Gililo 4:17 - Bhibhiliya Nya Guage

¹⁷ Maho yathu ma di fuvila khu gu vbweta giphaso hi si gi woni, hi garala khu gu khedzisela vathu va si kodzigo guta hi vbulugisa. Sade

Gililo 4:17 Iomraidhean Croise

2 Dzipfhumu 24:7

Mufumeli wa Egipito, gima kha nga duga gambe ni masotshwa khu tigoni gwaye, kholu mufumeli wa Bhabhiloni, a di dzega satshavbo iso si nga bani si gu lumba mufumeli wa Egipito, gukhugela tsongo wa Egipito, kala tsongoni wa Ewufrate.

Isaya 20:5

Khavbo avbo, avo va nga bani na va gu tumba Etiyopiya ni gu dzi khusedza khu Egipito, va na ndrendremela va khala dzitshoni.

Isaya 28:18

Gidzumeledzwano gyanu mu hungidego ni lufu gi na futwa, ni wupari mu hungidego ni litigo nya vafi, kha wu na tiya; ni avbo wu natago talo nya mati ni tsayiso wanu, mu na ta kukulutwa khuwo.

Jeremiya 2:18

Gasi olu, ga gu phasa ginani gu tutuma u bwelela Egipito, u ya sela mati nya tsongo wa Nilo? Gwa gu phasa ginani gu tutuma u hongola Asiriya, gasi u ya sela mati nya tsongo wa Ewufrate?

Jeremiya 2:36

Khu ginani u vbiredzelago gu diga ndzila nya mavbanyelo yago? Dziti nya gukhuwe Vagipiti va na gu thela dzitshoni, kha nga idzo u giridwego khidzo khu Vaasiriya.

Jeremiya 2:37

U na wuya khiyoyo u na rwade mawogo hungoni, kholu Pfhumu Nungungulu kha va vbweti avo u va tumbago, gima khu na dugelela khu gu phaswa khavo.

Jeremiya 8:20

Hi vbedzide guvbwera, yi vbindride nango nya maronga, aholu hi si gu vbanyiswi.”

Gililo 1:19

Nyi ranide dzipari dzangu, aholu avo va di nyi ningela. Vaphasi nya mhamba ni madhota yangu va mbembide dhoropani, gikhati va nga bani va gu vbweta guhodza nya guvbanyise hefemulo. Resi

Gililo 1:7

Olu, ga matshigu yaya nya wuvi ni gutshaniseka, Jerusalema a ngu alakanya silo saye nya gu si gole ngudzu, si nga bani si mu lumba ga matshigu ma vbindridego; avbo vathu vaye va nga thegela mandzani ga nala wawe, mwalo ni moyo a nga tago a ta mu phasa, valala va di mu hega ni gu mu tsorodzela khu guthega gwaye. Heti

Gililo 5:6

Hi dzi ningede ga Vagipiti ni ga Vaasiriya, gasi va hi phasa khu gu hi ninga guhodza.

Ezekiyeli 29:16

“Egipito gima kha na tumbega gambe ga litigo la Israyeli, aholu gu na gira gialakanyiso nya guvivbe a giridego gikhati va lombidwego giphaso. Khavbo va na dzitigo gukhavo kheni Mune Pfhumu Nungungulu.”