Gililo 3:25 - Bhibhiliya Nya Guage

²⁵ Pfhumu Nungungulu khwadi ga vale va mu tumbago ni mihefemulo yi mu vbwetago.

Gililo 3:25 Iomraidhean Croise

Genesi 49:18

Nya gu khedzisela guvbanyisa gwago, Uwe Pfhumu Nungungulu!

1 Dzikoronika 28:9

Gasi uwe mwanangu Solomoni, gu vbweta uti Nungungulu wa babe wago, u mu thumela khu monyo wago watshavbo, ni hefemulo wago watshavbo; kholu Pfhumu Nungungulu a ngu khedza maalakanyo nya myonyo yatshavbo, a gu pima makungo ni maalakanyo yatshavbo nya monyo; wa gu mu vbweta u na mu mana, aholu wa gu mu diga, Uye a na gu dzudzuga hwindzo kala gupindruga.

2 Dzikoronika 15:2

Uye a di hongola ga Asa, aya mu embela, khuye: “Nyi yingiseni, uwe Asa, ni enu mwatshavbo va na Judha, ni va na Bhejami! Pfhumu Nungungulu a na ni enu, na mu ngari naye, mwa gu mu vbwetani, Uye mu na mu mana; aholu mwa gu mu digani, Uye nuye a na mi diga.”

2 Dzikoronika 19:3

Ambari khu guralo, u di thumide silo nya sadi, kholu u duside tigoni madingo nya vanungungulu nya sifananiso, u vbweta Pfhumu Nungungulu khu monyo wago watshavbo.

2 Dzikoronika 30:19

a dongisedego monyo waye, gu vbweta Pfhumu Nungungulu, Nungungulu wa vababe vawe; ambari na va sa agiswa mayelano ni fanelo ya Nyumbani nya Guage.”

2 Dzikoronika 31:21

Ni ga thumo watshavbo a wu phedego nya Nyumba ya Nungungulu, nya Nayo nuwo nya sileletelo, gasi guvbweta Nungungulu waye khu monyo waye watshavbo. A di dugelela ga silo saye satshavbo.

Ezira 8:22

Kholu eni nyi di khala dzitshoni gu lomba ga mufumeli, masotshwa ni vakhileli nya dzikavalu, gu va hi vhikele ga valala ndzilani; kholu ethu hi di ganede ga mufumeli hi mu embela, khethu: “Gyandza gya Nungungulu wathu, gyomo ga vatshavbo vale va vbwetago wuwadi; aholu tshivba yaye ni likhulo laye, sa gu dwana ni vatshavbo vale va mu pfhurarelago.”

Dzindzimo 105:3

Dhumisani lina laye nya gukatege; va na tsake avo va vbwetago Pfhumu Nungungulu.

Dzindzimo 119:2

Va kategide avo va girago guhaladza gwaye, avo va mu vbwetago khu monyo wawe watshavbo.

Dzindzimo 22:26

Sisiwana si na hodza si khura; avo va vbwetago Pfhumu Nungungulu, va na mu rungudza. Myonyo yawe yi na vbanye kala gupindruga.

Dzindzimo 25:8

Pfhumu Nungungulu khwadi, gambe lulamide, khu guralo, a ngu nonedza ndzila sighohi.

Dzindzimo 27:14

Tumba Pfhumu Nungungulu u tiya, tiyisa monyo wago, u tumba Pfhumu Nungungulu.

Dzindzimo 27:8

Monyo wangu wu ngu nyi embela, khuwo: “Vbweta khovbe yaye.” Khu guralo, nyi na vbweta khovbe yago Pfhumu Nungungulu.

Dzindzimo 37:34

Tumba Pfhumu Nungungulu, u landrisa ndzila yaye; uye a na gu khusedza a gu ninga gu fumela litigo, u na wona gumbemba gwa va nya guvivba.

Dzindzimo 37:7

Tumba Pfhumu Nungungulu u vega gwaye gitumbo gyago, u nga garadzegi khu vale va dugelelago guvbanyani gwawe, khu kotani nya muthu a thumisago wurena.

