Gililo 3:40 - Bhibhiliya Nya Guage

⁴⁰ Hongoleni hi khedzise mavbanyelo yathu, hi wuye ga Pfhumu Nungungulu.

Gililo 3:40 Iomraidhean Croise

2 Dzikoronika 30:6

Khu guralo, myango yi di phalalega gumogo ni malangalila, ma nga lowago khu mufumeli ni manganagana yaye tigoni gwatshavbo ga Israyeli ni ga Judha, va tivisa kha nga guleletisa ga mufumeli a nga khuye: “Enu va na Israyeli, vbindrugedzani mavbanyelo mu wuye ga Pfhumu Nungungulu wa Abrahama, wa Isaki ni wa Israyeli; gasi a wuye ga enu mu vbulugidego khu mandzani ga vafumeli va Asiriya.

2 Dzikoronika 30:9

Kholu mwa gu vbindrugedzani mu wuya ga Pfhumu Nungungulu, vandriyanu ni sanana sanu, va na tsetseledwa khavo va va modego, va va wuyisa ga litigo leli; kholu Pfhumu Nungungulu wanu, tade khu gisiro ni wuhindzi. Gima kha na thendregedza a mi sihela khovbe yaye, mwa gu vbindrugedzani mu wuya gwaye.

Dzindzimo 119:59

Nyi khade nyi alakanyela mavbanyelo yangu, nyi vbindrugedzide nyi landrisa milayo yago.

Dzindzimo 4:4

Thavani mu nga ghohi gambe, pimisani khu myonyoni gwanu na mu lade mu dzi rudzisa.

Isaya 55:7

Muthu nya guvivbedwe khu monyo a na dige ndzila yaye nya guwegele, ni oyu nyamba lulama a na dige mipimiso yaye; a na vbindrugedze mavbanyelo a wuya ga Pfhumu Nungungulu, uye a na mu pwela gisiro, wuyani ga Nungungulu wathu, kholu tade khu wuhindzi ni gutsetselela.

Ezekiyeli 18:28

A gu sambanya gu diga guvivba gwatshavbo a giridego, uye khu lisine a na vbanya kha nafa.

Hoseya 12:6

Khu guralo, vbindrugedza u wuya ga Nungungulu wago, gira wuwadi ni gululama u tumba Nungungulu wago gikhati gyatshavbo

Hoseya 5:15

Nyi na bwelela nyi wuya wulanga wangu, kala avo va dzumela nandru wawe, va zama gu wona khovbe yangu; na vari guvbisegani, va na nyi vbweta na gu ngari dzimindru.

Hoseya 6:1

Deluni, hi wuye ga Pfhumu Nungungulu, kholu uye a hi bayiside, gambe a na hi vbanyisa, a hi thede silondra aholu a hi hungelela.

Mithumo 26:20

Guphela nyi di tshumayela dhoropani ga Dhamasiko, nyi bela Jerusalema ni litigo latshavbo la Judheya nyi vbindrela mayigoni ya vbavbandze. Ga vatshavbo nyi tivisa gukheni gu vbwetega gu vbindrugedza mavbanyelo, va diga sighoho sawe, va wuya ga Nungungulu, va yeyedze gu vbindrugedza gwawe khu mithumo ya yadi.

1 Vakorinto 11:28

Muthu ni muthu a na dzi lole uye mune wurumba waye, na si gu hodzi gibaba ni gu sela gikombe gya Pfhumu.

1 Vakorinto 11:31

Gasi ha gu dzi lola ethu vamune hi dzi lamula, kha hi na lamudwa khu Nungungulu.

2 Vakorinto 13:5

Nga dzi wudzisani mapimoni gwanu, mu wona mwendro mu ngari nago gukhodwa. Nga dzi khedzani wurumba wanu kha mu dziti gukhenu Jesu Kristo, womo vbakari gwanu, gani? Mwendro mwa gu dzipwa mwa sa hakhwani khu Nungungulu!

Dhewuteronome 4:30

Gikhati u na manago sigaradzo, ni silo satshavbo soso si na gu vbohelago khu matshigu nya guhegise, u wuya ga Pfhumu Nungungulu wago, u yingisa lito laye,