Gililo 2:4 - Bhibhiliya Nya Guage

⁴ Khwandride wulaho waye kha nga nala, a phara gighalala khu libogo la nyamudye a dwana gukhwatshi nala wathu a khungumula satshavbo si nga bani si hi nengedzisa; a guhula likhulo laye kha nga nilo wa tshatshani ga nyamahegyane wa Siyoni. He

Gililo 2:4 Iomraidhean Croise

2 Dzikoronika 34:21

“Indrani mu ya wudzisa khu lina langu ga Pfhumu Nungungulu, ni lina la mitshaledwa ya na Israyeli ni ya na Judha, mayelano khu libhuku leli li tugudwego, kholu likhulo la Pfhumu Nungungulu likhongolo ngudzu vbatshani gwathu, kholu vababe vathu kha va landrisa magana ya Pfhumu Nungungulu ni gu gira kha nga idzo gu lovidwego khidzo umo nya libhuku leli.”

2 Dzikoronika 34:25

Kha nga olu avo va nyi digidego, vaya vbisela libani vambe vanungungulu nya malipha, va wusa likhulo langu khu mithumo yatshavbo ya mandzani gwawe; khu guralo, likhulo langu li khondride ga wulanga wowu, gambe gima kha li na tshimega.

Joba 19:11

A di khondra khu likhulo laye vbatshani gwangu, a nyi wona kha nga nala waye.

Joba 6:4

Kholu nyi payidwe khu sighalala sa mune nya Tshivba Yatshavbo, wuhungu wawe wu ngu phalalega ni mili wangu watshavbo. Nungungulu somide gu nyi thusedzela.

Dzindzimo 37:14

Va nya guvivba va gu homola matshari, va ghwimba wulaho gasi gu songa vale va gimbilago khu ndzila nya gululame, ni gisiwana ni khulungu.

Dzindzimo 7:13

A mu dongisede matshari nya gusonge a seketela sighalala saye nya nilo.

Isaya 42:25

Khu guralo, uye a di vbaladza likhulo laye vbatshani gwawe, ni nyimbi nya guthise ni gu va fenengedza khu malavbelavbe nya nilo vbakari gwawe, ambari khu guralo, kha va si pima; va dagarede khuwo, aholu kha va khathala khu gilo.

Isaya 63:10

Aholu avo va di mu yeyisa va swihadza Liphuvbo laye nya Guage; khu guralo, uye a di dzi gira nala wawe, uye kamwe a di dwana navo.

Isaya 63:6

Khu kotani nya likhulo langu, nyi di gandredzela mayigo nyi va levisa, nyi vbaladza novba wawe mafuni.

Jeremiya 10:20

Tshatsha wangu wu pfhungumudwe, ni dzingodzi dzakone dzi kaviledwe; sanana sangu si nyi digide, kha nyi si woni gambe; mwalo a tshadego nya guwuse tshatsha wangu ni gu ghwimba matanga yaye.”

Jeremiya 21:12

Uwe nyumba ya Dhavhidhe! Pfhumu Nungungulu a ngu ganela kharati, khuye: Vbadzimindrutunu lamulani khu gululama, tshudzisani avo va tshaniswago, gasi likhulo langu li si dzuri nga nilo, li vbisa nyamba tshimwa khu muthu, khu kotani nya mithumo yanu nya guvivbe.

Jeremiya 21:5

Eni kamwe wurumba wangu, nyi na dwana nanu khu gyandza nya gukhugege, nyi na mi veta khu libogo nya tshivba, na nyi tade khu gugoroga ni likhulo nya likhongolo ngudzu.

Jeremiya 30:14

Vatshavbo avo u nga bani u gu haladzana navo olu va gu divade, kha va wudzisi gambe khuwe; kholu nyi gu bayiside kha nga idzo nyi bayisago khidzo nala, nyi gu ningide tsayiso nya guthise, kholu guvivba gwago gukhongolo ngudzu ni sighoho sago singi ngudzu.

Jeremiya 36:7

A gu dzina saye nombelo wawe wu na vboha mbeli ga Pfhumu Nungungulu, muthu ni muthu a vbindrugedza ndzilani gwaye nya guwegele, kholu likhulo li tivisidwego khu Pfhumu Nungungulu ga vathu vava, likhongolo ngudzu.”

Jeremiya 4:4

Khalani vathu va hanidego wugwera mahoni gwa Pfhumu Nungungulu, dusani guvivba gwa myonyoni gwanu enu vathu va Judha ni enu vavbanyi va Jerusalema, gasi mu sivbyi khu nilo nya likhulo langu, nyamba manega ni moyo nya gu wu tshime, khu kotani nya mithumo yanu nya guvivbe.

Jeremiya 42:18

Kholu Pfhumu Nungungulu nya Tshivba Yatshavbo, Nungungulu wa Israyeli, a ngu ganela kharati, khuye: “Mwa gu hongolani tigoni ga Egipito, guvbisa nya likhulo langu li na thegela vbatshani gwanu kha nga idzo li thegedego khidzo vathu va Jerusalema. Mu na hembuludwa ni gu vadwa khu vathu, mu na khala gilo nya gihegiso, litigo lanu, kha mu na tshuka mu li wona gambe.”

