Gililo 2:21 - Bhibhiliya Nya Guage

²¹ Sanana ni sikhosane si mbambamede mu dzindzilani. Dzimbiri ni madzaha yangu va sasedwe khu matshari. U va songide khu litshigu nya likhulo lago, u va mbembisa nyamba va tsetsa. Tau

Gililo 2:21 Iomraidhean Croise

2 Dzikoronika 36:17

Khu guralo, a di va rumela mufumeli wa Vakalidhiya a ta va sasela a songetela madzaha yawe khu matshari nyumbani gwawe nya miphaso: Kha pwela gisiro madzaha ni vanyamahegyane, ambari khu sikhosane nya dzinvi; vatshavbo Nungungulu a di va ningela mandzani gwaye.

Isaya 27:11

Avbo ma na bangago matamo yaye, va na ma fanyeledzela, va ta vanyamayi va ta vasa khayo nilo va ma gira dzikhuni, kholu vathu vava khandri vathu nya mapimo, khu guralo, mugiri wawe kha na va pwela gisiro, ni muvangi wawe kha na va tsetselela.

Jeremiya 11:22

Ina, Pfhumu Nungungulu nya Tshivba Yatshavbo a ngu ganela kharati, khuye: “Wonani, eni nyi na va tsayisa; madzaha ma na songwa khu litshari, ni sanana sawe nya sikhwathana ni sagadzyana si nafa khu ndzala.”

Jeremiya 13:14

Nyi na va vbadzulela va khala khu sipandre va pandrana khu gyawe, vavelegi gumogo ni sanana, a ngu ganela Pfhumu Nungungulu; gima kha nyi na va divalela ni gu va tsetsa ambari gupwa gisiro khu avo gasi nyi si va mbembisi.

Jeremiya 18:21

Khu guralo, sanana sawe si na vbele khu ndzala, va na sasedwe khu matshari; vagadzi vawe va na wandredwe sanana, ni gu khala dzinoni; vama vakone va na vbele khu tungu, madzaha yawe ma na sasedwe khu matshari nyimbitunu.

Jeremiya 21:7

“Khu hwane nya esi, Pfhumu Nungungulu a ngu ganela khuye nyi na ningela Zedhekiya, mufumeli wa Judha, manganagana yaye, vathu vaye ni vatshavbo va na gu vbulugago gufa khu tungu, gu sasedwa khu matshari ni gufa khu ndzala, mandzani ga Nabhukodhonosori, mufumeli wa Bhabhiloni, ni mandzani ga valala vaye, ni ga vatshavbo va zamago gu mu songa; va na va sasela khu matshari, nyamba va tsetsa ambari gu va pwela gisiro.”

Jeremiya 4:31

Kholu nya gupwa lito nya miketo nya gufanane ni nyamayi a lumwago, miketo nya wuvi ya nyamayi nya tiwula. Lito la lidhoropa la Siyoni li lilago na li gu khusa mandza, khilo: Yowe! Nyi fude, hefemulo wangu wu vbede tshivba khu kotani nya vasaseli!

Jeremiya 51:22

nyi gu thumiside gu vbadzulela vama ni vanyamayi; nyi gu thumiside gu vbadzulela sikhosane ni sikhwathana; nyi gu thumiside gu vbadzulela madzaha ni dzimbiri;

Jeremiya 6:11

Khidzo kharato nyi tadego khu likhulo la Pfhumu Nungungulu; nyi garade kha nyi nga gu dzi kodza gu dzi phara. Nyi na li vbaladza likhulo lolo vbatshani ga sanana sawe si gimbilago dzindzilani numo nya mitshangano nya vathu vaphya; kholu vatshavbo mwama ni ngadzi va na modwa gumogo, vama nya vakhongolo ni avo va gumbidego, vatshavbo va na modwa.

Jeremiya 9:20

Enu vanyamayi yingisani magana ya Pfhumu Nungungulu, tulani dzindzeve dzanu dzi yingise magana ma dugago khu kanani gwaye; hevbudzani gililo sanana sanu nya sagadzyana; moyo ni moyo a na hevbudze mata waye ndzimo nya gililo.

Jeremiya 9:21

Kholu lufu li litide li bela khu sihogo nya dzinyumba dzathu, li ya bela ni dzinyumbani nya wufumu; li sasede sanana dzindzilani ni madzaha malangani nya mitendrela nya madhoropa.

Gililo 1:15

Pfhumu theside dzindrena dzangu dzatshavbo dzi nga bani dzi nyi phasedzela, a rambide nyimbi, yi ta sasela madzaha yangu; Pfhumu gandredzede nyamahegyane nya likendzi wa Judha, gukhwatshi a gu gama dzindzawa. Ain

Gililo 1:18

Uye Pfhumu Nungungulu lulamide, aholu eni nyi di bomba sileletelo saye. Yingisani mwatshavbo enu mayigo, mu wona gutshaniseka gwangu. Dzimbiri ni madzaha yangu, va vbagedwe va yiswa wugumbitunu. Qof

