Gililo 3:57 - Bhibhiliya Nya Guage

⁵⁷ Litshigu nyi gu ranidego U hidzimede vbafuvbi gwangu, u nyi embela, khuwe: “U nga thavi.” Resi

Gililo 3:57 Iomraidhean Croise

Genesi 26:24

Pfhumu Nungungulu a di dzi wonegisa gwaye ni wutshigu, a mu embela, khuye: “Eni kheni Nungungulu wa babe wago Abrahama. U nga thavi gilo, kholu, Eni nyi nago, nyi na gu kategisa, nyi engedzela melego wago, khu kotani ya githumi gyangu Abrahama.”

2 Dzipfhumu 19:6

khavbo avbo, Isaya a di va embela, khuye: “Mu naya embela mune wanu, khenu: Pfhumu Nungungulu a ngu ganela, kharati: U nga thavi khu kotani nya magana yoyo u ma pwidego, ayo nyi nga vadwa khayo khu sithumi sa mufumeli wa Asiriya.

Dzindzimo 138:3

Litshigu nyi nga lila gwago, u nyi hakhide; u engedzela tshivba nya hefemulo wangu.

Dzindzimo 145:18

Pfhumu Nungungulu womo vbafuvbi ni vatshavbo va mu ranago, ni ga vatshavbo va mu lombago khu lisine.

Dzindzimo 69:18

Hidzimela vbafuvbi gwangu u nyi vbulugisa mandzani ga valala vangu.

Isaya 41:10

u nga khali hwanga, kholu eni nyi nago; u nga vbeli tshivba, kholu eni kheni Nungungulu wago; nyi na gu tiyisa ni gu gu phasa, nyi gu seketela, nyi gu phara khu libogo langu la nyamudye nya gutumbege.

Isaya 41:14

U nga thavi, uwe livelego la Jakobe, enu mitshaledwa ya Israyeli; kholu eni kamwe nyi na gu phasa.” A ngu ganela Pfhumu Nungungulu, Mudzegisi wago, khuye a Agidego wa Israyeli.

Isaya 58:9

Khavbo avbo, wa gu rana Pfhumu Nungungulu, a na gu hakha; wa gu khusa lito u lomba guphaswa, Uye a na hakha, khuye: Nyi womo avba! Isoso si na kodzega basi mwa gu tshulani mikanga mu gu nayo, ni gu diga gu sungedza muthu khu nyala ni gu ganela silo nya malipha

Jeremiya 1:17

Aholu uwe, khuga u ema u dzi hunga giwunu khu libhandri, u va embeledzela satshavbo nyi na gu rumago; u nga vbeli tshivba mbeli gwawe, kholu gimwalo gi na gu thelago hwanga.

Mithumo 18:9

Ni wutshigu, Pfhumu a di embela Pawulo khu umo nya giwoniso, khuye: “U nga thavi gilo, simama gu ganela, u nga deguli,

Mithumo 27:24

yita nyi embela, khiyo: ‘Pawulo, u nga khali hwanga kholu uwe u ngu vbwetega guya vboha mahoni ga Sezari. Khu kotani yago, Nungungulu a na vbanyisa vathu vatshavbo u gu navo ngalavani.’

Vahebheru 7:19

Nayo wa Mosi gimwalo ni gimwegyo nya guvbelele wu giridego. Wu diri nyangwa nya gu hi yise ga gitumbo nya gyadi hi dzi kodzago khigyo gu hidzimela vbafuvbi gwa Nungungulu.

Jakobe 4:8

Hidzimelani vbafuvbi ga Nungungulu, uye nuye a na mi hidzimelela. Hambani mandza, enu sighohi! Agisani myonyo yanu, enu vapfhadzi.

Gutuledwa 1:17

Gikhati nyi nga mu wona, nyi di thega migondroni gwaye kha nga muthu nya gufe. Aholu, uye a di nyi handzega libogo laye la nyamudye, khuye: “U nga thavi! Eni kheni Guphela ni Guhegisa.

Gutuledwa 2:10

U nga khali hwanga khu gu wona gutshaniseka gu gu viredego. Ndrani nya matshigu yaya, Sathane a na khothela pasoni vambe ni vambe vbakari nya libandla lanu, gasi gu va lingwa. Mu na wona gutshaniseka nya gukhongolo gipimo nya likhumi matshigu. Tumba kala gufa, nyi na gu ambagisa gihugu nya womi nyamba bela.