Gililo 1:9 - Bhibhiliya Nya Guage

⁹ Dzingandzu dzaye dzi tade khu ndzilo. Aholu uye kha nga alakanya litshigu nya mahegiso; ni guthega gwaye gu samadziside, aholu kha nga mana ni moyo nya gu mu tangadzise. Wari khuye “Pfhumu Nungungulu, wona wusiwana wangu, kholu nala a ngu ghiya.” Yod

Gililo 1:9 Iomraidhean Croise

2 Samuweli 16:12

A gu dzina saye Pfhumu Nungungulu a na wona gutshaniseka gwangu, a nyi ninga gurula khu kotani nya gu nyi vale gwaye.”

2 Dzipfhumu 14:26

Kholu Pfhumu Nungungulu a di wona tshanisa nya yikhongolo ya na Israyeli, kholu a diri mwalo nya gu tshale, nya tshivba nuye nya gusolege, gu diri mwalo ni moyo nya gu va phasedzele.

Nehemiya 9:32

Gasi olu, Uwe Nungungulu wathu, U Nungungulu nya khongolo U gu ni tshivba yi thavisegidego, U vegedzago gidzumeledzwano ni lihaladzo nya gutumbege; wona nari likhongolo libango leli li thegedego avbo gwathu gukhugela gikhatini ga vafumeli va Asiriya kala na muhuno, ga ethu ni vafumeli vathu, ga vafumeli vathu, ga vaphasi vathu nya mhamba, ga manganagana yathu, ga vaprofeti vathu, ga vababe vathu, ni ga vathu vatshavbo.

Dzindzimo 119:153

Wona gusaniseka gwangu, u nyi vbanyisa, kholu kha nyi divali nayo wago.

Dzindzimo 140:8

Pfhumu Nungungulu, u nga ningi va nya guvivba esi va si vbwetago; u nga dzumeli gukhuwe makungo yawe nya guvivbe maye mbeli, gasi va si ghiyi.

Dzindzimo 25:18

Wona gugaradzega ni guvbisega gwangu, u nyi divalela siwono sangu satshavbo.

Dzindzimo 69:21

Va nyi thelede guhodza nya guthedwe wuhungu nya gusonge, na nyi gupwa lidora va nyi ninga ginageri.

Ekisodha 3:17

Khu guralo, Eni nyi ganede, kheni: Nyi na mi dusani khu wugumbini wa tigoni ga Egipito, nyi mi yisani tigoni ga Vakhanani, ga Vahiti, ga Vaamori, ga Vaferezi, ga Vahevhi ni Vajebhuzi, tigoni gu gogago mahwe ni wulombe.

Ekisodha 3:7

Pfhumu Nungungulu a di engedza, khuye: “Khu lisine nyi wonide gutshaniseka ga vathu vangu va tshaniswago tigoni ga Egipito, gambe dzihuwa dzawe dzi vbohide dzindzeveni gwangu khu kotani nya vatshanisi vawe. Nyi ngu wuti wuvi wawe.

Ekisodha 4:31

Vathu va di khodwa. Avo na va pwide nya gupwani Pfhumu Nungungulu holede sanana sa na Israyeli, a gu wona gutshaniseka gwawe, va di noga va mu khozela.

Muhevbudzi 4:1

Nyi di engedza nyi wona idzo va tshanisanago khidzo vathu omu mafuni; ni marongo ya vale va tshaniswago, na guri mwalo ni moyo nya gu va tangadzise. Vatshanisi vawe va di va wugela, aholu avo va diri mwalo muvhikeli.

Isaya 3:8

Kholu Jerusalema gu tshunganede, Judha thegide, kholu magana ni mithumo yaye, khya gu wugela Pfhumu Nungungulu, va hembulula guwonega nya wudhumo waye.

Isaya 37:17

Uwe Pfhumu Nungungulu, demba ndzeve upwa; tula maho u wona; yingisa magana yatshavbo ya Senakeribhi, ayo a rumedego guta vala khayo Nungungulu a vbanyago.