Gililo 1:4

Dzindzila nya guhongole Siyoni dzomo gililoni; Mwalo ni moyo atago ga mibuzo yaye, myanya yaye yi pfhungumudwe, vaphasi vaye nya mhamba va gu tsikwila khu marongo, vanyamahegyane vaye va gu tshaniseka, uye mune wurumba tade khu wuvi. He

Gililo 2:17

Pfhumu Nungungulu tadziside gwago makungo yaye; giride iso a nga bani na gu ganela khu matshiguni ya gale. Pfhungumude nyamba pwela gisiro; tsakiside valala vago khu kotani nya guthege gwago, a va engedzede tshivba. Sade

Gililo 2:2

Pfhumu kha gira gisiro khu dzinyumba dzatshavbo dza Jakobe. Khu kotani nya likhulo laye, khungumude makhokhola ya nyamahegyane wa Judha, a ma thesa vbavbatshi; a poyila mifumo ni manganagana aye. Guimel

Gililo 3:43

U fenengedzide khovbe yago khu likhulo gasi u hi landrelela; u hi songide nyambana gisiro.

Ezekiyeli 24:21

Embela vathu va Israyeli, khuwe: Mune Pfhumu Nungungulu a ngu ganela kharati, khuye: Nyi womo vbafuvbi ni gu nyenyezisa nyumba yangu nya miphaso, likhokhola mu dzi khusedzago khilo, li tsakisago maho yanu, gilo gi tangadzisago myonyo yanu. Sanana sanu nya sikhwathana nesi nya sagadzyana mu si tshidego iyoyo, si na songetedwa khu matshari.

Ezekiyeli 5:11

Khu guralo, Mune, Pfhumu Nungungulu, a ngu ganela kharati, khuye: Nyi ngu sambanya khu guvbanya gwangu, khu kotani nya olu u nyenyezisidego Nyumba yangu nya miphaso khu sifananiso sago satshavbo nya gunyenyeze ni mithumo nya guvivbe, eni nyi na dusa gwago gikategiso gyangu. Kha nyi na gu khedza khu maho nya wuhindzi, gambe kha nyi na gu pwela gisiro.

Ezekiyeli 7:4

Kha nyi na gu khedza khu maho nya gisiro, gambe kha nyi na gu tsetselela; aholu nyi na gu tsayisa gukhedza khu makhalelo ni esi u giridego avbo u vbanyago gwago; khavbo avbo, u na nyiti gukhuwe eni kheni Pfhumu Nungungulu.”

Ezekiyeli 7:9

Kha nyi na gu khedza khu maho nya gisiro, gambe kha nyi na gu tsetsa; nyi na gu bweledzela gukhedza khu mithumo yatshavbo nya guvivbe yi guromo vbakari gwago; u na dziti nya gukhuwe kheni, Pfhumu Nungungulu nyi gu tsayisago.

Ezekiyeli 8:18

Khu guralo, nyi na va lamula khu likhulo; kha nyi na va pwela gisiro, gambe kha nyi na va tsetsa. Ambari va gu womba huwa dzindzeveni gwangu, kha nyi na va yingisa.”

Ezekiyeli 9:10

Gasi khu gyangu gipandre, kha nyi na va pwela gisiro, gambe kha nyi na va tsetsa, aholu nyi na thesa mihungoni gwawe gukhedza khu esi va giridego.”

Amosi 4:10

Nyi rumede tungu nya gufanane ni uwo nyi nga rumela Vagipiti. Nyi songa madzaha yanu khu litshari; dzikavalu dzanu dzi di phangwa. Nyi di tadza dzithonvuni gwanu khu gu nunga nya sirumbi nya mabutho yanu; ambari khu guralo, kha mwa vbindrugedzani mu wuya avbo gwangu, a ngu ganela Pfhumu Nungungulu.

Amosi 8:13

Khu litshigu lolo, makendzi nya gumbure ni madzaha ma na dzima khu lidora.

Zakariya 11:6

Khu guralo, Eni kha nyi na nga tsetselela gambe vathu va tigoni momu, a ngu ganela Pfhumu Nungungulu. Wonani nya gukhenu, nyi na ningela vathu, moyo ni moyo mandzani ga muthu kwawe ni mandzani ga mufumeli wawe; avo va na sasela litigo, aholu eni kha nyi na vbulugisa muthu mandzani gwawe.”

Dhewuteronome 28:50

mufumo nya dzihanyi ni khovbe nya guvivbe nyamba pwela gisiro gikhosane ambari gu tsetsa sanana!

Dhewuteronome 32:25

Vbavbandze, va naya sasedwa khu matshari, dzinyumbani va na mbemba khu guvbisa; lidzaha lina mbemba gumogo ni likendzi, gyanana gya beleni gumogo ni gikhosane.

Josuwa 6:21

Satshavbo si nga bani si romo dhoropani va di si khungumulela, va songetela khu litshari vama, vanyamayi, sanana ni sikhosane gumogo ni dzimombe, dzinvuta ni dziburu.

1 Samuweli 15:3

Olu indra uya sasela Amaleki, u mu pfhungumulela muphelo ni satshavbo si mu lumbago nyamba mu tsetsa; khu guralo, u na songetela vanyamayi, ni sanana niso sa beleni, dzimombe ni dzinvuta, dzingameriya ni dziburu.”