Gililo 1:3 - Bhibhiliya Nya Guage

³ Judha vbagedwe a yiswa hwindzo a tshaniswa a girwa khumbi; a gu vbanya vbakari nya va nya mayigo a si mani gurula. Vatshanisi vaye vatshavbo va mu lundrago, va mu randrede va mu sokhovedza. Dalet

Gililo 1:3 Iomraidhean Croise

2 Dzipfhumu 25:11

Nebhuzaradhani a di dzega avo va nga bani va tshade dhoropani ni avo va nga bani va dzi ningede ga mufumeli wa Bhabhiloni, ni mimbe mitshaledwa nya vathu vatshavbo, Nebhuzaradhani, muthangeli nya vawoneleli, a di va vbagela a va yisa Bhabhiloni.

2 Dzipfhumu 25:21

Va diya songwa Ribala khu mufumeli wa Bhabhiloni, tigoni ga Hamati; Judha a di duswa tigoni gwaye a vbagedwa a yiswa hwindzo ni litigo laye.

2 Dzipfhumu 25:4

Va di pola gihogo vbalikhokholatunu; va duga khavbo vama vatshavbo nya gudwane nyimbi, va tutuma ni vbawutshigutunu khu mwanya wa vbakari nya dzindzari dza dzimbili, vbafuvbi ni lithembwe nya senge la mufumeli, kholu, Vakalidhiya va di randrede lidhoropa, mufumeli a di tutuma khu ndzila nya kova wa Joridhani.

2 Dzipfhumu 25:5

Aholu masotshwa nya Vakalidhiya, ma di lundra mufumeli kala vaya mu mana kovani wa Jeriko; masotshwa yaye yatshavbo ma di phalalega.

Jeremiya 13:19

“Madhoropa ya Marandzi ma segidwe, mwalo a kodzago gu ma tula; vatshavbo va na Judha va vbagedwe va yiswa wugumbini; vatshavbo va hongode kha ga tshala muthu.”

Jeremiya 16:16

Pfhumu Nungungulu a ngu ganela kharati, khuye: Nyi na rumela tengo nya wungi nya vagogi vuta va goga; khu hwane nya isoso, nyi na rumela wumbe tengo nya vasoti, vaya va sota sigomoni ni sigomwanani, gumogo ni dziphagoni nya siwindri.

Jeremiya 24:9

Nyi na va gira gilo nya gisamadziso ni guthisa, ga mifumo yatshavbo ya mafuni nyi na gu va phalalegiselago umo, va na khala gihegiso ni givalo malangani yatshavbo.

Jeremiya 39:9

Vathu vatshavbo va nga tshalago dhoropani, gumogo ni vayeyisi va nga bani va dzi ningede gwaye ni mitshaledwa nya vathu, Nebhuzaradhani, muthangeli nya dzighadhi, a di va vbagela a va yisa wugumbitunu Bhabhiloni.

Jeremiya 52:15

Nebhuzaradhani, muthangeli nya vaemeledzi, a di vbagela vathu vatshavbo va nga bani va tshade dhoropani, vambe vakone va nga bani vari sisiwana gumogo ni vale va nga bani va dzi ningede ga mufumeli wa Bhabhiloni, ni vameseri nya guvate ni guvbaha, a va yisa Bhabhiloni.

Jeremiya 52:8

Aholu masotshwa nya Vakalidhiya ma di va lundra khu hwane va ya va mana mapanini ga Jeriko. Khavbo avbo, masotshwa ya Zedhekiya, ma di phalalega ma mu tshiya ekha.

Gililo 2:9

Malimba ya Jerusalema ma thegide vbavbatshi; ma pandregide gu funyega sikwinyaro; vafumeli ni vathangeli va phalalegide ni mayigo. Olu wu mwalo gambe nayo, ambari ni vaprofeti Pfhumu Nungungulu kha ngu va tulela gambe siwoniso. Yod

Gililo 4:15

Va di embedwa gupwani: Khugani avba! Vathu nya gunyenyeze! Khugani mu nga hi khuhi. Va di thava va legalega ni mayigo, va nya mayigo va va embela, khavo: “Vathu vava va nga khali gambe vbakari gwathu.” Pheni

Gililo 5:5

Vasanisi vathu va gu hi sokhovedza, khu mirwalo nya gulemele, ambari na hi garade kha va hi digi hi hefemula.

Ezekiyeli 5:12

Gipandre nya wuraru nya vathu vago gi nafa khu mitungu mwendro ndzala vbakari gwago; gipandre nya wuraru va na songwa khu matshari vbavbandze nya lidhoropa, ni gipandre nya wuraru nyi na va phalalegisa khu maphuvbo yatshavbo ni gu va lundra na nyiri ni litshari mandzani.

Dhewuteronome 28:48

Khu guralo, u na thumela valala avo Pfhumu Nungungulu a na gu va rumela avbo gwago, va ta gu tshanisa khu ndzala, lidora, wuhagadzo ni wusiwana nya wukhongolo ngudzu; avo va na gu rwega kanga nya dzisimbi nya gulemele thamoni gwago, kala va gu mbembisa.