Dzindzimo 39:7

Gasi eni, Pfhumu, nya gu tumba ginani? Uwe khuwe gitumbo gyangu.

Dzindzimo 61:1

Nungungulu, yingisa huwa nya wuvi wangu, hakha nombelo wangu.

Dzindzimo 61:5

Uwe U Nungungulu wangu, u yingiside sisambanyo sangu, U nyi ningide thomba yi lumbago vale va thavago lina lago.

Dzindzimo 69:32

Avo va sanisekago va na si wone va nengela khiso; gasi enu mu vbwetago Nungungulu, myonyo yanu yi na tsake

Dzindzimo 71:14

Aholu, eni nyi na vega gwago gutumba gwangu, nyi na simama gu gu dhumisa gikhati gyatshavbo.

Isaya 25:9

Khu litshigu lolo, va na ganela, khavo: “Wonani, oyu khu Nungungulu wathu, hi mu tumbidego a na hi vbanyisa, khuye Pfhumu Nungungulu, oyu hi mu viredego, hi na tsake hi nengele khu guvbanyisa gwaye!”

Isaya 26:9

Hefemulo wangu wa gu vbweta uwe wutshigu watshavbo, gu ngari dzimindrudzile, hefemulo wangu wa gu vbweta uwe; kholu milayo yago yi ngu gimbidzisa vathu mafuni, vathu va tigoni, va na hevbule gululama.

Isaya 30:18

Ambari khu guralo, Pfhumu Nungungulu a ngu lirela litshigu nya gu mi pwele wuhindzi; Uye a na simama a mi pwela wusiwana, kholu Pfhumu Nungungulu nya gululame; va kategide vatshavbo vale va mu tumbago.

Isaya 40:31

aholu vale va tumbago Pfhumu Nungungulu, va na wusedzwa tshivba yawe, va vbuvba khu mambapi gu fanana ni maghama, va na tutuma nyamba garala, va gimbila nyamba vbela tshivba.

Isaya 55:6

Vbwetani Pfhumu Nungungulu, na gu nga gu dzumela gu mu mana; mu raneni olu a guromo vbafuvbi.

Isaya 64:4

Kholu gukhugela gikhati gya gale, gu si gu pwali silo nya nga esi, ambari khu dzindzeve, mwalo a si pwidego, mwendro khu maho gu wona Mumbe Nungungulu, vbavbandze ga uwe, u girelago nya singi vale va gu tumbago.

Gililo 3:26

Khu guralo, gwadi muthu gu rudzisa monyo a khevisela guvbanyisa gwa Pfhumu Nungungulu.

Hoseya 10:12

Dzi yaleleni gululama mwabune, mu vbwera mihandro nya wuwadi limani wulime nya mahange yanu, kholu egi khu gikhati nya guvbwete Pfhumu Nungungulu, kala a wuya, ata vbaladza gululama vbakari gwanu.

Sofoniya 3:8

Khu kharato, Pfhumu Nungungulu wari, khuye: “Nyi lindreleni, kala litshigu nyi na wugago nyita mi phanga. Kholu gikungo gyangu khegi nya gute tombanisa mayigo, nyi tshanganisa mifumo; gasi nyi kodza guta guhula giviti gyangu, ni guvbisega nya likhulo langu latshavbo vbatshani gwawe. Kholu litigo leli latshavbo li na dagarela khu nilo nya guvbenye gwangu.”

1 Vatesalonika 1:10

Olu, na mu gu lindrela guwuya ga Mwanaye, Jesu, khu Ndzadzini, oyu a mu wusidego khu ga vafudego, a na hi vbulugisa ga libango li na gutago.

Jakobe 5:7

Khu guralo, vandriyangu, timiselani kala Pfhumu yi wuya. Wonani edzi mulimi a timiselago khidzo, kala lithembwe laye li ninga mihandro nya yadi. Uye a gu timisela, a gu virela ndzadzi nya guphele ni eyi nya guhegise.