Genesi 8:20 - Bhibhiliya Nya Guage

²⁰ Nowa a di gira giluvelo a gi phasela ga Pfhumu Nungungulu. A di dzega gimwegyo ga lifumbu ni lifumbu nya sinyoni ni sirengo sile nyamba loledziswa gu hodzwa, a gu luva Pfhumu Nungungulu khu phaselo nya mhamba nya guvbiswe vbagiluvelotunu.

Genesi 8:20 Iomraidhean Croise

Genesi 13:18

Abrama a di sigulela mitshatsha yaye a gu hongola aya vbanya misimboni nya yikhongolo ya Mambre, tigoni gwa Hebroni. A di vbaha avbo giluvelo, a gira phaso nya mhamba ga Pfhumu Nungungulu.

Genesi 13:4

wulanga wule a nga vbahago avbo giluvelo nya guphele. Khavbo vbale a nga gira miphaso a gu rana lina la Pfhumu Nungungulu.

Genesi 22:2

A di mu embela, khuye: “Dzega mwanago Isaki, gyanana gyago gya gimwegyo basi u gi golago ngudzu, u bela ndzilani u gu hongola tigoni ga Muriya. Nu vbohide iyoyo, u na mu songa u gira khuye mhamba nya phaso nya guvbiswe, gigomoni nyi na gu nonedzago.”

Genesi 22:9

Na va vbohide wulanga wule va nga leletedwago khu Nungungulu, Abrahama a di gira giluvelo, a gu handzega avbo dzikhuni, a hunga mwanaye Isaki, a mu handzega vbadzikhunitunu vbatshani nya giluvelo.

Genesi 26:25

Isaki a di vbaha giluvelo wulanga wule, a rana lina la Pfhumu Nungungulu; khu hwane a di vbaha tshatsha waye wulanga wule, sithumi saye si di pola nambo vbale.

Genesi 33:20

A di emisa giluvelo wulanga wule, a gi rana khu lina nya gukhuye “Eli, Nungungulu wa Israyeli.”

Genesi 35:1

Pfhumu Nungungulu a di embela Jakobe, khuye: “Khuga u gwela Bheteli, indra uya khala iyo. U naya vbaha iyo giluvelo gya Nungungulu a nga dzi wonegisago gwago gikhati u nga bani u gu tutuma khu guthava ndriyago Esawu.”

Genesi 35:7

A di vbaha vbale giluvelo, a rana wulanga wule khuye Eli-Bheteli, kholu khavbo Pfhumu Nungungulu a dzi wonegisidego gwaye, gikhati a nga bani na gututuma khu gu thava ndriyaye.

Genesi 4:4

Abheli nuye a di gira phaselo, khu matiwula nya gifuyo nya gunone gya tshambini gwaye. Pfhumu Nungungulu a di hakha gwadi Abheli a gu salalegiswa ngudzu khu ningelo waye.

Genesi 7:2

U na dzega livbandre na mivili mipatwa, matune ni ngadzi nya mafumbu yatshavbo nya sirengo nyamba loledziswa gu hodzwa; u dzega patwa moyo basi matune ni ngadzi nya sirengo nya mafumbu nyamba hodzwa.

Genesi 7:3

Sinyoni gambe, u na dzega livbandre na mivili mipatwa matune ni ngadzi, gasi mafumbu yatshavbo ma simame guvbanya mafuni.

Genesi 8:19

Khu hwane gwaye gu di duga niso, khu mafumbu yawe, sirengo satshavbo si khwirirago khu lididi mafuni, ni sinyoni ni sirengwanana si vbanyago mafuni.

Joba 1:5

Gikhati va vbedzago matshigu nya buzo, Joba a di ranisa sanana saye gasi guta si agisa; a wuga ni dzimindru dzakone aya ningela phaso nya guvbiswe maningano khu vatshavbo, kholu a di gu alakanya gukhuye: “Hage saye, sanana sangu si ghohide, si vala Nungungulu khu myonyoni gwawe.” Joba a di gira kharato gikhati gyatshavbo.

Ekisodha 10:25

Aholu Mosi a di khuye: “U na hi ninga gambe uwe sirengo nya miphaso nya guhodzwe ni esi nya guvbiswe hi yelago gu ya gira khiso dzimhamba ga Pfhumu Nungungulu wathu.”

Ekisodha 29:18

U na vbisa nvuta yatshavbo vbatshani nya giluvelo. Eyi i mhamba nya miphaso nya guvbiswe ya Pfhumu Nungungulu, phaselo nya mahema nya gusalalegise gasi gu rungudza Pfhumu Nungungulu.

Ekisodha 29:25

Khu hwane u na si dzega gambe mandzani gwawe u si vbisa vbagiluvelotunu, vbatshani nya phaso nya guvbiswe si gira mahema nya gunungele gwadi mbeli gwa Pfhumu Nungungulu; phaso nya guvbisedwe Pfhumu Nungungulu.

Mitengo 7:21

ni gimombyana gimwegyo, ginvutana gimwegyo ni hamba mweyo, gasi gu gira phaso nya guvbiswe;

Varoma 12:1

Nyi ngu mi lomba vandriyangu khu wuhindzi wa Nungungulu, gukheni mu dzi ningele wurumba wanu mu khale mhamba nya guvbanye, nya gukatege, nya gunengedzise Nungungulu. Eyi khiyo mhamba nya lisine nya maningano yi tsakisago Nungungulu.

Vahebheru 13:10

Hi na ni giluvelo, avbo vale va thumelago Nyumbani ga Nungungulu va gu mwalo fanelo nya guhodze avbo.

1 Pedro 2:5

Hidzimelani nenu mu dzi ningedzela ga Nungungulu, gasi a mi thumise kha nga siwindri nya guvbanye, guvbahani nya nyumba nya Liphuvbo ya Nungungulu. Nyumbani momo, enu mu womo kha nga tsawa nya vaphasi nya mhamba va agisidwego, va hathidwego gasi gu ningela miphaso yi tsakisago Nungungulu khu ga Jesu Kristo.

1 Pedro 2:9

Aholu, enu mu lifumbu li hathidwego, mu vaphasi va Pfhumu, mu lihundzu li agisedwego Nungungulu, mu vathu mu lumbago uye. Enu mu hathidwe gasi mu huwelela tshivba ya Nungungulu, a mi ranidego mu duga gidemani, muta wenengedzoni gwaye nya gusamadzise.