Isaya 37:23

Gasi khu mani u mu poyidego ni gu mu vala? Khu mani u mu khusedzedego lito ni maho yago nya gu dzi dandrise? U di girela Nyaguage wa Israyeli!

Isaya 37:29

Khu kotani nya likhulo u gu nalo ni Eni, ni matshandza yago ma litide kala dzindzeveni Gwangu, wona nya gukhuwe nyi na gu pola thonvu nyi gu thela khalo, nyi gu thela matomu kanani nyi gu bweledza khu ndzila u dzudego khiyo.

Isaya 37:4

Mwendro saye Pfhumu Nungungulu wago, a ma pwide magana ya Rabhisaki, a rumedwego khu mune waye, mufumeli wa Asiriya, guta vala Nungungulu a vbanyago, a gu dzina saye Pfhumu Nungungulu wago, a na mu tsayisa khu magana a ma pwidego; khu guralo, olu lombelela ga Nungungulu wago khu mitshaledwa ya vathu vaye.

Isaya 40:2

Ganelani khu gutsaka ga Jerusalema, mu mu tiyisa hwambo, khenu gusaniseka nya wugumbi waye guvbede, sighoho saye si futidwe, kholu eni Pfhumu Nungungulu, nyi va vetide gukhedza khu sighoho va giridego.

Isaya 47:7

U di ganela, khuwe: “Eni nyi na khala pfhumugadzi mafuni gwatshavbo kala gupindruga! Kala olu u di si pimisi gwadi silo sesi monyoni gwago, ambari gu dundruga mahegiso ga iso.”

Isaya 51:19

Ga dzimhango dzedzi dza dzimbili dzi gu dugeledego; khu mani a gu bavbudego marongo? Gupfhungumudwa, gumbembiswa, ndzala ni gusasedwa! Khu mani mutangadzisi wago?

Isaya 54:11

Uwe lidhoropa u pwisidwego wuvi, u vetwago khu dziphuvbo nyamba tangadziswa! Nyi na gu vbahedza khu wumburi, wona nya gukhuwe nyi na tsitsa siwindri sago na si mburisedwe khu phembe, nyi na gu tsitsa vbatshani nya siwindri nya safira.

Jeremiya 13:27

Nyi wonide wubhayi ni manavelo yago, wuphuphulu wago nya guvbindre pimo wa musigomoni ni magabini; libango avbo gwago, uwe Jerusalema! Kala lini u si kodzi gu dzi agisa?

Jeremiya 16:7

Gambe mwalo a na gu hodzago navo guhodza nya gililo gasi gu va tangadzisa, kholu va fedwego, ambari gu va ningwa libogo nya gu thaveledwe, ga vale va fedwego khu vavelegi vawe.

Jeremiya 2:34

Mudzitshokani nya dzingandzu dzago gwa gu manega ni novba nya sisiwana esi si gu mwalo nandru, avo u ngamba va mana na va gu phanga. Ambari khu satshavbo soso,

Jeremiya 48:26

Mu leviseni, kholu a dzi khusedzide mbeli ga Pfhumu Nungungulu, Mowabhi, a na puluwundre magoseni gwaye, uye a na khala gilo nya gihegiso.

Jeremiya 5:31

Vaprofeti va di profeta malipha, ni vaphasi nya mhamba va di fuma khu gugola gwawe; gambe khiso si vbwetwago khu vathu vangu. Khu guralo, mu na rini litshigu gu na vbohago mahegiso nya silo sesi?

Jeremiya 50:29

Rambani vatshavbo va kodzago gu khwandra siholoma; va na hekhe litigo la Bhabhiloni, va li randrela gu si dugi ni wa gu duga. Va bweledzeleni gukhedza khu mithumo yawe, satshavbo a mi giredego mu gireleni nuye kharalo; kholu a dzi khusedzide a wugela Pfhumu Nungungulu, Gihathwa gya Israyeli.

