Gizimba 2:4 - Bhibhiliya Nya Guage

⁴ A di nyi bedza nyumbani nya buzo, a fenengedza nga bya nya lihaladzo laye vbatshani gwangu.

Gizimba 2:4 Iomraidhean Croise

Joba 1:10

Khandri olu u vhikelago ndranga yaye gumogo ni silo saye, gani? U kategiside thumo nya mandza yaye, ni mitshambi yaye yi andride tigoni momu.

Dzindzimo 20:5

Hi na mane gunengela khu gupala gwago, hi khusedza ngavbya khu lina la Nungungulu wathu! Pfhumu Nungungulu a na tadzise gu lomba gwago gwatshavbo!

Dzindzimo 60:4

U ningide ngavbya avo va gu ningago githawo, gasi va vbuluga ga gighalala gya nala.

Dzindzimo 84:10

Kholu gu khala litshigu limwedo basi nyumbani gwago, gwadi guvbindra gu khala likhumi mazana matshigu vbavbandze. Nyi ngu gola gu khala musayisi nya lidimba Nyumbani gwa Nungungulu wangu, guvbindra gu ya khala mitshatshani ya va nya guvivba.

Gizimba 1:1

Gizimba nya sizimba sa Solomoni.

Gizimba 1:4

Nyi phare, nyi gulandrela khu gututuma! Mufumeli a nyi bedzide makhuvini gwaye. Hi na gu zundza hi gu tsakela. Hi na nengela ni gutsaka avbo gwago, hi na gualakanya khu lihaladzo lago nya gutshambe guvbindra dosi nya dziuvha. Avo valulamidego, va ngu gu gola.

Gizimba 5:1

Mwama —Nyi bede thembweni gwangu, ndriyangu ni khundzwa yangu, nyi havela misimbo nya mafura yangu nya gunungele, nyi hodza gipapu gyangu nya wulombe, nyi sela vbinyu gumogo ni mahwe yangu. Dzipari dzangu, selani mu kodwa enu dzipari dzangu.

Gizimba 6:4

Mwama —Uwe u mburide gigodwa gyangu, ni pari yangu, wa gu fanana ni lidhoropa la Tiriza, u khalegide nga lidhoropa la Jerusalema, u thisidego nga gikwata gi hongolago nyimbitunu ni dzingavbya.

Isaya 11:10

Ga litshigu lolo, va nya mayigo va na tutumela ga khamba wa Jese wu vegidwego kha nga ngavbya nya mayigo yatshavbo; ni wulanga a khalago avbo wu na zundzega.

Gutuledwa 3:20

Nyi womo vbalidimbatunu nyi khokhotha. Uye a na pwago lito langu a nyi tulela, nyi na bela nyumbani gwaye nyi hodza naye, uye nuye a hodza ni eni.