Gililo 2:1 - Bhibhiliya Nya Guage

¹ Nga wonani idzo Pfhumu, a fenengedzago khidzo Siyoni khu lipfhi nya likhulo laye! Theside vbavbatshi wudhumo wa Israyeli, wu nga bani wu khugega kala damboni, litshiguni nya likhulo laye kha alakanya gigandredzelo nya migondro yaye. Bet

Gililo 2:1 Iomraidhean Croise

2 Samuweli 1:19

Wuzundzo wago uwe Israyeli wu mbembisidwe musigomoni gwago! Dzi thegide kharini dzindrena.

1 Dzikoronika 28:2

Mufumeli Dhavhidhe a di khuga a ema, a ganela, khuye: Vandriyangu ni enu vathu vangu, nyi yingiseni: Nyi di suvide gu vbaha nyumba nya gukhale umo Ngasa nya Gidzumeledzwano ya Pfhumu Nungungulu, ni gigandredzelo nya migondro ya Nungungulu wathu, eni nyi dongisede iso nya guvbahe khiso.

Dzindzimo 132:7

Hi na bele nyumbani gwaye nya guage; hi na khidzime mbeli nya gigandredzelo nya migondro yaye.

Dzindzimo 89:45

U mu vbungulede myaga yaye nya guvbanye, u wuya u mu thela dzitshoni.

Dzindzimo 99:5

Rungudzani Pfhumu Nungungulu wathu , khidzimani migondroni gwaye, kholu Uye agide.

Isaya 64:11

Nyumba yathu nya wumburi nya guage, umo vababe vathu va nga bani va gu dhumisa umo, yi vbisidwe; sombo sathu satshavbo nya lisima si khungumuledwe.

Jeremiya 30:14

Vatshavbo avo u nga bani u gu haladzana navo olu va gu divade, kha va wudzisi gambe khuwe; kholu nyi gu bayiside kha nga idzo nyi bayisago khidzo nala, nyi gu ningide tsayiso nya guthise, kholu guvivba gwago gukhongolo ngudzu ni sighoho sago singi ngudzu.

Gililo 1:1

Khu ginani li khadego marumbi lidhoropa leli gale li nga bani li tade khu vathu! Lidhoropa leli gale li nga bani liri likhongolo vbakari nya mayigo. Olu li vbindrugedzide li khala noni li nga bani liri ni wudhumo vbakari nya mayigo, olu li khade gisiwana! Bet

Gililo 1:12

Enu mwatshavbo mu vbindrago khu ndzila, nga khedzani mu wona mwendro gomo gumbe gusaniseka gu vbindrago ugo gwangu, ogu Pfhumu Nungungulu a nyi giredego khu litshigu nya likhulo laye. Mem

Gililo 2:17

Pfhumu Nungungulu tadziside gwago makungo yaye; giride iso a nga bani na gu ganela khu matshiguni ya gale. Pfhungumude nyamba pwela gisiro; tsakiside valala vago khu kotani nya guthege gwago, a va engedzede tshivba. Sade

Gililo 4:1

Gasi yi pfhurede kharini ndralama! Ndralama yi hutidwego yi pfhurede kharini! Siwindri sa wulangani nya miphaso si mbambamede umo nya mahandzakanya yatshavbo nya dzindzila! Bet

Gililo 4:11

Pfhumu Nungungulu vbohide mahegiso nya likhulo laye, vbaladzide likhulo laye, rothide nilo Siyoni wu nga vbisago siseketelo nya madingo yaye. Lamed

Ezekiyeli 13:13

Khu kotani nya isoso, Mune Pfhumu Nungungulu, a ngu ganela kharati, khuye: “Khu likhulo langu nyi na rumela gingulu, ni guwa ndzadzi nya yikhongolo, ni gu thega maralala, gasi guta khungumula libhiyo lolo.”

Ezekiyeli 19:12

Aholu wu di sigudwa khu tshivba nya likhulo, wu theswa kala vbavbatshi, phuvbo ya Khugadambo yi di wu wunisa, mihandro yi di dusedwa, ma di fanyega ni gubanga matamo yaye nya gutiye, ma dagarela khu nilo.

Ezekiyeli 24:21

Embela vathu va Israyeli, khuwe: Mune Pfhumu Nungungulu a ngu ganela kharati, khuye: Nyi womo vbafuvbi ni gu nyenyezisa nyumba yangu nya miphaso, likhokhola mu dzi khusedzago khilo, li tsakisago maho yanu, gilo gi tangadzisago myonyo yanu. Sanana sanu nya sikhwathana nesi nya sagadzyana mu si tshidego iyoyo, si na songetedwa khu matshari.

Ezekiyeli 30:18

Tigoni ga Tafinisi, gu na manega gidema vbakari nya mihani, gikhati nyi na fanyeledzelago mikanga ya Egipito, nyi vbedza matshandza nya tshivba yaye; sanana saye nya vanyamahegyane, si na fenengedzwa khu lipfhi si yiswa wugumbini.

Joyele 2:2

Litshigu nya gidema ni gutshaniseka; litshigu nya mapfhi ni gidema nya guphume. Gufanana ni wuronga wu wenengedzago sigomoni, vathu nya vangi ni tshivba va ngu hidzimela, avo nya gu gukhugela gikhati gya gale gima kha va nga manega, ambari khu hwane gwawe kha va na nga manega ga situgulwana ni situgulwana kala gupindruga.

Matewu 11:23

Ahati uwe, Kafarinawume! U na dzi khusedza kala Ndzadzini, gani? U dzi pembide, u na rinywa phalani nya nilo, kholu, nari gupwani siliwugiso si nga girwago mahoni gwago si di giredwe tigoni ga Sodhoma, nolu litigo lolo na li nga romo.

Luka 10:15

Ahati uwe, Kafarinawume! U di vbweta gu khusedzwa kala Ndzadzini, gani? Hulo, u tandregide! U na reledzwa kala vbavbatshi.”

Luka 10:18

Jesu a di va embela, khuye: “Eni nyi di mu wona Sathane na gu thega khu Ndzadzini kha nga nyangafula.

1 Samuweli 4:21

Uye a di riya lina gyanana gyaye khuye khigyo Ikabhoni, kholu a di khuye: “Wu vbede wudhumo wa Israyeli. Uye a di ganela esi, khu kotani nya Ngasa ya Nungungulu yi nga bani yi dzegidwe ni kotani ya nasale ni mwama waye va nga songwago.”

1 Samuweli 4:22

A di engedza gambe, khuye: “Wudhumo wa Israyeli wu hongode, kholu Ngasa ya Nungungulu yi dzegidwe.”