Gililo 1:18 - Bhibhiliya Nya Guage

¹⁸ Uye Pfhumu Nungungulu lulamide, aholu eni nyi di bomba sileletelo saye. Yingisani mwatshavbo enu mayigo, mu wona gutshaniseka gwangu. Dzimbiri ni madzaha yangu, va vbagedwe va yiswa wugumbitunu. Qof

Gililo 1:18 Iomraidhean Croise

1 Dzipfhumu 13:21

li laledza ga muthu wa Nungungulu a ngatago khu Judha, khilo: Pfhumu Nungungulu a ngu ganela kharati, khuye: “Kha nga olu u yeyisidego magana ya Pfhumu Nungungulu, u si sayisi sirumo esi Pfhumu Nungungulu wago, a gu rumidego;

Ezira 9:13

Gasi hwane nya satshavbo sesi si nga hi dugelelago, khu kotani nya mithumo yathu nya guvivbe, gumogo ni nandru wathu nya wukhongolo, ambari khu kharato, uwe Nungungulu wathu, u himbedzede gukhuwe hi mbembiswa khu kotani nya sighoho sathu, bwelo khavbo u hi ningide mitshaledwa nya nga eyi yi vbulugidego.

Nehemiya 9:26

Ambari khu guralo, va di bomba, va gu wugela va si gu yingisi, va gu pfhurarela va si landrisi Nayo wago. Va di songa vaprofeti vago, avo va nga bani va va embela gasi va vbindrugedza mavbanyelo va bwelela avbo gwago, va bwelo khavbo va gira gunyenyeza nya gukhongolo.

Nehemiya 9:33

Ga satshavbo si hi dugelelago, Uwe U thumide khu gululama, ethu hi gira guvivba.

Dzindzimo 107:11

khu kotani nya guyeyise ni guwugela Nungungulu, ni gu nyenya makungo ya oyu a Khusegidego ngudzu,

Dzindzimo 119:137

Pfhumu Nungungulu uwe u lulamide, ni gulamula gwago khwa lisine.

Dzindzimo 119:75

Pfhumu Nungungulu, nyi ngu dziti gwadi gukheni gulamula gwago gu lulamide, khwa hosisa olu U nga nyi tsayisa.

Dzindzimo 145:17

Pfhumu Nungungulu lulamide ga dzatshavbo dzindzila dzaye, a na ni wuhindzi mithumoni yaye yatshavbo.

Ekisodha 9:27

Khavbo avbo, Faro a di ruma gu ya rana Mosi ni Aroni, a ta va embela, khuye: “Olu nyi ghohide; Pfhumu Nungungulu lulamide; aholu eni ni vathu vangu hi sighohi.

Jeremiya 12:1

Uwe Pfhumu Nungungulu u lulamide, kha nyi dzi kodzi gu ganedzisana nago; ambari ulo, nyi na ni mahungu nyi vbwetago gu gu wudzisa, kheni: Khu ginani va nya guvivbedwa khu monyo va andrago mithumoni gwawe? Khu ginani vatshavbo va girago guvivba, gikhati gyatshavbo va vbanyago na va tangade?

Jeremiya 32:23

Avo va bede umo va li dzega va li fuma, aholu avo kha va nga yingisa gilo lito lago, ambari gu landrisa ndzila nya nayo wago. Ga satshavbo esi u nga va rumago gu va gira, ni gimwegyo kha va gira. Khu guralo, u va resedego dzimhango dzatshavbo dzedzi.

Jeremiya 4:17

Va ngu randrela Jerusalema, gu fanana ni vama va ghadhago thembweni, kholu vavbanyi vaye va nyi wugede. A ngu ganela Pfhumu Nungungulu.

Jeremiya 49:12

Kholu Pfhumu Nungungulu a ngu ganela kharati, khuye: “Vale va nga bani va si yeli gu sela gikombe gegi, gu vbwetega va gi sela, ahati uwe u na vbuluga u si gi seli, gani? Ahihi! Uwe nuwe kamwe u yede gu gi sela.”