Gililo 1:17

Siyoni khusedzide mandza a lombelela, aholu mwalo a mu tangadzisago, Pfhumu Nungungulu leletede valala va Jakobe va mu randrela khu malanga yatshavbo, Jerusalema khade gihegiso mbeli gwawe. Sade

Gililo 1:21

Va ngupwa mahika yangu, aholu mwalo ni moyo a nyi tangadzisago. Valala vangu vatshavbo va gu ghiya khu gupwa guthega gwangu, va tsaka khiso U giridego. Aholu, Uwe Pfhumu vbiredza gu resa litshigu U li tumbisidego gasi vathu va tsayiswa navo nga eni. Tau

Gililo 2:13

Wufakazi muni nyi na gu girelago? Nyi na gu fananisa ni mani uwe nyamahegyane wa Jerusalema? Gasi nyi na gu fananisa ni mani? Gasi gu gu tangadzisa, uwe likendzi la tsindza wa Siyoni? Gilondra gyago gikhongolo nga linene; khu mani a na gi vbodzisago? Nuni

Gililo 4:1

Gasi yi pfhurede kharini ndralama! Ndralama yi hutidwego yi pfhurede kharini! Siwindri sa wulangani nya miphaso si mbambamede umo nya mahandzakanya yatshavbo nya dzindzila! Bet

Gililo 5:1

Pfhumu Nungungulu, alakanya iso si hi dugeledego. Khedza u wona dzitshoni hi gu nadzo.

Hoseya 2:14

Nyi na pilelela misimbo yaye yatshavbo nya vhinya, ni mikandzu yaye, a gu iyo a gukhuye: Owu khu tshatshazelo wangu nyi nga ningwa khu sibhayi sangu; aholu eni nyi na mi gira misimbo nya likhabi, yi hodzwa khu sirengo nya likhabi.

Sofoniya 2:10

Oyu wu na bani na wuri tshatshazelo nya matshandza yawe, kholu va di vala ni gu poyila vathu va Pfhumu, Nungungulu nya Tshivba Yatshavbo.

Johane 11:19

Vajudha nya vangi va di hongode ga Marta ni Mariya, gasi guya va bangaladza khu gufa ga ndriyawe.

Dhewuteronome 26:7

Khu guralo, hi di lila ga Pfhumu Nungungulu wa vababe vathu; Pfhumu Nungungulu a dipwa lito nya gulile gwathu; a wona gutshaniseka, mithumo gumogo ni wuvi wathu;

Dhewuteronome 32:27

Nasiri ga olu nyi thavago matshandza ya valala vawe, va nga hadza gu dzi zundza, va ghiya, va ganela, khavo: Mandza yathu ma khusegide, ma va pade, khandri Pfhumu Nungungulu a giridego satshavbo sesi.

Dhewuteronome 32:29

Naripwani avo va diri vathu nya guti, na va si pimide, va di hadza gu alakanya mahegiso yawe.

1 Pedro 4:17

Kholu gikhati nya gulamudwe gi vbohile. Avo va lumbago Nungungulu va na hegula khavo va lamudwa. Olu hi na phelago khethu hi lamudwa, ginani gi na gu dugelelago ga vale va ngamba hakha Mahungu nya Yadi ya Nungungulu?

1 Samuweli 1:11

A di gira gisambanyo a ganela, khuye: “Ama Pfhumu Nungungulu nya Tshivba Yatshavbo, nari gukhwatshi wa gu wona tshanisa ya githumi gyago, nari pwani nya gu mana wuhigo nya gu nyi ninge gyanana nya gikhwathana, eni nyi di hadza gu gi phasela ga Pfhumu Nungungulu matshigu yatshavbo nya guvbanye gwaye, ni ndzudzu waye, wu di hadza gumba gaywa khu gisingwana.”