Gililo 4:19 - Bhibhiliya Nya Guage

¹⁹ Avo va hi lundrago va na ni mazambo guvbindra maghama ya damboni, va di hi tutumisa sigomoni va hi demba khu milaphwi giwulani. Resi

Gililo 4:19 Iomraidhean Croise

Jeremiya 16:16

Pfhumu Nungungulu a ngu ganela kharati, khuye: Nyi na rumela tengo nya wungi nya vagogi vuta va goga; khu hwane nya isoso, nyi na rumela wumbe tengo nya vasoti, vaya va sota sigomoni ni sigomwanani, gumogo ni dziphagoni nya siwindri.

Jeremiya 4:13

Mupfhungumuli a nata kha nga lipfhi nya gingulu, dzikareta dzaye dzi nata kha nga gipupwane; dzikavalu dzaye dzi na vbuvba guvbindra maghama. Libango avbo gwathu, kholu hi ngu mbemba!

Gililo 1:13

Rumede nilo khu vbatshani wu ta vbisa marambo yangu. A nyi dembide khu naphwi nyi tshunganela nyi thega khu nyagihwane; a nyi tshide na nyiri marumbi, nyi khala gutshanisekani litshigu latshavbo. Nuni

Hoseya 8:1

Thela pundru kanani gwago! Kholu nala a nguta khu guvbuvba kha nga lighama, guta dhumela Nyumba ya Pfhumu Nungungulu, kholu mu hambanide ni gidzumeledzwano gyangu, mu wugela nayo wangu.

Hoseya 8:3

Israyeli nyenyide ndzila nya yadi; valala vaye va na mu landrelela.

Levhi 26:36

Gasi vale va na gu vbulugago, Eni nyi na va thela hwanga wu na tadzago myonyo yawe, mayigoni ga valala vawe, avbo va na pwago gya gu tshagari, va na thava gukhwatshi va gu wona litshari; va na thega nyamba lundrwa khu muthu.

Amosi 2:14

Muthu nya mazambo kha na vbuluga, ambari muthu nya tshivba a na vbeledwa khu tshivba, ni ndrena kha yi na vbulugisa womi waye.

Habhakuka 1:8

Dzikavalu dzawe dzi na ni mazambo guvbindra magamba, dzi gira gigaha guvbindra masolwa vbawutshigutunu, vakhileli nya dzikavalu dzawe va gu phalalega malangani yawe va vbuvba nga maghama ma tutumelago guhodza.

Dhewuteronome 28:49

Pfhumu Nungungulu a na guresela khu hwindzo, khu mahegiso nya litigo, mufumo wu vbuvbago gu fanana ni lighama; vathu vaye u si litigo ni lidimi va ganelago,