Jeremiya 7:20

Khu guralo, Pfhumu Nungungulu a ngu ganela kharati, khuye: “Wonani nya gukhenu giviti ni likhulo langu, si na vbalagela wulanga wowu, vbatshani nya vathu, vbatshani nya sirengo, vbatshani nya misimbo ya khabini ni mihandro ya mafuni; li na khondra nyamba tshimega gambe.”

Gililo 1:13

Rumede nilo khu vbatshani wu ta vbisa marambo yangu. A nyi dembide khu naphwi nyi tshunganela nyi thega khu nyagihwane; a nyi tshide na nyiri marumbi, nyi khala gutshanisekani litshigu latshavbo. Nuni

Gililo 2:5

Pfhumu a vbindrugedzide a khala nala, a mbembisa Israyeli, a pfhungumula ni gu khungumula dzinyumba dzaye dzatshavbo nya wufumu ni makhokhola yaye yatshavbo, a andrisa wuvi ni gililo ga nyamahegyane wa Judha. Vau

Gililo 3:3

Gikhati gyatshavbo mandza yaye momo vbatshani gwangu; litshigu latshavbo kha garali khu gu nyi veta. Bet

Gililo 4:1

Gasi yi pfhurede kharini ndralama! Ndralama yi hutidwego yi pfhurede kharini! Siwindri sa wulangani nya miphaso si mbambamede umo nya mahandzakanya yatshavbo nya dzindzila! Bet

Gililo 4:11

Pfhumu Nungungulu vbohide mahegiso nya likhulo laye, vbaladzide likhulo laye, rothide nilo Siyoni wu nga vbisago siseketelo nya madingo yaye. Lamed

Ezekiyeli 13:13

Khu kotani nya isoso, Mune Pfhumu Nungungulu, a ngu ganela kharati, khuye: “Khu likhulo langu nyi na rumela gingulu, ni guwa ndzadzi nya yikhongolo, ni gu thega maralala, gasi guta khungumula libhiyo lolo.”

Ezekiyeli 20:34

Nyi na mi wuyisa khu vbakari nya vathu, nyi mi tombanisa khu vbakari nya mayigo mu phalalegedego umo, khu mandza ni libogo nya tshivba, ni likhulo langu.

Ezekiyeli 22:22

Kharati kha nga parata yi nyiviligago vbagikhotunu, kharato nenu mu na nyiviliga vbakari gwaye, mu na dzitini nya gukhenu eni Pfhumu Nungungulu, nyi guhude likhulo langu vbatshani gwanu.”

Ezekiyeli 24:25

Khu guralo, uwe mwamana wa muthu, ga litshigu eni nyi na va duselago likhokhola lawe, gunengela gwawe, wuzundzo wawe, igyo gi tsakisago maho yawe gumogo gambe ni sanana sawe nya sikhwathana, nesi nya sagadzyana, ligolo nya likhongolo nya womi wawe.

Ezekiyeli 36:18

Khu guralo, nyi na guhula likhulo langu vbatshani gwawe, khu kotani nya novba va wu vbaladzidego mafuni, va bwelo khavbo va dzi nyenyezisa khu sifananiso sawe.

Ezekiyeli 5:13

Khu guralo, li na vbela likhulo langu, ni khorodza yangu yi na bosa, nyi tangala; khavbo va na dzitigo gukhavo Eni, kheni Pfhumu Nungungulu, nyi ganedego khu guvbisega gwangu, avbo gu na tadzisegago likhulo langu.

Ezekiyeli 6:12

Uye a guromo hwindzo a nafa khu tungu, uye a guromo vbafuvbi a nafa khu litshari, uye a na tshalago a nafa khu ndzala. Kharato, nyi na rumela likhulo langu avbo gwawe.

Ezekiyeli 7:14

Ambari mwa gu womba pundru, mu dzi dongisela gwadi, mwalo ni moyo a na hongolago nyimbitunu, kholu likhulo langu lomo vbatshani ga gidzemo gyatshavbo.”

Levhi 26:17

Nyi na mi pfhurarela, mu na padwa khu valala vanu, mu fumedwa khu avo va mu nyenyago; khu guralo mu na tutuma nyamba lundrwa khu muthu.

Nahume 1:2

Pfhumu Nungungulu nya wufu ni gu dzi phodzela! Pfhumu Nungungulu a ngu dzi phodzela na tade khu likhulo! Pfhumu Nungungulu a ngu dzi phodzela ga avo va mu wugelago, na gu yeyedza likhulo laye ga valala vaye.

Nahume 1:6

Khu mani a na gu emago mbeli nya likhulo laye? Khu mani a tiyelago guvbisa nya likhulo laye? Likhulo laye li vbalagide nga nilo, khungumulede siwindri mbeli gwaye.

Dhewuteronome 32:22

Kholu wu khondride nilo nya likhulo langu, wu dzura kala phalani nya guete nya vafi; wu vbisa mafu gumogo ni mihandro yaye, wu na nyiviligisa matshina nya sigomo.

1 Samuweli 28:16

Samuweli a di mu embela, khuye: Khu ginani u nyi wudzisago, narigu Pfhumu Nungungulu a gu digide a vbindrugedza a khala nala wago?