Gililo 1:8 - Bhibhiliya Nya Guage

⁸ Jerusalema ghohide ngudzu; khu guralo, a dzi nyenyeziside. Vatshavbo va nga bani va mu zundza, olu va gu mu poyila, khu gu wona wumbwiri waye. Uye abune a ngu dzi wona a sihala khu dzitshoni. Tet

Gililo 1:8 Iomraidhean Croise

Genesi 3:7

Gukhugela avbovbo, ma di tulega maho yawe va vavili, va tugula gukhavo kha va ambala gilo. Khu guralo, va di sonedzela mahagane nya ngonva, va gu gira tshalu.

1 Dzipfhumu 9:6

Aholu enu, gumogo ni sanana sanu, mwa gu nyi pfhurarela, mu diga gu sayisa milayo ni sileletelo sangu, nyi si vegidego mbeli gwanu, aholu, mu khozela vambe vanungungulu mu va khidzimela,

1 Dzipfhumu 9:7

Eni nyi na fuvisa va na Israyeli ga litigo nyi va ningidego; ni nyumba yeyi nyi yi phasedego lina langu, nyi va dzudzuga hwindzo gwangu; Israyeli a na khala gihegiso ni givalo vbakari nya mayigo yatshavbo.

1 Dzipfhumu 9:9

Va na va hakha, khavo: Kholu va nga digago Pfhumu Nungungulu wawe, uye a nga dusago vababe vawe khu tigoni ga Egipito, va gu landrela vambe vanungungulu, va va khidzimela, ni gu va khozela. Khu guralo, Pfhumu Nungungulu a va resedego gutshaniseka gwatshavbo gogu.”

Isaya 47:3

Dzitshoni dzago dzi na tugudwa, vathu va na wona wumbwiri wago; nyi na dzi phodzela nyamba tsetselela ni muthu moyo.

Jeremiya 13:22

Avbo u na ganelago khu monyoni gwago, khuwe: “Khu ginani nyi taledwago khu sigaradzo satshavbo sesi?” Dziti gwadi gukhuwe, talo nya sighoho sago, khiso si giridego u fununguledwa dzitshalu dzago, ni sitshinandro sago si napwa wuvi nya wungi.

Jeremiya 13:26

Eni neni kharato nyi na funungula dzitshalu dzago kala khovbeni gwago; gasi gu wonega dzitshoni dzago.

Jeremiya 15:4

Nyi na va ningela va khala gihegiso ga mifumo yatshavbo ya mafuni; khu kotani ya Manasi, mwamana wa Ezekhiya, mufumeli wa Judha, khu satshavbo iso a giridego Jerusalema.

Jeremiya 24:9

Nyi na va gira gilo nya gisamadziso ni guthisa, ga mifumo yatshavbo ya mafuni nyi na gu va phalalegiselago umo, va na khala gihegiso ni givalo malangani yatshavbo.

Jeremiya 32:23

Avo va bede umo va li dzega va li fuma, aholu avo kha va nga yingisa gilo lito lago, ambari gu landrisa ndzila nya nayo wago. Ga satshavbo esi u nga va rumago gu va gira, ni gimwegyo kha va gira. Khu guralo, u va resedego dzimhango dzatshavbo dzedzi.

Jeremiya 34:17

Khu guralo, Pfhumu Nungungulu a ngu ganela kharati, khuye: “Enu kha mwa nyi yingisani gu tshula vandriyanu muwugumbini. Olu eni Pfhumu Nungungulu, nyi ngu mi embelani gukheni nyi na mi tulelani dzinyimbi dzi ta mi sasela khu matshari, mitungu ni dzindzala; mu na khala gihegiso vbakari nya mifumo yatshavbo ya mafuni.

Jeremiya 4:31

Kholu nya gupwa lito nya miketo nya gufanane ni nyamayi a lumwago, miketo nya wuvi ya nyamayi nya tiwula. Lito la lidhoropa la Siyoni li lilago na li gu khusa mandza, khilo: Yowe! Nyi fude, hefemulo wangu wu vbede tshivba khu kotani nya vasaseli!

Jeremiya 6:28

Vatshavbo va bangide mihungo, sidambane; kholu avo va gu gimbila va phalalegisa milembo, myonyo yawe yi lemede kha nga sugu ni simbi.

Gililo 1:11

Vathu vaye vatshavbo va gu keta khu gu vbweta guhodza. Va rengisede dzithomba dzawe gasi gu renga guhodza va vbanye. “Nyi wone, Pfhumu Nungungulu, nyi khade muthu nya gusolege!” Lamed

Gililo 1:17

Siyoni khusedzide mandza a lombelela, aholu mwalo a mu tangadzisago, Pfhumu Nungungulu leletede valala va Jakobe va mu randrela khu malanga yatshavbo, Jerusalema khade gihegiso mbeli gwawe. Sade

Gililo 2:10

Madhota ya vanyamahegyane va Siyoni ma khade vbavbatshi hayo kape. Va dzi phorodzede nguma hungoni, va ambala silendra, makendzi ya Jerusalema ma nogide dzithamo vbavbatshi. Caf

Gililo 4:21

Tsaka u nengela uwe nyamahegyane wa Edhomi, u vbanyago mayigoni gwa Uzi! Aholu enu nenu mu na sela gikombe nya likhulo la Pfhumu mu na leva mu gimbila wumbwiri nyamba ambala gilo. Tau

Ezekiyeli 23:29

Avo va na gu tshanisa khu livengo, va gu wandrela ni satshavbo sile u si manidego khu gu thuma. Va na gu tshulela dzitshalu va gu diga nuri wumbwiri; gu na tugulega dzitshoni nya wubhayi wago, isoso si na gu dugela khu kotani nya wudogodogo ni wuphuphulu wago,

Ezekiyeli 23:46

Mune, Pfhumu Nungungulu a ngu ganela kharati, khuye: Nyi na va rumela gidzemo nya gingi, nyi va ningela pfilupfiluni ni guphangwani.

Ezekiyeli 39:23

Va nya mayigo va na dziti nya gukhavo va na Israyeli, va di yiswa wugumbini khu kotani nya guvivbe gwawe, kholu va nga nyi wugelago, Eni neni nyi di va sihela khovbe yangu, nyi va ningela mandzani ga valala vawe, vatshavbo va songetedwa khu matshari.

Hoseya 2:10

Uye kha dziti gukhuye kheni nyi mu ningidego tirigu, vhinya ni mafura, nyi mu engedzede ndralama ni parata, a nga si thumisago guphasela khiso Bhahali.

Hoseya 2:3

Ranani vandriyanu nya vama, khenu: “Vathu vangu” ni vandriyanu nya vanyamayi, khenu: “Sigodwa sangu.”

Gutuledwa 3:18

Nyi ngu gu laya gukheni renga gwangu ndralama nya gumburisedwe niloni, gasi u fume; u renga dzingandzu nya guage, gasi u ambale, u siha dzitshoni nya wumbwiri wago; u renga rendre nya maho, gasi u dzi todza u kodze gu wona.

1 Samuweli 2:30

Khu kotani nya isoso, upwani esi a ganelago Pfhumu Nungungulu wa Israyeli, wari, khuye: Eni nyi di ganede ga ndranga ya babe wago ni ndranga yago, gukheni va na nyi thumela kha nga vaphasi nya mhamba kala gupindruga. Olu Pfhumu Nungungulu a ngu ganela, khuye: Kha si na simama. Kholu avo va nyi zundzago, nyi na va zundza neni, aholu avo va nyi kanyisago va na thedwa dzitshoni.