Gililo 1:1 - Bhibhiliya Nya Guage

¹ Khu ginani li khadego marumbi lidhoropa leli gale li nga bani li tade khu vathu! Lidhoropa leli gale li nga bani liri likhongolo vbakari nya mayigo. Olu li vbindrugedzide li khala noni li nga bani liri ni wudhumo vbakari nya mayigo, olu li khade gisiwana! Bet

Gililo 1:1 Iomraidhean Croise

1 Dzipfhumu 4:21

Solomoni a diri ni tshivba ga mifumo yatshavbo, gukhugela tsongoni wa Ewufrate, kala tigoni ga Vafilisitiya, kala ni vbinganoni wa Egipito. Mifumo yeyi yi dita luva ga Solomoni ni gu mu thumela matshigu yatshavbo nya guvbanye gwawe.

2 Dzipfhumu 23:33

Aholu Faro-Neko, a diya mu mola Ribala, tigoni ga Hamati, gasi a si fumi gambe Jerusalema; a di dusa nayo nya gukhuye, tigoni gu hengwe khupo nya lizana dzitaleta nya parata, ni taleta mweyo nya ndralama.

2 Dzipfhumu 23:35

Jeyowakimi a di ningela ga Faro parata ni ndralama a nga yi lombago; aholu uye a di leletela vathu gukhuye va duse dzitsapawu dzodzo nya khupo, kha nga gu leletela ga Faro, uye a di guruvedza vathu vatshavbo va tigoni gu dusa parata ni ndralama va ningela ga Faro-Neko.

2 Dzikoronika 9:26

A di khozisa vafumeli vatshavbo, gukhugela tsongoni wa Ewufrate, kala tigoni ga Vafilisitiya, a bela kala vbinganoni nya litigo la Egipito.

Ezira 4:20

Jerusalema gambe, gu manegide vafumeli nya tshivba, va nga bani va gu khozisa mayigo yatshavbo ya khisikheyi nya tsongo wa Ewufrate, va nga bani va livbedwa khupo ni mihengo nya gikhaba.

Nehemiya 5:4

Vambe va di khavo: “Hi di pharisa ni marembwe yathu nya sivbila, ni ayo nya vhinya, gasi hi mane dzitsapawu nya gulivbe khupo ga mufumeli.”

Nehemiya 9:37

Mihandro nya litigo leli ya gu velegelana ngudzu, gasi yi hodzwa khu vafumeli va mambe mayigo, u va vegidego gu hi fumela khu kotani nya sighoho sathu; va gu khozisa sivili sathu khu gugola gwawe gumogo ni mitshambi yathu; khu guralo, hi womo gutshanisekani nya gukhongolo.

Dzindzimo 122:4

Khiyo ma gwelago ma ya tombana mahundzu ya Pfhumu Nungungulu, gasi guya tadzisa dzifanelo nya nayo wa Israyeli, dzifanelo nya nayo wa Israyeli, gasi guya rungudza lina la Pfhumu Nungungulu.

Isaya 14:12

Uwe u gu thandra nya gugye, nyamahegyane nya Wuronga, u thegide kharini khu ndzadzini! Uwe u thesidego mayigo nya mangi, u thegide kharini vbavbatshi!

Isaya 22:2

Gasi nyenganyenga muni ni ligwaha li pwalago dhoropani, na? Vathu vanu kha vafa khu matshari mwendro guya songwa nyimbitunu!

Isaya 3:26

Dzinyangwani nya lidhoropa lago, gu na pwala dzihuwa; u na tshala nyambana gilo, Siyoni a khala vbavbatshi huye hokohoko.

Isaya 49:21

Uwe u na ganela khu monyoni gwago, khuwe: “Khu mani a nyi velegedego sanana sesi? Kholu nyi fedwe khu sanana, kha nya nga tshuka nyi mana simbe; bwelo khavbo nyi diri mulegalegi wugumbini, khu mani a nyi sayisedego sanana sesi? Nyi di tshade na nyiri nyenga, gasi ava va diri hayi?”

Isaya 50:5

Mune, Pfhumu Nungungulu a nyi tude dzindzeve gasi nyi yingisa, aholu eni kha nya bomba; ambari gu bwelela hwane.

Isaya 52:2

Khuga u ema u dzi phuphutha kudzudzwane, u khala vbagikhalotunu gwago, uwe Jerusalema. Tshula makhetshe ma guromo thamoni gwago, uwe nyamahegyane nya khumbi ya Siyoni!

Isaya 52:7

Edzi yi mburidego khidzo sigomoni migondro ya vale va tivisago mahungu nya yadi nya maphya, va pwadzago gurula; va tivisa silo nya sadi nya gutsakise si pwadzago guvbanyisa, oyu a embelago Siyoni, khuye: “Nungungulu wago a ngu fuma!”

Isaya 54:4

U nga khali hwanga, kholu khu na nga theswa dzitshoni; u nga vbisegi, kholu mwalo a na gu poyilago; u na divaledwa khu dzitshoni u dzi manidego wumbirini gwago, gambe khu na alakanya givalo u gi manidego khu gu fedwa khu mwama wago.

Jeremiya 31:7

Kholu Pfhumu Nungungulu a ngu ganela kharati, khuye: “Embelelani mu womba mikulungwane khu kotani ya Jakobe, huwelelani ga uye a gu muthangeli nya mayigo; mu embelela dzindzimo nya wuzundzo, khenu: Vbulugisa vathu vago Pfhumu Nungungulu, a gu mitshaledwa ya Israyeli.”

