya guhefemule gwago, gu fanana ni mahema nya likandzu

Hoseya 3:1

Pfhumu Nungungulu a di nyi embela, khuye: Indra gambe uya haladzana ni nyamayi moyo a haladzwago khu pari yago, ambari olu a gu gibhayi. Mu haladze nga idzo Pfhumu a golago khidzo sanana sa Israyeli, ambari ulo avo va mu pfhuraredego va gola vambe vanungungulu ni gu tsakela sibwandzalati nya dziuvha.

Luka 24:32

Va di phela gu embeledzelana, khavo: “Ina kha ha nga bani hi pwa myonyo yathu na yi dzura gikhati a nga bani a gu ganela ni ethu ndzilani, a hi tshamusela Milowo, gani?”

Vafilipi 1:23

Nya gu dzipwa na nyi gu ndrindrwa khu silo sa sivili: Mumbe monyo wa gu suva gu hongola nyiya khala ni Kristo; a diri gwadi ngudzu guvbindra silo satshavbo;