Gililo 1:12

Enu mwatshavbo mu vbindrago khu ndzila, nga khedzani mu wona mwendro gomo gumbe gusaniseka gu vbindrago ugo gwangu, ogu Pfhumu Nungungulu a nyi giredego khu litshigu nya likhulo laye. Mem

Gililo 3:42

Hi gu ghohede, ni gumba gu yingisa, uwe Pfhumu, khu guralo khwa hi divalela. Samec

Gililo 5:16

Gihugu gyathu nya wufumu gi thegide! Libango lakone, kholu hi nga ghoha!

Dhaniyeli 9:5

Hi ghohide, hi gira silo nya guvivbe, hi dzi vangede libango khu gu gu pfhurarela, hi hambana ni milayo ni sileletelo sago.

Dhaniyeli 9:7

Uwe Pfhumu, u lulamide, aholu ethu muhuno hi tade khu dzitshoni kha nga u hi wonago. Ethu vathu va Judha, va Jerusalema ni vatshavbo va na Israyeli, avo va vbafuvbi, ni avo va hwindzo, mayigoni gwatshavbo u nga hi phalalegiselago umo khu kotani hi nga hambana nago, hi si gu tumbi.

Amosi 8:13

Khu litshigu lolo, makendzi nya gumbure ni madzaha ma na dzima khu lidora.

Sofoniya 3:5

Pfhumu Nungungulu a gu romo vbakari nya lidhoropa leli, lulamide, kha giri gilo nya guvivbe. Gugya ni gugya uye a gu thuma gulamula gwaye guwonegelani; kha phazami, aholu va nya guvivbedwa khu monyo kha vapwi dzitshoni.

Zakariya 1:6

Aholu, magana ni sileletelo sangu, nyi si tivisidego khu magana ya vaprofeti, sithumi sangu, ina kha sa pwala dzindzeveni ga vababe vanu, gani? Khavbo avbo, avo va di dzi laya va vbindrugedza va ganela, khavo: Pfhumu Nungungulu nya Tshivba Yatshavbo a hi pharidego kha nga idzo a hungidego khidzo gu hi tsayisa gukhedza khu mavbanyelo ni mithumo yathu.”

Varoma 2:5

Aholu uwe u na ni monyo nya guvivbe, khu dzini gu dzi laya. Wa gu engedzela gitsayiso a nga gu ningago khu litshigu nya likhulo avbo Nungungulu a nga resago gulamula gwaye nya gululame.

Varoma 3:19

Ethu hi ngu dziti nya gukhethu satshavbo esi si rumwago khu Nayo sa gu lumba basi avo va fumedwago khu nayo yoyo, gasi gu degudza magana yatshavbo, ni gu litigo latshavbo li dzipwe liri ni nandru mbeli gwa Nungungulu.

Dhewuteronome 32:4

Uye Giwindri nya gutiye, thumo waye wu vbelede, kholu dzindzila dzaye dzatshavbo dzi lulamide! Nungungulu tumbegide, avbo gwaye gu mwalo gukanganyisa; Uye khwa lisine ni gululama.

Valamuli 1:7

Khavbo avbo, Adhoni-Bhezeki a di ganela, khuye: “Livbandre na mavili magumi vafumeli va nga pidwago dzinyala nya vanyaghonwe va mandzani ni migondroni, va di gu roledzela dzitsheta dzi nga bani dzi thega khu vbamezatunu gwangu; iso nyi nga girago ga vambe, Nungungulu a nyi bweledzede esi nyi giridego.” Va di mu dzega va hongola naye Jerusalema, aya fela iyoyo.

1 Samuweli 15:23

Gumba yingisa, nandru nya wukhongolo, nya gufanane ni wuloyi, ni gu ganedza gwa gu fanana ni gukhozela sifananiso. Kholu, u nyenyide gupwa magana ya Pfhumu Nungungulu, uye nuye a ngu gu nyenya ni gu gu dzegela wufumu.”