Gililo 3:38 - Bhibhiliya Nya Guage

³⁸ Makategwa ni dzimhango kha si dugi khu kanani ga wule a Khusegidego Ngudzu, gani?

Gililo 3:38 Iomraidhean Croise

2 Samuweli 16:10

Mufumeli a di khuye: “Ginani nyi gu nagyo nanu enu madzahanu ya Zeruwa? Mu digeni a hembulule, Pfhumu Nungungulu a gu bani a mu rumide gukhuye vala Dhavhidhe, khu mani a na mu embelago, khuye: Khu ginani u girago isoso?”

Joba 2:10

Joba a di mu hakha, khuye: “Wa gu ganela kha nga nyamayi nya gipumbu. Ina hi yede gu hakha basi iso nya sadi khiyo ga Nungungulu, nyamba hakha iso nya guvivbe, gani?” Khu satshavbo soso, Joba gima kha dzi nyenyezisa khu gu ganela khu likana laye.

Dzindzimo 75:7

Nungungulu khuye mulamuli a gu neredza vambe, a khusedza vambe.

Mavingu 29:26

Vathu nya vangi va gu vbweta gukhavo va godwe khu vafumeli, aholu Pfhumu Nungungulu khuye basi a lamulago vathu vatshavbo.

Muhevbudzi 7:14

Tsaka khu matshigu nya makategwa; aholu khu matshigu nya gutshaniseke alakanya Nungungulu a giridego eli litshigu ni lile, gasi muthu a si tuguli iso si natago khu hwane gwaye.

Isaya 45:7

Eni nyi ngu wumba wenengedzo ni gu gira gidema; nyi ngu tsakisa muthu, nyi bwelo khavbo nyi mu rumela sigaradzo; eni Pfhumu Nungungulu nyi ngu gira silo satshavbo sesi.”

Jeremiya 32:42

Kholu Pfhumu Nungungulu, a ngu ganela kharati, khuye: Kha nga nyi giredego vathu vava dzimhango nya dzikhongolo, nyi na va resela gambe makategwa yatshavbo nyi va tumbisidego.

Amosi 3:6

Ina gu ngu wombwa pundru dhoropani, vathu va si ndrendremeli khu hwanga, gani? Ina gu ngu kodzega gu dugelela mhango dhoropani nyambata khiyo ga Pfhumu Nungungulu, gani?