Genesi 8:10 - Bhibhiliya Nya Guage

¹⁰ A di virela gambe livbandre na mavili matshigu, a gu li dusa gambe li vbuvba vbavbandze nya litaro.

Genesi 8:10 Iomraidhean Croise

Genesi 7:10

Guvbelani nya livbandre na mavili matshigu, gu di phela guvbalaga mati nya ndrambi mafuni.

Genesi 7:4

Ndrani nya livbandre na mavili matshigu nyi na gira ndzadzi yi guwa tigoni gipimo nya magumana matshigu, wutshigu ni mihani, nyi mbembisa kharato sivangwa satshavbo nyi si giridego mafuni momu.”

Genesi 8:11

Lituva li di wuya gambe gwaye ni silambo, na li pharide khu rotho lihagane nya liphya nya simbo nya olivha. Khavbo avbo, Nowa a di dziti gukhuye mati ma vbwasamide mafuni.

Genesi 8:12

Khavbo avbo, a di lindrela gambe mambe livbandre na mavili matshigu a gu tshula lituva. Ilo kha la nga wuya gambe.

Genesi 8:9

Aholu lituva kha la nga ya mana wulanga nya gumbake, kholu mati ma di nga langaladzide mafu yatshavbo; lituva li di bwelela ga Nowa. Uye a di dusa libogo vbavbandze a gu li hakha a li bedza taroni.

Dzindzimo 40:1

Nyi tumbide Pfhumu Nungungulu khu monyo wangu watshavbo; Uye a di noga a nyi yingisa gikhati nyi nga lomba giphaso.

Isaya 26:8

Hi ngu lirela gulamula gwago Pfhumu Nungungulu. Gusuva gwathu nya gukhongolo, khu gu alakanya lina lago.

Isaya 8:17

Nyi na tumba Pfhumu Nungungulu, wule a sihelago khovbe yaye sanana sa Jakobe, nyi na vega gitumbo gyangu avbo gwaye.

Varoma 8:25

Aholu, ha gu tumba silo nyamba si wona, hi na si lindrela khu gutimisela.