Jeremiya 40:9

Gedhaliya mwamana wa Ayikamo, mwamana wa Safani, a di sambanya mbeli gwawe gumogo ni ga vathu vawe, a ganela, khuye: “Mu nga thavi gu thumela Vakalidhiya, khalani tigoni momu mu dzi vega vbavbatshi ga mufumeli wa Bhabhiloni, mu na khadzisega gwadi.

Jeremiya 42:2

va di embela muprofeti Jeremiya, khavo: “Upwa gulila gwathu, u hi lombelela ga Pfhumu Nungungulu wago, khu vathu vatshavbo vava va tshadego kholu, kha nga u dzitigo, hi diri vangi, aholu hi tshade na hiri vadugwana, kha nga u si wonago;

Jeremiya 44:2

“Pfhumu nya Tshivba Yatshavbo, Nungungulu wa Israyeli, a ngu ganela kharati, khuye: Enu mu si wone idzo nyi nga tsayisago khidzo Jerusalema gumogo ni madhoropa yatshavbo ya na Judha; ayo ma khade muhuno marumbi nyamba khadwa gambe khu muthu;

Jeremiya 44:6

Kotani nya isoso, nyi di guhula likhulo ni khorodza yangu si ta vbisa madhoropa ya Judha gumogo ni dzindzila dza Jerusalema; muhuno ma khade marumbi ni giwula nyambana muthu kha nga mu si wonago.”

Jeremiya 50:23

Nga wonani idzo gi fanyeledzedwego khidzo gikhokhotho gi nga bani gi pandrelela mayigo yatshavbo! Idzo Bhabhiloni a vbindrugedzidego khidzo a khala gilo nya gusamadzise vbakari nya mayigo!

Jeremiya 9:11

Jerusalema nyi na gu gira gu khala siwungela nya siwindri, gu khala liphala nya migehe; ni madhoropa ya Judha ma na khala giwula nyamba khadwa khu muthu.

Gililo 1:19

Nyi ranide dzipari dzangu, aholu avo va di nyi ningela. Vaphasi nya mhamba ni madhota yangu va mbembide dhoropani, gikhati va nga bani va gu vbweta guhodza nya guvbanyise hefemulo. Resi

Gililo 2:1

Nga wonani idzo Pfhumu, a fenengedzago khidzo Siyoni khu lipfhi nya likhulo laye! Theside vbavbatshi wudhumo wa Israyeli, wu nga bani wu khugega kala damboni, litshiguni nya likhulo laye kha alakanya gigandredzelo nya migondro yaye. Bet

Gililo 2:10

Madhota ya vanyamahegyane va Siyoni ma khade vbavbatshi hayo kape. Va dzi phorodzede nguma hungoni, va ambala silendra, makendzi ya Jerusalema ma nogide dzithamo vbavbatshi. Caf

Gililo 4:1

Gasi yi pfhurede kharini ndralama! Ndralama yi hutidwego yi pfhurede kharini! Siwindri sa wulangani nya miphaso si mbambamede umo nya mahandzakanya yatshavbo nya dzindzila! Bet

Gililo 5:16

Gihugu gyathu nya wufumu gi thegide! Libango lakone, kholu hi nga ghoha!

Ezekiyeli 26:16

Khu guralo, vafumeli vatshavbo va bambe nya yiphwa, va na tshiga khu vbasikhalotunu gwawe nya wufumu, va na funungula sifenengelo sawe, va tshula dzingandzu dzawe nya mavalavala; va na taledwa khu hwanga, va khala vbavbatshi na va ndrendremela gikhati gyatshavbo; khu kotani yago, va na thuruga.

Ezekiyeli 26:2

“Mwamana wa muthu, Kha nga olu Tiro a ganedego khu Jerusalema, khuye: Khavbo gwadi! Nyangwa ya va nya mayigo, yi khungumudwe, nyi tuledwe; nyi khala gitetema kholu yi khungumudwego,

Ezekiyeli 5:5

Mune Pfhumu Nungungulu, a ngu ganela kharati, khuye: “Eli khu lidhoropa la Jerusalema; nyi li vegidego vbakari nya vathu ni mayigo nya vaakelane vaye.

Levhi 26:31

Madhoropa yanu nyi na ma gira marumbi, nyi khungumulela malanga yanu nya miphaso, gima kha nyi na tsakiswa khu gunungela nya mahema nya miphaso yanu.

Levhi 26:33

Nyi na mi phalalegisa vbakari nya va nya mayigo, nyi mi fuvisa khu matshari; litigo lanu li na khala giwula, ni madhoropa yanu ma na khala marumbi.

Sofoniya 2:15

Khidzo kharati lidhoropa nya matshandza li nga bani li gu vbanya gukhadzisegani li dzi khusedza khu monyoni gwaye, khilo: “Kheni nyenga, mwalo mumbe nya gufanane ni eni.” Olu li vbindrugedzide kharini li khala marumbi, li khala liphala nya sirengo nya likhabi, muthu watshavbo a vbindrago khu vbafuvbi, a na li hega a womba ndrodzi, a ninginingisa hungo.

Gutuledwa 18:7

Mu ningeni gutshaniseka ni wuvi nya guningane ni gidhumo, ni gutshamba a nga gu pwago, kholu khu monyoni gwaye wari, khuye: ‘Nyi khade vbagikhalotunu nya wufumu kha nga mufumeli, kha nyiri noni, gambe gima kha nyi napwa wuvi.’