Gililo 4:7 - Bhibhiliya Nya Guage

⁷ Vathangeli vawe va di khedziga guvbindra thondrwane, va di agide guvbindra mahwe, sivili sawe si di fuvila nga giwunguwungu va bwelo khavbo va khalega gwadi nga giwindri nya safira. Heti

Gililo 4:7 Iomraidhean Croise

Joba 28:16

Lisima laye kha li pimaniswi ni ndralama ya Ofiri, mwendro siwindri nya lisima nya onikisi niso nya safira.

Joba 28:18

Kha gu alakanywi gilo khu korali ni kristali; guti ni lisima gu ngu vbindra dziperola.

Dzindzimo 144:12

Sanana sathu nya sikhwathana, wudzahani gwawe, si na dandre nga misimbo yi nyugago, ni vanyamahegyane vathu, va na fanane ni siwindri nya madingo, nya guvatwe si mburisedwa nga madingo ya nyumbani nya dzipfhumu.

Dzindzimo 51:7

Nyi handze khu sasi, nyi na aga; nyi handze, nyi na aga ngudzu guvbindra hunguva.

Ekisodha 24:10

va ya wona Nungungulu wa Israyeli. Vbavbatshi nya migondro yaye gu di romo gilo nya gufanane ni giwindri nya guvatwe nya safira, nya guphatime kha nga ndzadzini.

Gizimba 5:10

Mwangadzi —Gigodwa gyangu gi khalegide bwelo khavbo mburi, a ngu hambana ni vambe nya likhumi magumi mazana.

Gizimba 5:15

Mawundru yaye madingo nya siwindri nya guage na si tshomegedzedwe vbasirandrotunu nya ndralama yi hutidwego yi fanana ni gigomo gya Libhanoni nya wumburi nya gufanane ni sedhari.

Dhaniyeli 1:15

Hwane nya likhumi matshigu, gu di wonega dzikhovbe dzawe nari idzo dzi khalegidego gwadi, na va enide gwadi guvbindra madzaha ma nga bani ma gu hodza guhodza ga nyumbani ga mufumeli.

Luka 1:15

Kholu gi na bani giri muthu khongolo mahoni ga Pfhumu. Kha gi na sela vhinya mwendro wadwa nya gulevise; gi na tala khu Liphuvbo nya Guage gukhugela ndrani ga mayime waye.

Valamuli 13:5

Kholu wona nya gukhuwe, u na khura mimba u velega gyanana nya gikhwathana, igyo gima kha gi na vidwa ndzudzu khu gisingwana. Kholu, gyanana gegi gi na bani giri Munaziri, gi phasedwe Nungungulu gukhugela ndrani ga mayi waye, igyo gi na tshudzisa Israyeli mandzani ga Vafilisitiya.”

Valamuli 13:7

Aholu uye a di nyi embela, khuye: “Nyi na khura mimba nyi velega gyanana nya gikhwathana; gasi olu, khuye nyi nga seli vbinyu ambari gu sela wadwa nya guvave, ambari guhodza gilo nya gunyenyeze, kholu gyanana gi na bani giri Munaziri, gi phasedwe Pfhumu Nungungulu, gukhugela ndrani ga mayi waye kala litshigu nya gufe gwaye.”

Valamuli 16:17

Khu guralo, uye a di mu lembedza sihalo waye, khuye: “Gukhugela nyi velegwa nyi si gu gaywi ndzudzu, kholu nyi Munaziri wa Nungungulu. Nya gu kala nyi gaywa ndzudzu wa hungoni gwangu, tshivba yangu yi na duga, nyi vbela, nyi khala nga mumbe muthu.”

1 Samuweli 16:12

Khavbo avbo, a di rumela gu vaya mu rana va mu embela a bela. A diri lidzaha nya mburi ni maho nya gutsakise ni ndzudzu nya gufuvilanyane. Pfhumu Nungungulu a di embela Samuweli, khuye: “Khuga u mu todza, kholu khuye oyu.”