Gililo 4:22 - Bhibhiliya Nya Guage

²² Tsayiso wago uwe nyamahegyane wa Siyoni, wu vbohide mahegiso. Pfhumu Nungungulu kha na gu vbagela gambe uya wugumbitunu. Gasi uwe nyamahegyane wa Edhomi, Pfhumu a na gu tsayisa khu kotani nya sighoho sago, Uye a na funungula sighoho sago si wonwa khu vathu.

Gililo 4:22 Iomraidhean Croise

Dzindzimo 137:7

Pfhumu Nungungulu, alakanya esi va nga gira vathu va Edhomi litshigu valala va nga belago Jerusalema va li phanga, kholu va di ganela, khavo: “Li khungumuleni, li khungumuleni kala mu sigulela ni siseketelo sakone.” Uwe,

Isaya 40:2

Ganelani khu gutsaka ga Jerusalema, mu mu tiyisa hwambo, khenu gusaniseka nya wugumbi waye guvbede, sighoho saye si futidwe, kholu eni Pfhumu Nungungulu, nyi va vetide gukhedza khu sighoho va giridego.

Isaya 52:1

Khendzuga! Khendzuga, Siyoni, ambala tshivba yago. Ambala guambala gwago nya wumburi, uwe Jerusalema, Lidhoropa nya gukatege; kholu gima kha va na bela gambe ndrani gwago va nyamba hana wugwera ni vale va dzi nyenyezisidego.

Isaya 60:18

Kha gu na pwala gambe gu ganedwa khu dzihanyi tigoni gwago, khu vaphangi mwendro vapfhungumuli, mivbinganoni gwago. “U na rana mabhiyo yago khuwe “Guvbanyisa” ni dzinyangwa dzago khuwe “Rungudzo.”

Jeremiya 32:40

Nyi na gira navo gidzumeledzwano nyamba vbela, gambe kha nyi na diga gu va kategisa; nyi na thela myonyoni gwawe mapimo nya gu nyi ninge githawo gasi va si hambani ni Eni.

Jeremiya 33:7

Va na Judha ni va na Israyeli, nyi na va wuyisa khu wugumbitunu, nyi ta va vbahedza kha nga guhegulani.

Jeremiya 33:8

Nyi na va handza sighoho satshavbo va nyi ghohedego, nyi va tsetselela guvivba gwawe gwatshavbo va nga nyi wugelago khugo.

Jeremiya 49:10

Kholu nyi tshulede dzitshalu Esawu, nyi tugula umo a sihalago umo, kha na nga nyi sihalela gambe nyi na sasela livelego laye, vandriyaye gumogo ni vaakelane vaye, uye gima kha na nga pwala gambe.

Jeremiya 50:20

Khu matshigu yoyo ni gikhati gyogyo, a ngu ganela Pfhumu Nungungulu, va na vbweta wuvivbi wa Israyeli, va si wu mani, va vbweta sighoho sa Judha, va si si mani, kholu nyi na tsetselela vale nyi na gu va diga va vbanya.

Gililo 4:21

Tsaka u nengela uwe nyamahegyane wa Edhomi, u vbanyago mayigoni gwa Uzi! Aholu enu nenu mu na sela gikombe nya likhulo la Pfhumu mu na leva mu gimbila wumbwiri nyamba ambala gilo. Tau

Gililo 4:6

Tsayiso wa nyamahegyane wa tigoni gwathu wa gu vbindra tsayiso wa Sodhoma, gikhati a nga pfhungumudwa khu githugedza na siri khu tshivba nya mandza nya vathu; aholu khu gyandza gya Nungungulu. Zain

Ezekiyeli 37:28

Avbo nyumba yangu nya miphaso yi na gu manegago vbakari gwawe kala gupindruga, mayigo ma na dziti gukhayo Eni kheni Pfhumu Nungungulu, nyi agisago Israyeli.”

Ezekiyeli 6:12

Uye a guromo hwindzo a nafa khu tungu, uye a guromo vbafuvbi a nafa khu litshari, uye a na tshalago a nafa khu ndzala. Kharato, nyi na rumela likhulo langu avbo gwawe.

Obhadhiya 1:10

Khu kotani nya olu u nga wugelago ndriyago Jakobe, u na fenengedzwa khu dzitshoni, u mbembisedwa muphelo.

Malakiya 1:3

aholu nyi nyenya Esawu; nyi gira sigomo saye si khala gihala gya giwulani, nyi ningela litigo lawe ga migehe ya khabini.”

Malakiya 1:4

Ambari Edhomi a gukhuye: Litigo lathu li pfhungumudwe, aholu ethu hi na vbahedza marumbi; khu guralo, Pfhumu Nungungulu nya Tshivba Yatshavbo a ngu ganela kharati, khuye: Avo va na vbahedza, aholu eni nyi na ma khungumula; ambari Edhomi a gukhuye va na li rana litigo nyambana gukhodwa. Litigo lile Pfhumu Nungungulu a gorogidego khilo gikhati gyatshavbo.