Genesi 9:21 - Bhibhiliya Nya Guage

²¹ Nowa a di sela wadwa nya dziuvha a gu leva, aya lala wumbwiri tshatshani gwaye.

Genesi 9:21 Iomraidhean Croise

Genesi 6:9

Aya khu matimo ya Nowa. Matshiguni gwaye, Nowa a diri uye basi muthu nya lisine nya gululame mafuni, a di gu landrisa gugola ga Nungungulu gikhati gyatshavbo.

Genesi 9:20

Nowa a diri mulimi. Khuye muthu nya guphele gu yala misimbo nya miuvha.

Mavingu 20:1

Vbinyu yi ngu dhadhavadzisa muthu; ni wadwa wu ngu vanga ligwaha, ni wevbini a dzi ningelago avbo gwaye, mwalo mapimo.

Muhevbudzi 7:20

Mafuni momu, mwalo muthu nya gululame, a thumago basi iso nya sadi nyamba ghoha.

Varoma 13:13

Hongoleni hi vbanye khu gululama nga vathu va vbanyago safani nya mihani; hi nga vbanyeni khu wukhondrobwa ni guleva; hi nga vbanyi wuphuphuluni ni mithumo nyamba yadi; hi nga vbanyeni khu gu dwana ni lidiwo.

1 Vakorinto 10:12

Khavbo avbo, oyu a dzi pwago na tiyide, a na dzi wonele gumba thega.

Vagalatiya 5:21

lidiwo, wughevenga, wubewudzi, limidzo, wubhemba ni silo nya nga esi; nyi ngu mi laya, kha nga nyi talago gu mi embela khu gale, kheni: Oyu a girago silo nya nga esi, gima kha na nga hodza thomba nya Mufumo wa Nungungulu.

Tito 2:2

Embela madhota ma khale vathu nya gu dzi pimele, nya giruti, nya mapimo, va lulama gukhodwani ni lihaladzo ni gutimisela.

Gutuledwa 3:18

Nyi ngu gu laya gukheni renga gwangu ndralama nya gumburisedwe niloni, gasi u fume; u renga dzingandzu nya guage, gasi u ambale, u siha dzitshoni nya wumbwiri wago; u renga rendre nya maho, gasi u dzi todza u kodze gu wona.